九月二十四日【星期三】

估唔到琴日個颱風真係吹得咁犀利
我琴日講過話 我肯定6點前唔會掛8號風球!
點知係就岩岩6:00鍾掛
即係比我講中左~
唔知點解呢排講d衰野就好準
好既野又唔見佢中
搞到我呢排鬼死咁黑仔
琴日仲比灘水跣親
真係黑仔到爆
有本事聽日比車車死
中左先算!

最慘既就係
琴晚我老豆一定會早收工
番黎又無啦啦鬧我
只要股市一日唔升我一日都會受苦
d股票跌咁多蝕死佢就番黎搵我出氣
今朝又係咁
搞到我都唔知點好
結果就係自己做自己野

最憎D人唔識又要學人做
我琴晚抄緊書
佢下下係度煩住我
好心佢唔識電腦就咪煩我啦
佢囉左個風扇自己吹晒都算
好心佢唔好煩我啦
我知道佢特登囉
明明睇到佢禁到
我真係勁想鬧佢
不過知道一鬧佢就一定打我
之後我係咁整完就走
我都廢Q事理佢

今朝又無啦啦鬧我
唔知佢咩事囉
日日搵人出氣
我同Kate傾電話又煩煩煩
伸個頭係度聽我講咩
佢有冇尊重過我嫁
有私隱權嫁
唔比佢聽又鬧q我
真係好火囉
佢自己聽電話就唔比我聽
都唔知係呢d係咩無賴
睇怕佢好快都會打我

點解今日無得番學喎!
果兩堂英文呀!
阿sir本來教埋今日唔教
點知今日連最後一堂都冇=[
唉 好唔開心呀!
搞到我以後好似唔想再上英文堂..


之前果幾日d野去xanga睇番啦
www.xanga.com/monchhichi1016

九月十三日【星期六】

今日八月十四了
氣氛好似同上年不一樣 好像怪怪似的`
好多野都唔同晒
唔講唔知今日八月十四了
前幾年好期待中秋節
但係宜家中秋節已經無晒意義了
因為實左發生得太多唔開心既事
搞到我都無心情了
恐怕都係自己一個過了=[
假如有得再黎過 任何事情我都可以避免..
可惜無可能發生.
如果約到kate佢地既話就可能會開心少少
但係我始終都唔想放假
上堂開心d..

九月十二日【星期五】

下個禮拜一就中秋了...
我唔想放假呀!

我愈黎愈覺得班長似做苦力....
Miss叫你做咩就做咩
我再講多次...I can't believe that I become a monitress
That make me s0 surprise.

今年上堂氣氛超好
靜過上年十倍
不過又有果條友真係好煩
激到最好人果個代課阿sir都要鬧佢..
唉....n0 eye see~
少左佢我肯定好開心囉0_0

琴日練波勁爽 雖然好攰
但係終於都等到我等左兩年既野...
就係一個真正識教籃球既好老師
譚sir萬歲!~
幾辛苦我都會頂住嫁
為左今年唔要輸得咁難睇..最好贏啦
上年輸協恩輸得幾難睇...85:5
唔好再提了 過去既事要忘記佢!
我今年一定會打好我既籃球!
係中場掟十球最好入五球-.-
仲黎左好多新人
有兩個B grade~好有potential
都入到波 B grade有望啦
C grade仲好
好似有7個定8個C grade
好過上年我仲係C grade果陣
幾乎冇人換咁制
打死人
其實我仲好想入乒乓波同排球校隊.
不過我兼顧唔到咁多野~
打得好都無用....
我要向排球開下手開到上十樓進發!
上手由底線過另一邊籃球場
好似過左-0-"
乒乓波可能退步左
其實我小學打乒乓波最勁嫁...................
剎波剎到阿sir都接唔到-.-
我宜家好想入田徑隊呀!~
後悔中......................................
陸運我好想贏呀!

九月四日【星期四】

我都宜家都仲係唔明點解兩位女王要搵我做班長
9月2果日勁多野做
做到我小息都冇埋=[
不過.......都值得既-.-
男班長就做唔晒
我花成個小息最後都做得晒
真係好彩

呢幾日都勁多野派
真係有氣冇掟抖.....
等我仲以為做班長好容易添

呢幾日係咁聽到傳聞話黃嘉馨大左肚...
原來今日證實係真既
八爪叫我地D野唔係放係走廊同埋唔好激佢
我覺得非常合理...
唔係Kick到佢就慘了.....

今日同Elle去彩虹道食野
食食下又見到某人
0_0

之後Elle用兩個英文字整左條數學工式出黎
真係o晒咀囉......

我決定我一定會盡力做好本份呀!

九月一日【星期一】

今日好緊張邊個做班主任
一入到課室果陣
見到兩個女王
兩個老師都係姓王/黃
仲要係女
乜唔係應該一男一女做班主任既咩@@

之後佢就同我地編位
好多老師都係男同女坐
但係佢地係男同男女同女-.-
真係第一次見

之後就開始派通告同寫底我地要交既野
仲要我地抄底晒
話如果聽日無交少任何一樣野都要背英文書第一課第一第二段

之後就同我地選班會幹事 課長同班長
叫我地自己揀-.-揀淨果D搵人做
通常都係應該由課任老師去揀~_~
佢地仲要選左課長先選班長同班會幹事
我唔揀做課長
因為小學年年都做
最後個答案好出人意表
竟然委任我做班長
我都o晒嘴
真係無奈的說...
我講出黎肯定無乜人信我囉@@
總之我一定會盡心盡力做好佢啦..
今年一定要交齊所有野!