七月七日【星期二】

不要緊,,你說你最討厭像我這類人. 推卸責任.
其實我真的沒有推卸責任. 只是你不明白我老豆是一個怎樣的人.
明白了以後你未必明說出這一句話..
但..我不會埋怨任何人 因為這個是事實.
無論如何..清者自清 我問心無愧便可以了.
只是有點心酸而已...眼淚在心淚流.
不過..這麼多年來誤會我的人真的很多很多. 我已經司空見慣了.
多吃一次死貓也不會像以前那麼大反應了.
希望...多些人明白我的感受吧. 我也是人,,我也很難受的.

唉..傷心事不斷有
打機還要比人罵..我打機的目的是希望可以消除壓力.
竟然打機還要受氣. 給別人發洩. 給別人罵我收聲.
今天已經聽到這個話四次了. 我真的想哭.
可是..誰人會可憐我.
幸好還有一些明白我的人...跟我聊天.
不然現在我也不知道我會變成一個怎樣的人.
希望今年有生日蛋糕吃..有蠟燭吹 實現我一個小小的願望吧!

七月二日【星期四】

一早八點半約左黃大仙地鐵站0K等 去買BBQ食既野
一共有14人去 大部分人都幫手買野
之後我地上左去佳寶買野食
買野都買左好耐 成個鍾
我舀左好多丸 差唔多樣樣30粒
本來樣樣20粒 不過佢地話唔夠多=]
之後仲有3種味既雞翼 有牛扒 仲有金菇
唔計金菇 D野食好似買左196.1 如果我冇計錯的話..
仲買左3支汽水 兩pack紙包飲品同埋好多野

買完之後就落番地鐵站
等等等....等左勁耐終於出發
果陣應該10點左右
之後我地去到彩虹落車等埋金魚再上番去
然後蔡偉康整蠱我 叫我幫佢囉袋野
果然係一個陷阱 仲扮聽電話\./
好彩最後佢自己囉番=]
原來..去筲箕灣要轉兩次車
紫色線搭一個站又轉 然後搭幾個站落車
牛丸同Joey話我個頭似MJ-_-囧
點睇都MJ個頭型好多=]

之後A出口出去巴士總站搭9號去石澳
等左10mins左右..終於上到車
我地6個女仔坐晒上層最後果幾個位
不過岑岑話差左D野未買落左車去買...
坐下坐下大約35分鍾去到~ 好曬,,

之後開始準放好d野
然後有個人問我地要唔要太陽遮 成30蚊一把
我地都未答佢就整- -先斬後奏._,
不過我地最後都要左兩把 因為實在太曬了.
然後何柏軒同黃杰進幫手透爐
不過唔知點解 點著火又熜
勁大風~而且個火機真係..就快用晒d油
但係黃杰進唔知點解一撻就著
而且佢好似有特異功能咁
吹d火d火會大  但d火花又唔會彈到面
企係佢對面既何柏軒就食晒- -
勁慘= =仲要唔只一次

到最後 反反覆覆做左n次
用左接近兩個鍾時間終於透到爐=]
但係個火都係好細=[
燒到我隻雞翼燒左個半鍾先食得-_-
不過,,慢工出細貨=] 隻雞翼果然入面岩岩好熟 外皮好好食
坐多兩個鍾我都會燒多兩隻~
燒完之後~我行左落去影d風景相
個天真係非常靚^v^
然後我就上番去

之後~肥楊肥釗同李鈞lin仲燒緊野食
過左一陣佢地燒完落去玩
等番我一個係到睇袋
都坐左成個鍾......好彩有電話幫我解悶~

之後好多人番黎
我仲同Joey 小余影左兩張相=]
影完之後落左去玩班會活動
有斬手 數字球同埋馬騮搶波
斬手都比人斬打好多次 都輸左好多次
數字球~好少比人叫 一定比叫就做假動作跌左個波落地掟蔡偉康^v^
哈哈哈哈~中計啦你地-]
最後竟然係身手敏捷既李鈞lin輸左~o晒
仲有馬騮搶波~
輸左勁多次/_\"我下下釘住蔡偉康=]
有一下見佢整緊電話特登玩佢一個高拋物線掟落佢隻腳到等個波碌走
掟就掟得準..但馬騮反應太慢 有人救左佢~哈哈
玩下玩下都玩到5點幾

玩完上番去 瑋哥孤獨地看住我地d袋成兩個鍾~慘o_o
然後計番條數比番錢瑋哥~
都搞左好耐下
計計下我去左幫Joey還番個水泡囉番錢
果個人問我個水泡做咩無晒氣
我話唔係我玩既~唔知呀
之後果個人吹脹個水泡仲囉去洗
話個水泡一定係漏氣 叫我等多陣
我就番去搵Joey~
Joey同我行過去 我就同佢講話果個人話個水泡漏氣
Joey就話:我果陣問佢個水泡漏唔漏氣佢又話一定唔會漏氣
之後就行到去同果個人講:
個水泡游游下係咁漏氣 果陣我地幾個人係海中心
之後果個人又問 你地幾個人係水泡入面?
Joey又答:果陣我地有一個人係水泡入面 兩個人扶住個水泡
見到個水泡漏氣好彩我就即刻翻轉佢吹番脹佢炸 唔係浸死佢啦 係水泡入面果個人唔識游水嫁
借果陣問你地會唔會漏氣你地又話唔會 知道佢漏氣我都冇囉番黎換呀 你地間野咁遠
聽到果陣覺得Joey咁man 果個人都比佢嚇到呆左 最後都比番30蚊按金

之後就行番去諗住搭9號 但見左好多人 上完一個車都仲有好多人
岑岑 甄政 華哥同Maleung佢地4個一早係前面等小巴 好快上左車
然後我地仲有12個人 本來牛丸話行過去搵埋佢地16個人包架車走
但我地好多人話十蚊好貴 寧願行落去
然後蔡偉康 何柏軒同何毅康3個人就話行番去 行走左
蔡偉康話搭車都係15分鍾 行番去45分鍾得啦
咁我同Joey同小余決定跟埋佢地行
同牛丸 肥楊肥釗講byebye就行上去追番佢地
之後後面又見到瑋哥 黃杰進同埋李鈞lin行緊上黎

我同蔡偉康講話我記得搭車好似要35分鍾啵
Joey又話我聽左4首歌 當佢4分鍾一首 4x4=16 仲有之前18分鍾左右 點會呀
之後都係決定一路行落去
前面有班人 行行下過左佢地
之後愈行愈唔對路.....見到有個哥哥
問佢大約幾耐到行到番筲箕灣
佢話宜家仲未到鶴咀 仲有成個鍾半-,-
嚇親我地....好多人都半信半疑
行行行...我好想爬頭
之後跑跑跑..帶頭1u
但係唔知點解又企番尾...-,-
過左陣 搵到個花園仔 有位坐
大家坐左兩分鍾又再行過 因為大家都好想快d番到去
行行下 瑋哥話 你企隊尾啦..我驚
我O晒=0= 不過我都有企隊尾........
之後問左佢好多好多問題
因為傾下計唔會咁易覺得攰
問左佢好多平日唔會問到既問題
不過係佢既秘密..不便透露xD
行下行下開始天黑
係天黑前影左張好靚既相...真係好靚
瑋哥開始同前面"脫節"
我係好多爬頭..不過又唔想dum低佢一個係後面行
所以我都係等埋佢
見住佢行左一半成樽水飲晒 哈哈
之後我就講 你口渴既我倒d比你
點知佢同我講 離口飲咪得囉 我真蠢=口=川
好快..天都黑晒
行到一條同車擦身而過既馬路
真係幾恐怖 架架車都係你隔離.....
企係隊尾既我有責任提醒前面有車黎緊
行出少少真係會比車撞果種感覺雖然恐怖 但都好刺激
果陣應該行左1個鍾零15分鍾左右
一直行...就到哥連臣閣
即係就快行得番出去
大家好似就快攰到野都講唔出
不過我覺得無乜野...仲好正常丫-,-
我睇到瑋哥個樣好似就快死得咁-_-v
我問佢 你好攰咩? 我唔知有d咩反應- -"
佢話 好攰呀 我呢個童軍都唔夠你勁 果然係運動健將

Finally!經過接近兩小時後 見到個路牌指住筲箕灣
見到有車等唔知可以番到邊到..
之後 救星到!的士!
然後Joey截左架的
小余 蔡偉康 仲有瑋哥坐後面
我自己一個坐前面 我一直想坐既車頭竟然呢個時候有機會坐 囧rz
其實成世人我都唔係坐過好多次的士-_-' 更加係第一次坐車頭
Joey就講 唔該去柴灣地鐵站
柴灣....聽就聽得多 去就真係未去過-﹏-
之後就講緊邊個比住錢先
我話 我坐車頭 我比啦
果陣仲有50蚊 實夠比掛
最後 33蚊
落車之後小余計數夾番錢比我
不過個個都冇散銀
咁算啦...坐得的士無諗過要計 33蚊就33蚊啦
見到個地鐵站口 我地5個人都鬆一口氣 呼......
總站一定有位坐...勁正 不過都係坐6個站.....
我地5個人坐晒成行...傾計=]
我地4個係黃大仙落車...要dum低Joey一個自己坐番屋企
Joey真慘/_\"
傾下傾下 時間真係過得好快.. 轉車同Joey講byebye
唉...後來傾傾下傾到成績
個個都差左.... 我好過上次..上次考得咁差呀...............
好快就番到黃大仙~
咁多位再見 個個都唔同出口番屋企
番到屋企..別有一番感覺
同平日好唔同 都好開心
估唔到仲有飯食-v-'

而且 今次班會旅行真係好開心
彼此了解深左....經過十二個鍾之後
由其係行番起果兩個鍾
希望下次多d人去啦=]
P.S. 多謝小余搞呢個班會旅行同埋其他有份幫手諗活動既人啊=]
希望下個活動快D黎!

用左5日時間終於打完- -"

六月二十六日【星期五】

幾多分呢d野就唔多講啦..
我淨係想講中文同英文都係49分
真係勁o咀
明明英文卷48 比我發現佢改錯變49
之後中文果條明明打左交叉又變番岩
47+2=49
點解要咁邪呀~50分唔得既咩!

今日係last day了
今年既last day心情好似無咩特別..
今日都幾開心..收到好多真情對話
收到一句我見到幾感動既說話...
當然係秘密啦-v-

今日最後一日
突然覺得3E D男仔好人左好多=]
我今日第一日發現我單手吸到籃球 仲係大波
之前細波都未吸到..
之後水樽試吸 佢手太細吸唔到-,-'
Gel頭瑋都係吸唔到
蔡偉康都係吸唔到- -
個個都吸唔到
最後好似唔知邊個吸到兩秒-_-
竟然Gel頭瑋第一下見到我單手吸到波好驚訝=.=
車~~唔好睇小我a

其實今次我d卷整體都高左
不過都唔知升唔升到班
宜家唔好諗lu
唯有等7月10號啦...
各3E各位同學揀到想讀既科目=]

六月十九日【星期五】

Examination-last day.
考完中史之後仲有普通話
F.1,2還真好
考完一科就閃得
考中史果陣..真係好呆
見到D Fill in the blanks
真係識得一半左右- -
我不嬲成份卷最差都係呢part-,-
今次仲要成25分-_-v
做咩無啦啦多左咁多=_=
然後仲有6條mc 5題地圖
第一次有MC,d MC都幾易
個地圖我都識..不過無睇清楚題目5分冇晒
我以為佢話寫地方名上去 點知原來係英文字母=.=
唔係FD講都真係唔知 G0D!我果5分呀!明明識得晒v0v"
之後後面條漫畫題 9分明送既
有溫書實識
寫三個人名有三分
寫個三個拳頭代表咩人又三分
寫點解d拳頭向住個三個人又多三分
簡直就係vEr丫吉=]
之後後面既長答題
d題目真係唔太難
但係今次長答得果34分
唉~晒料
中史我都估計唔到自己幾分 唔太想估

之後普通話
記自己個名班學號+老師名一個又10分
老師名個個都寫梁德咁制 因為兩個字~wonderful~
原來我發覺份筆試卷實左太易*0*
比半個我做 我12分鍾就做晒 但係做晒啵~唔係唔識=]
原來普通話真係咁鬼易 100分滿分我諗我一定囉到80以上
然後到左listening~都係極之容易
斷估都有80分=]
最囧就係錄音帶中間聽到miss Lau把聲
超好笑xdd

考完普通話之後諗住走得~
點知派左好多野比我地話怕停課
有兩本暑期作業~有張可怕的選科表!(!&*@(!
我仲未諗到揀咩科/_\"
第一組我揀Econ 第二組諗住揀PE
但第3組啦就.....揀唔到~_~'
可唔可以唔讀嫁-,-
之後miss Wong監完我地F.3普通話~走左過黎
跟住我就問miss Wong我西史合唔合格
佢就話大部分人合格..咁我都定少少既~
一切..隨緣啦

六月十七日【星期三】

Today is the 8th day of the exam
去到尾聲了
F.1,F.2仲有兩日考試 F.3,F.4得番一日
好野~就快唔駛對住F.1E班馬騮
煩都比佢地煩死~_~'
無佢地係到個課室真係好靜=]"

今日考maths 1 & maths 2
我考之前仲傻下傻下以為考mc先- -
後來睇下時間表..1個半鍾
先知LQ先=_="
好似有好多我唔識既野
好彩見到D properbility先安心d
有一條問題 s0 thicky
一個半圓係頂 之後圓柱體係中間 有個cone係底
即係有d似支鉛筆既野 叫你搵番個半圓既半徑 好似仲有個volume比左
佢條題目比晒三樣野既height
d人就無留心個半圓
其實半員既height咪係radius囉
有人仲好肯定話我錯硬
點知後來有人證實到我岩~
唔係一做錯就成題無分lu~

之後mc..我真係好唔小心
唔睇清楚d題目
我計過嫁啦..我mc40題岩得15題
唉..灰晒

考完又係去同elle同呀ken去左荷李活間8番拉麵食
係就係幾好食既..不過都幾細碗-_-
食完去左冒險樂園鬥籃球機
本來話鬥射三分嫁
不過我第二粒波唔見左/_\"
竟然..呀ken仲炸過elle
elle入到兩三球佢先一球=]
我第一關已經多佢成100分lor- -
玩完4關 多佢兩倍多d
我497佢147~哈哈
之後第二次elle玩野搶晒呀ken d波射晒過黎
我就射射下自己個部企定射去隔離
估唔到命中率都5份之4
真係好玩=]
下次一定要同佢地再玩^^