三月十五日【星期六】
今日一早補完習,,然後就打波
繼琴日帶左我既靚靚籃球番去之後..今日又帶打左佢番去,,
今日番去玩得勁攰..
射左勁多次key..射左差唔多十次有多(可能唔只咁少)
同啊雞射十次,,一人嬴五局..
話輸左請野飲..
點知最後都係我輸佢一局..
今日有一局嬴得勁險
要射埋321~之後射到三分果陣我地輪流入左好多次三分
直到射左3,4次終於都分到勝負..果局我終於嬴得好漂亮啦..

但係之後..竟然輸左比個F.1仔,,仲要矮我一個頭。
果陣我嚴重缺水,,我跟本連射既力都冇
最後三分決勝負
果陣勁想棄權~不過棄權咪冇晒體育精神~
所以最後挨埋落去
不過輸係預計之內
如果冇氣冇力都嬴到佢咪即係證明佢廢
佢唔算廢丫..
不過我嬴到啊雞都一定唔會廢過佢
我想只是時間不合適吧..

然後我就去左KCP(九龍城廣場)
去左冒險樂園玩..
玩得勁興奮~
又係玩籃球機..次次都過400既..
宜家成日玩到咁高分覺得有D無聊
我想我要嘗試一點新挑戰吧﹗
之後就玩左7次yo yoo punch~
即係一個紅色既野,,然後打落去睇下轉到幾多個圈..
之後7次嬴左兩次﹗
然後去左抽獎睇下抽到D咩禮物..
點知兩隻野一樣~
等我送比我心愛既人先~
我既真命天子就快出現了﹗

然後周圍行街..勁多野行~
本來諗住買籃球鞋
不過無左我鍾意個款..所以冇買到~
不過今日都滿載而歸﹗
係冒險樂園嬴左勁多禮物..勁開心
只係玩左50蚊炸..

三月十四日【星期五】
雖然聽日開始放假了,,但係並不開心
因為我不喜歡寂寞既感覺..

今日要交首詩..
我今日上數學堂諗住上堂聽話D留番個好印象比佢~等佢走得開心D
點知我日佢竟然無番﹗﹗﹗
唔知點解我覺得好似對佢唔住咁..
上堂又唔聽書又玩埋D s!lly things..
朱sir我對你唔住﹗係我錯﹗
如果有得從頭再黎過既話我會選擇好好聽書﹗

既然佢無番..
我諗住作埋首詩..
只係諗左五分鍾
以下係我首詩..

酒入愁腸愁更愁←唔知抄邊首詩
上天把我一宵留
今朝有酒今朝醉
明日無緣莫強求

又押韻平仄聲都對ga~
不過啊sir話一三五不論
所以頭兩句差少少
但係後兩句頭四個字對偶ga
同埋後兩句D平仄全部都對晒~

今日著左PE衫+籃球隊衫..
心情好雀躍好想打籃球..
所以今朝一早帶左我個靚靚籃球番去..
然後小息食飯同放學都可以打..
不過個個都話我個波好重..
其實呢樣野我都覺得..
但係都有人話我個波好型喎=]

雖然今日帶左個波番去打好開心
但係都係見唔到去同佢打波
有D失望..
不過總有機會既
耐心等待一下..
緣份要黎既時候就會黎
無緣莫強求﹗

放左學之後就係我最期待影既校隊相~
覺得好好玩
成幾百個精英雲集
呢個情景真熱鬧﹗
我好想張相快D曬出黎啊
有得一人一張就好lu~

影完之後著住我神聖既戰衣打波
呢種感覺令我打得份外認真

但係我卻不喜歡別人重色輕友
為左見到自己鍾意既人一眼就連答應左朋友既野都一日推一日
日日都話陪我去彩虹道食野
結果又係掛住望住條仔就唔駛理朋友
呢D人我最憎﹗

去到彩虹道食野果陣天剛剛下著毛毛雨
恰好表示到我既心情
入面有位都唔想坐入去
只係想淋下雨
我同個天同病相憐..

我的感覺很難受…

三月十三日【星期四】
唔知點解每次都會比泰國佬射波，走籃既姿態吸引住..
連食波餅都唔知發生咩事~
每次都好想見到佢
T.T

今日放學練波~
圍住學校圈跑左5個圈
好似話學校圈一個圈200幾米
即係話我今日應該跑左1200米
不過跑完都唔係好攰
而且隔離有一個形影不離既人一齊跑
成日個個都話我地兩個有少少似樣~
仲叫左佢做小暴走..
勁無奈~~~

今日練波終於都練到我最想學既野啦
就係射波既正確姿勢~
雖然好難學
但係幾辛苦都唔怕
只要學到就得
因為我大個左之後想做一個籃球員=]
不過啊媽話做籃球員無前途~
就算佢比我做都要我有咁既能力先得ga~
我宜家愈黎愈享受練波既過程-3-

練完波之後又打左陣排球..
我同幾個fd仲同藍社社長打排球添..
藍社社長都幾好人=]
但係雖然我宜家打排球愈黎愈勁
好多球都到位
但係我D fd個個都話我開波虧左好多，低左超多..
我甚至今日虧到囉個排球黎踢都仲高過開波..
踢得高過上天台
仲好直添..
然後仲接到打到過去好準
但係真係好難回復到整親隻手之前既水準
忽然有D失望同氣餒既感覺..

然後走既時候
行去答車
之後無啦啦有架單車高速行駛
之後佢殺制不及，我又閃避不及
就咁就比佢撞到好應

然後上車前
架巴士同我擦身而過
已經"hi"到我
我果陣都唔知比D咩反應好
我驚既時候只會呆企..
我唔識去避..
所以幾年前沖左出馬路見到架車撞埋黎都係企左係到
到宜家諗番起果一刻都仲有D恐怖>.<
都唔明點解D車成日都要撞黎我到﹗
但係次次都撞我唔死
撞死左我咪算囉﹗唔駛煩﹗
活左這個世上很痛苦﹗

三月十二日【星期三】
司徒生日快樂﹗
孫中山死忌快樂﹗-.-
我無聊頂透~"~

今日小息又見到泰國佬..
勁想同佢打波同睇佢打波時候既"英姿"
不過可惜今日睇唔到..

然後今日到左放學既時候
竟然有人同我講話啊某某人愛我..
之後啊某某人既fd問我鍾唔鍾意佢..
我答道：「唔好玩啦..」
佢再問咁你鍾唔鍾意先
我再答：「嘔心﹗」
但係佢本人真係認左佢鍾意我..
我果陣時扮聽唔到
但係我真係勁o咀

呢D野我今年聽到第三次
但係我唔想咁早拍拖
宜家我中二炸..
係唔係應該認認真真讀完書先討論呢個問題呢？
後來我都係同佢講
比心機D讀書好過啦
你考好D我就考慮一下
其實我只係隨口講下..

唉..
其實個個拒絕人既說話都係一樣既啦~"~
無乜特別..
但係我其實好想拍拖
不過我認為無咁既必要

然後今日打排球既時候
泰國佬行過黎開左球波
佢既"英姿"..
我畢生難忘
最可惜影唔到佢短片
影到既話真係令人百看不厭..

我宜家開始努力溫習~
大家UT要加油啦﹗

三月十一日【星期二】
今日小息既時候又無啦啦見到泰國佬..勁o咀喎
比佢見到我開高波個姿勢~咁樣衰

然後小完息之後就係I.H堂
然後我見我唔寫野(果陣我諗緊點寫)
之後佢就話：「小丸子同學，寫野啦。」
然後個個都哈哈哈
之後個個都好齊咁講：「小丸子同學」
My cheek was very red﹗
I really wanted to die﹗
然後我心諗我邊忽似小丸子..
我純品？
我戇居居？
我啊媽話小丸子又純品又戇居..
都唔知係乜~^~

之後食飯既時候又見到泰國佬
佢竟然話我折惰
我好折惰咩家陣
真係吹脹-0-

然後到左放學既時候
首先我去左補做番compo先
因為上次出左去田徑比賽無做到..
所以宜家要做番
初初諗住好難作..
點知20分鍾就搞掂150字
今日作左兩篇
上堂作果篇作200幾字用左兩堂
上堂唔見我咁快
係唔係因為放學掛住打波所以咁快呢？

今日打排球好開心
終於無人阻止我開波
但係無啦啦個傷口又爆開左-.-
痛﹗