五月十五日【星期四】
今朝一早上兩堂英文堂~
我發覺左一樣野~
無論我做乜都好
Mrs Wong都不聞不問
佢見其他男仔唔專心~一定會鬧佢地
但係佢見我唔專心~佢當睇唔到
我覺得佢可能放棄左我~唔想理我
所以放我去最後最角個位坐~當睇我唔到
唔知點解我覺得心裹頭有種酸溜溜既感覺
覺得呢個世界好似無人再理我同關心我

Lunch之後就係Music堂~
今日我地Music堂果陣考口風琴
我Feel到我練得唔夠好
有D驚驚地
淨番十幾分鍾果陣仲有九個人
我心諗一定考到我
Miss Leung臨落堂前都話考埋我落堂
點知真係勁好彩~我後面果陣吹愛得太遲
拖到時間~最後我叫Miss Leung唔好考我住
佢又話好啦~今堂唔考住
真係好彩到爆!
不過其實下堂第一個考仲大壓力囉@@

其實原來今日唔係Music堂~
應該係聽日第四堂
不過SM陳話佢今日去覆診~
調左聽日第四堂
搞到聽日連續兩堂都係Science堂- -
不過都幾好丫~
一次過講多D~唔駛分開講咁煩^^

到左放學~
Mrs Wong話今日考番之前原來應該上LA堂考左既話劇
約定左我地
原來我諗住應該都幾快考晒
但係都唔快囉~
由3:45分考到4:30分
慢到嘔-_-v
我考果陣緊張到死
快到都唔知自己講D乜~
條舌頭都打晒kick~!
自己都唔知自己講乜~仲話人地
我真係緊張就會咁
我上次考口風琴吹果首慢歌
比我吹到變左超快歌
快到好似D人追巴士咁= =v
死啦..一定唔會高分得去邊啦@~@

考完之後就落去練波~
點知我落到去真係見到阿sir係到射緊波
一個練波既人都冇
之後我同阿sir講~
我去換衫~好快
然後我見到Mandy
佢話佢都練波
咁都好D~有個伴=]
今日阿sir教左我左手射波~
都算0K
之後佢要我左加手係籃底射計埋100球- -
我發覺一個問題
加手射仲抄到多過左手射
真係勁無奈

之後佢又教Mandy射3分
我完全無諗過佢唔夠力射三分
之後我無聊
係中場炸板~
我一球都無air~
點知仲有一球負碌到係中場穿針=]
D人望到O晒嘴~
我琴日咩住個豬包係一個幾遠既位射
然後是但射又入左
果陣真係執起個波就射~無描過
我發覺我掟波技術又進一步啦=]
仲有力又大左好多
係另一邊籃果條黃線過去中左板頂~
即係再後D都得
我可能好快實現到係另一邊底線炸入呢個夢想啦=]
我要加油呀@^@
你地會唔會十卜我嫁- -

五月十四日【星期三】
我個blog成功突破左1000瀏覽人次啦~好野!

今朝一早著冬季PE衫番去~勁爽!

今日游水堂又係做埋D幾無聊既野- -
又係自由式~識晒啦
蛙式好玩好多~!
但係算游得幾開心~
有講有笑~玩得勁投入
我上游水堂仲見到好多好壯觀既野~
就係一團團肥肉坐晒係池邊聽P聰講野~
既搞笑
我地2D2E十個有九個都係肥仔黎既
真係恐怖得很!

之後番左去睇F.1班排~
第一場1E對1C
初初諗住1C好鬼勁~
仲可能嬴埋1E添..
點知1C果班女排今日唔知做乜~
失晒D波~連開波都失埋
其實~開到波果個就係王者!
最後1E嬴30:2x
抖左陣~到1A對1B
頭幾球1A領先緊
但係1B好快追番
我不嬲都係支持1B既~
最後1B都係嬴左~~~
之後都1E對1D~
1D有高佬係到
然後頭幾球都失波~
之後打到十幾分果陣又追番~
之後一路領先落去~
然後到左差唔多嬴果陣
到高佬開波~
佢開到兩球1E接唔到
之後第三球落網~
真係好彩
唔係可能1E會輸
之後就係冠軍戰
1E對1B
你問我我兩班都支持
不過我當然最支持1E啦=]
你問我我100%肯定1E嬴緊
因為1ED男仔開波又勁接波又0K
女仔唔駛講~一定掂
1E最後緊係嬴左啦
但係比我想像中嬴得少
冠軍戰我影左短片^^
想要問我SD比你
佢地嬴左之後影佢地影左大合照~
1E又有啦啦隊打起
真係夠晒團結~士氣激昂!
1E係得既!!!
仲有~1E班接左我咁多殺波同咁多高波
比起今日排球比賽真係碎料
我今日都做埋1E既啦啦隊^^
如果我真係1E班就好lu~
一定好開心~咁多FD

打完班排之後就玩~
好爽~咁多人係到打排球
熱鬧到爆!
之後我行過去打排球
然後唔小心打到某人
之後我講左好多次Sorry
然後佢狂鬧我~
仲助跑一鎚打埋黎~
痛到嘔~
結果最後又係喊左出黎- -
成班FD行左埋黎
幾乎全部都係綠社~
得兩三個唔係= =
我D綠社FD真係多~"~
我終於都感覺得人間溫暖啦!!!!!!!
仲得到好多禮物- -
包括一條免費雪條,一隻免費扭蛋同一包免費紙巾@@
真係好多禮物
我仲要補充一句
如果聽日我唔去打番佢既話我唔姓郜!

過左一陣~
我坐左係地下
然後見到有個波飛埋黎
我唔知搞咩係地下唔知點樣打左個後滾翻然後接住左個波- -
比我班FD睇到
仲比Leo睇到= =
睇到佢地o晒嘴
點解會咁嫁@@

我真係唔係太明點解會打到
我之後試黎試去都試唔番果種感覺
果陣既感覺真係好特別~
我之後試黎試去都試唔番
我一定要嘗試搵番呢種感覺!!!
我仲好想學好側手翻呀= =
我學唔識唔會罷休嫁!

最後- -
今日隻手指仲係好似琴日咁痛
舊骨仲係突左出黎
都係果句- -點搞番點
搵人教我
我今日寫字用兩隻手指炸>.<
我完全屈都屈唔到佢
寫字都好辛苦
仲囉唔到太重既野..
搵人救救我~
再唔得我切左隻手指佢!!!

五月十三日【星期二】
今日Miss張上數學堂果陣真係搞笑
囉到掃把模仿支魚竿,教我地D角度之類果D野
手舞足蹈- -
仲以為佢跳緊掃把舞0.0
笑到我地班男仔傻>_<

之後上science堂仲爆笑
SM陳囉左個測分貝既機叫我地試下叫~
某個男仔笑人~然後SM陳請左佢出黎試~
佢第一次講哈佬笑到我地死~
把聲勁搞野
之後講左幾次都笑到我地死~
然後有一次突然間無聲
然後比SM陳串佢
仲笑得厲害@@
比SM陳串佢唔夠大聲之後佢就大叫~哈哈哈哈哈哈
之後笑到傻咁制~
笑到我地合唔到口

之後lunch time果陣
我見到施蓉妮用一隻手指開波
然後我就有樣學樣
用盡100%力去開球靚既
點知今次真係奶大野
開完之後痛到乜咁
痛到叫埋出黎
之後諗住痛完無乜野
點知愈黎愈痛~痛到就斷咁制
睇睇下原來舊骨向左入面突左出黎
有人叫我一野拍番入去~
我郁一郁都痛~仲話拍佢埋去
肯定痛死!有冇人教到我點做!
唔會一世都係咁掛@_@"
我宜家打字慢左好多~
一秒有隻字都冇
唉.....
你話我係唔係蠢到加零一丫
明知唔得都試~
真係蠢到爆炸!
lunch完之前執到個網球~
我就同施蓉妮同Theresa玩網球
掟黎掟去~
我好多時都接到~
仲有一次擺左個好有型既姿態添~爽爆=]
之後我仲抄小"醜"
拋波~
不過兩個就得~三個唔得
下次練下先=]

之後放左學~
班會補課~
Miss Leung教我地
或者搵老師教我地
真係好玩到爆!
氣氛咁正~
日日補都好~
好開心!
我同副主席開戰~
話要鬥高分
我一口答應
仲話有前無後打死擺就!
不成功,便成仁!
Miss 話我地耍花槍- -

補完之後落去玩~
玩玩下個波又飛左去學校出面~亂葬崗果到
又有兩個乞丐係到~
我上個星期講過話唔想再入去執
點知今日又要再黎
又比人鬧多次= =
自己打左過去果個唔執
如果個波唔係我FD
我肯定唔會過去執囉!

五月十二日【星期一】
今日好無聊
又上去慈雲山間冒險樂園玩
之後我玩玩下
突然有個變態佬行左埋黎想溝我
佢話我好勁~射到好高分
之後我就話~係咩,多謝
然後我又再打
之後打左呢局佢又問我幾多歲
我話比佢聽我11歲佢又信我- -
之後我又無理佢~
又再玩~
之後過左半個鍾之後佢又再問我
叫我比我電話號碼佢= =
我睬佢都膠啦
我無理佢~
佢又再話:「我比我電話你丫,你呀媽唔比錢你玩既話打比我丫,我比錢你玩。」
之後佢講左佢電話出黎
叫我save佢= =
我是Q但save左
佢見我save左之後又再講
你D球技咁好,唔好曬左佢,記得冇錢果陣搵我喎!
之後我等佢轉左身之後即刻過左出去
佢當我傻既咩- -
我真係唔會上佢當
一陣我比佢姦左咁點算!?
雖然佢都幾靚仔~_~
不過我唔鍾意靚仔嫁!
我以後都唔上慈雲山- -
費時比佢見到我
要上既都叫埋呀媽陪我上@~@

講番另一樣野~
今日玩籃球機果陣真係棋逢敵手!
遇到個同我差唔多咁高分既人
但係果個人應該有成三十歲~都係女仔
我第一次見佢射過陣
頭兩關仲勁過我~
諗住佢破硬我記錄~
點知佢臨尾香~
唔夠我個紀錄咁高
差一分~佢463分
都算好勁
因為我唔係次次都有咁高分
之後過左15分鍾左右~
佢捲土重來~
佢拉埋佢個女黎連線玩
佢個女係我小學同學~"~
我認得佢~但係佢好似唔認得我= =
不過佢射得算0K
都有三百幾分
之後佢呀媽最後都破左我記錄~
467分~高左三分
之後我既好勝心又湧出黎~
我一定要再破番佢紀錄
之後頭果關167分~真係幾高下- -
第二關289分~真係高到爆
第三關387分~可能破唔到- -
第四關475分~應該可以做到更高~
雖然真係破到紀錄~但係應該可以多12分
因為果陣心急得制~好快速咁射~
無理到D波仲未入到網~
然後一下射番晒應該入得既波打番出黎
糟透了!
不過又比我既最高紀錄高出五分!
又成為左我既新紀錄~
係唔係真係有競爭才有進步呢!?
我要再接再厲!

但係我發現左我左手隻尾指D指甲係中間裂開左一半
仲差一半就會得番半塊手指甲- -
到時肯定流好多血- -
點算~
最衰都係個細路~
唔識射波一野好多力車個波埋個籃到反彈搞到我隻手指咁- -
唉.....只好等到D手指甲長然後先剪到佢- -
有排等啦~囧
果個細路真係好鬼恐怖~射十球九球都彈出黎
好多個人都奶野
但係佢又好野~咁都有6分- -
比佢反彈再撞反彈番去入到~"~
真係吹佢唔脹~
仲要臨尾兩球先比佢入到~
囧到爆!

五月十一日【星期六】
今個母親節係我咁多年最難忘..
我琴日同呀媽講一句sorry加幾句花言巧語就氹番掂呀媽=]
佢就再無嬲我

今朝一早我呃我老豆請我同呀媽食早餐~
一齊食果陣尋回番七年前失去左既幸福同溫馨既感覺~
令我好回味~
如果可以成日一家人一齊食就好lu~
我諗一定會好開心=]
但係我老豆要我請番佢食晝-.-
其實最受惠果個係我呀媽
最慘果個係我..
因為今日兩餐都唔駛佢出錢~
佢就發達la!

之後到左晏晝
我帶左我老豆去一間我同我呀媽都鍾意食既野~
就係黃大仙中心果間五十嵐~
果到都算好平(日本野黎講)
我估唔到我老豆會鍾意食日本野
我第一次見佢食三文魚~
佢差D搶晒黎食~"~
呀媽都話佢第一次見老豆食日本野
我計過數食左125蚊~大出血!!!!!!!!!!!!!!!
之後張單黎話151蚊~
無理由丫
我好少計錯數喎~
之後我同呀媽睇單~
見到佢打多左樣野~
好彩睇下單姐
唔係就比佢昆左@@

食完之後老豆約左人,走左
我就同我呀媽去左荷李活~
去左冒險樂園~
我一手拖住左佢帶左佢入去~
果陣真係好溫馨
我發覺我都好耐冇拖過佢隻手
之後入左去~
見到果部推公仔既機有隻公仔晾住左~
一入錢就會跌
之後我就好快出咁暢錢
然後好快速咁跑番去~
果然~一入錢就跌
係我一生人之中就一次推到公仔落黎~
仲係一隻叮噹~好可愛嫁=]
忽然間有好大既滿足感

玩完之後我就緊係玩我最鍾意既籃球機啦
我拉住呀媽叫佢同我一齊玩~佢唔肯
咁我就玩啦~之後頭果局唔知做乜
球球都中釘~我平時用開呢鍾力度嫁!
點解今日會咁既
然後我就細力番少少~又球球入喎
唔通我又大力左@@?
之後射完都唔係太低分~
唔低過400分就得嫁啦!
然後再射~有460分!
真係好高呀!~
然後再射~第三局射得唔好
我決定用單手射~
夠過關就得啦~唔理啦
之後呀媽問我~你射咁耐,唔攰嫁咩~
我就話:「唔攰,你黎唔黎試下。」
佢都仲係唔肯= ="
我又再射~打多左幾局射黎射去都係差唔多
有少少攰~抖左陣
然後再番去,一射就全日最高~470分!
我未癲既最高記錄!
緊係影左相啦~遲D比你地睇
但係個最高記錄真係恐怖!!
唔知七百幾定八百幾~
Impossible!
之後我再叫呀媽陪我玩~
佢終於肯玩
因為佢見我玩得好開心~好似好好玩咁
然後我同佢射一架機~
第一關九十幾分~估到
第二關二百六十幾分~差唔多咁上下啦
之後第三關我射番~
追番二百六十幾分
然後第四關又一齊射~三百零幾分
其實幾分唔係一個問題
係玩既過程開唔開心既姐
真係好好玩~好刺激~
之後佢話我要同你分開兩部玩
玩團體賽~
佢只係過到頭果關~
之後幾關都係我帶佢過到~
佢最後171分
一個師奶黎講已經好過好多人- -
然後玩完之後得番五個幣
夠玩多一局
我呢局全部用左手射
我發覺真係攰好緊要
好辛苦
射到尾過關簡直無力
最後三秒一球都無射到~
已經唔想郁
但係我從來無諗過左手都過得晒四關
有三百零二分~
真係搞到我成舊雲咁

之後得番一個幣~
去左掟彩虹
一彈掟到好高
然後撞到個攝錄機~
然後一跣跣左落去綠色中左
企我隔黎果個睇到o晒嘴~
仲學我咁彈~
但係彈左落地下- -
真係唔知算唔算搞笑..
然後果個工作人員唔知咁樣計唔計我中獎好
不過佢諗左陣都係當我中~
唔理我用咩方法都好~
總之中到就得啦-.-
之後好開心咁攞住五百飛~
入左落張會員卡到~
哈哈......

之後同呀媽番左屋企
呀媽見老豆係到做緊野~
話我地唔好阻住佢
於是又攞左我個令令籃球落去打
我狂射三分~
我真係發覺我大力左
平日用呢個重到死既波射三分肯定air~
今日竟然唔air
仲差唔多球球穿針
然後我中場掟埋去
又比我負碌掟入左
o晒嘴@@
之後又花式走籃
無球抄
真係超越左平日既我-_-'
我發覺我宜家愈黎愈大力啦!
最好有一日100球入100球啦!