五月五日【星期一】
距離考試倒數三個cycle!

今朝上英文堂真沉悶~~~
雖然我真係好留心咁聽佢講書~
仲做左功課
不過最後都係衰左-3-
上題期三佢比左我地三樣功課
我做左兩樣
另一樣唔識做>_<
佢都未教到
點做
唔知點解有D人識做
雖然我好想交到功課~
但係我既原則係唔會抄功課!!!!!!!
所以我選擇挨鬧好過
點知Mrs Wong話要罰抄果兩版功課~
平日又唔見佢罰抄
竟然今日走去罰我抄
仲要比Total見到~
仲要比佢串左我一句
勁瘀!!!!!!
好彩有我FD陪我抄姐
本來諗住5分鍾抄完
點知最後成15分鍾先抄完
慢到嘔-_-v
但係竟然仲有個慢過我=]
終於搵到一個抄野慢過我既人啦!

到左今日放學練波~
開頭得兩個C grade練波
第一次接受地獄式訓練!!
首先跑左三個籃球場圈
之後就做我平日最鍾意做既射波
但係今次可謂地獄式射波!!
連射左20分鍾~
要我地二十分鍾內入三十球
位置不限~要係鎖匙圈出面至到三分波
不過要每次射埋同一個位
初頭諗住超easy
點知射射下就知味道!!
我覺得今日射波眼界差左
平日射三分肯定唔會air
今日air左好多球
射射下幾乎體力透支
我都係第一次感覺到咁攰
而且好多人都未見過我咁辛苦既樣
仲有係我最衰既時候比Total見到!!
真係無陰公!
我平日練波跟本冇乜消耗到我既體力
因為太easy
但係今日真係好唔得
射到我幾乎暈咁制
中段直頭球球air
但係無啦啦一入就連入6球穿針
後面班男仔話暴走咁勁既,球球穿針
點知入完之後又抄幾十球
抄到傻!
攰到我又想放棄又想喊
20分鍾起左手二百球有多
點知入得27球~做唔到30球呢個目標@@
覺得自己勁失敗同無用
點知Hebe射牛角位20分鍾都係入得25球
仲衰過我射三分~
果陣都無咁唔開心

射完之後姚姚,麥欣兒同鄧佩欣出現了
我再話我要十分鍾射晒三十球罰球
之後Hebe推我話我串咀-口-川
我都驚我做唔到
我停都無停就話射
我回氣算回得快
停左一分鍾就回番晒氣
阿sir都覺得我一定射唔到
之後射下射下三分鍾就射左十二球
咁快既~_~
最後用左7分鍾就射晒~
抄得十球以內
最多試過連入十二球
我射完之後就飲水
見到佢地仲射緊~
有D心涼@@←我好黑心>33<
竟然結果難以置信
Hebe射唔晒完全唔出奇
但係B grade竟然都射唔晒
最令我失望既係
麥欣兒呢個勁人平日射波咁準
竟然入得14球
佢射介乎三分至牛角位
佢問我:「你射得晒呀!?」
我話我七分鍾入晒30球罰球
佢幾乎噴水
我仲話下次要挑戰五分鍾入晒三十球
我真係想試試~
我覺得我應該得
因為我射罰球果陣已經無力咁制
不過罰球位我跳都唔駛跳
我真係愈黎愈大力
上個月都仲要跳-.-

射完之後阿sir話要我地增加球感
叫我地做囉住個波轉腰轉頭左右各五十下
轉腳一百下
然後仲要拋起個波伸直手接一百球~
我第一下已經篤魚蛋
雖然拋得好準
不過十下五下都篤魚蛋
之後我拋得最高果下諗住接到好開心
點知個波撞到我手掌舊骨都移埋位-.-
痛到我痴線
然後郁一郁果陣又無啦啦移番過去
果下真係好甘!!

做完之後鬥波
我地猜黑白
點知最後結果都係C grade對B grade
鬥七分
然後jump開
我jump嬴左
之後我地開波
第一球比麥欣兒搶左
之後到我再開波果陣一射三分就入左
不過都係計一分-.-
點知成場就係我果一分
輸左7:1
入波先果個唔化表一定嬴-.-
最後仲輸得好慘添@^@

練完波之後我就練排球開波~
我仲傻到開完個波諗住自己去追番~用盡左全速
點知同個波差左幾步
之後比Leo同henry見到=_=
勁o嘴,佢地又勁o嘴咁望住我@_@
早知唔跑咁快啦!
又比人見到啦!
好瘀呀T_T
不過我都好想練跑-_-v

之後到左6點9
呀媽打比我話大廈停電!
叫我係屋企樓下間麥當當等佢!
真係慘~
想番屋企訓覺都唔得
停電又煮唔到飯
迫住出街食
點知一個鍾頭後又有番電-.-
都無買餸~唯有維持原判~出街食
今晚食左112蚊呀!真係貴!
係屋企煮飯咪好囉~
慳好多~
停電真係一場惡夢!!!

下次練波一定要五分鍾內射晒30球罰球呀!
我既夢想係大個左做籃球員呀!

五月四日【星期日】
昨天,我沒心情打blog,所以沒有打

今天我也沒心情打,但是不知道我為何又很想打,我想大概是我太無聊是也~

這盤冷水潑得我很準
就是那一句話
打擊了我的自信心和上進心
令我很想原地踏步

今天我和媽媽聊天
不知道為何會談起我的成績來
我說:「我今年的成績進步了許多。」
媽媽說:「你這成績還算進步了,你退步了還差不多。」
我再說:「我一定會讀上大學的,走著瞧吧!」
她回應道:「以你這樣的成績,我相信你連中四也讀不上,還說要讀大學,別做夢吧,你還是省一點氣吧!」

她說了這樣的話,把我從地面打進了無底的深淵,
令我失去了頑強的意志..
我現在還左想,究竟我對努力讀書的堅持是對還是錯
很多人也瞧不起我,不看好我會考到前50名
竟然現在連我最相信的人,最疼愛我的人竟然會對我如此的話
等於把我送死去了

即是現在沒有人再支持我了
那,我也沒有mood再讀了
我相信在此刻應該要放棄了
原來我一直在鑽牛角尖~
我還是收皮吧~baby
如果在電腦前面的你們看完後覺得我還有可能考好的話請留個cm給我吧
現在的我很down

五月二日【星期五】
琴日睇報紙知道
教我地男籃個呀sir有得跑
跑第17棒
想去棒佢場
不過果到唔比人去睇
無計啦
我仲見到佢上左電視同報紙-,-
勁無奈

8點幾出門口
懷著興奮既心情浩浩蕩蕩咁出去~
我今日真係著左件PE衫出去-.-
支持中國~
之後我搭港鐵出去
出到去九點十五分
但係已經人頭湧湧,水泄不通
之後我囉左好多旗同埋D中國加油既貼紙
面好多人都高過我
擋住晒
而且又人迫
郁一郁都整到人
到左九點九
勁肚餓
而且成條街都行唔到
進退兩難
D人行番出去都唔得
再到左十點三
見到好多車經過
然後又見到D人迫到去港鐵口
成條樓梯都爆晒
真係
多人到爆炸
悶熱到爆炸
熱鬧到爆炸
雨密到爆炸
擠迫到爆炸
肚餓到爆炸
興奮到爆炸
仲攰到爆炸
D人高到爆炸
岩岩係我前面三個高我半個頭
擋住左~仲要一字排開
成個擋箭牌咁=,=
我仲見到City Bank果到有成班職員企左上去
新聞都有影到過

到左10:45分
跑到黎啦
本來諗住睇華仔
不過佢一早跑完
我岩岩個位睇到方力申傳棒比陳慧琳
我企果個位睇到已經好好彩
我見到個火炬手十秒都冇~
我有試過影短片
不過唔知影唔影到
我仲未睇我影左D乜
要影短片都好難
要舉到最高先影到
我淨係影左少少熱鬧情景

睇完之後好多人都散場
但係我就繼續留係到睇下
見到有班人示威
新聞都睇到
著住橙色衫
囉住雪山獅子旗比人拉左

之後我仲見到個無"線"新聞報到員同埋一個camara man
我影左佢地報導果陣既情景
之後我仲同左佢地影相
我今晚睇新聞先知佢個名
成日睇得多
原來佢叫蘇敬恆(好似係)
咁正
過多左陣就走左去食野
果陣已經11:30
餓死

食完去左行街
然後4點番左屋企
我遲幾日post番D相去相簿~
到時記得去睇呀!

今日真係勁難忘
好熱鬧
好興奮
不過如果再有機會睇既話
我一定會六點鍾起身去霸頭位!

五月一日【星期四】
今日係勞動節
做死我
正當我作作下詩既時候
又比老豆呼呼喝喝叫我做野
唔做佢就肯定又囉野車我
想唔做都唔得啦
一做就做左幾個鍾
煩死又攰
我愈黎愈懷疑佢生我出黎係唔係當我工人咁駛~

由今日開始
我準備緊母親節既野
我諗住親手做D野同草錢買樣三百蚊既野
所以黎緊我會留低晒D食飯錢黎買禮物
而且我要比D驚喜佢
以報答佢咁錫我~
我諗佢到時一定好開心=]

聽朝一早,
出發睇聖火
話叫我地到時著紅色衫
我屋企得果一件紅色衫
就係件PE衫-.-
唔通到時著果件去咩=.=?
雖然紅社都唔差
但係件PE衫印左可立兩個字
唔通著去話比人聽我係讀可立咩-.-

我聽日會影好多靚相同短片~
要既下次問我囉,藍芽SD比你地
唔知聽日去有冇記念品呢
有既話囉多幾件送比FD先=]

聽日一定好開心好難忘=]

四月三十日【星期三】
今日係四月既終結~
有D唔捨得四月既過去
時光飛逝~不知不覺又係學校度過了兩個年頭~
得番三個Cycle就完左個中二
雖然挺討厭2E這班哇鬼~
不過有時吵吵鬧鬧也挺熱鬧的~
但是也有些時候令人挺煩厭的~
能夠一起上課是一個緣份
可惜只剩下二十多天..

有四日假放唔知做乜好~
諗住後日去睇聖火~
如果想同我一齊去既話就Call我啦~
我榮幸之至=]

今日放左學之後打打下排球
練緊開波~
開開下~男廁鹹水一湧而上
搞到果到成灘水~個坑渠都就爆晒
乜我打波真係好屎咩@@?
Total話我好屎
話我廢
勁唔開心囉=[嗚....
我要繼續改善我既球技!
我要百分百接到!

仲有,我愈黎愈發覺許民杰同燒kai子好黑人憎~
又煩又唔識聽人講野
講極都唔明
話左比佢聽叫佢唔好打
點知佢打左成兩三次落灘水到~
真係火都黎埋~
佛都有火嫁!
更可況我只係一個好渺少既人類!?

聽日我諗到做D咩啦
我要作幾篇好文~好詩
我宜家最快作一首詩時間係分半鍾
作一篇400字既文要15分鍾~
全賴成哥教導有方~
佢教作詩真係超正~
令到我宜家作到咁多好詩~多謝呀!
我要投稿上雲峰呀!
不過我想講我係一個電腦百痴-.-
電腦電腦,電到個腦壞晒~
用得佢多個腦會壞嫁
唔好沉迷上網呀!
我中左打機毒啦~
宜家先差唔多戒到打機~
之前打機打到天昏地暗,
考試連書都無讀過呀~
所以上年都係試升中二-.-
講番正題~
電腦既野搵人幫幫我呀~
我一定要投稿呀!