三月二十五日【星期二】
今天一整天在家溫習
很沈悶啊﹗
不過為左考好個試
無辦法啦﹗

三月二十四日【星期一】
最苦的兩天也捱過了
今天十二點老豆啊媽番來了
佢地囉住一箱公仔麵番黎諗住肚餓叫我煮黎食
啊媽一番黎煮左兩包公仔麵我食
不過唔夠食-.-
最後食左4包半公仔麵
真係誇張=,=
第一次食咁多野..
餓鬼投胎﹗

平日我煮D公仔麵一定無咁簡單
公仔麵都可以有好多款式嫁~
日日新款，天天不同都得
不過懶既時候就是但煮D食得既野就算
唔懶既時候整餐飯食~
不過算啦
自己一個係屋企都慣晒
但係我又挺喜歡煮野食
如果有人識欣賞就好lu~
我好嚮往人地欣賞我煮既野食
雖然見過幾次
不過多幾次唔mind嫁  我貪得無厭﹗
我大個左之後唔做籃球員就要做廚師﹗

到左晏晝一點半
約左某人同某人去圖書館溫書
去到溫science
有個高form教我地science
個高form其實係某人個男朋友
佢都0K勁
佢教我地兩個教得勁辛苦
我FD問佢勁多野,,仲要講極都唔明-.-
之後就一直溫到五點
係圖書館入面撞到咁多可立既人
不過全部都係高Form
但係唔知點解佢地個個都好似認得我咁0.0
我真係好想知點解-_-
估既話就留言推理下比我睇啦﹗

講起唔知點解連續六日都冇人留言
早果六日留言留到我個blog就爆咁制@0@
渴望每天都有留言哦﹗

三月二十三日【星期日】
很肚餓啊﹗
今天還是自己一個在家
很肚餓啊﹗
啊媽話佢聽晚先番到
很肚餓啊﹗
要明晚才有飽飯吃﹗
不過好彩比我搵到條鎖匙
用得番$4.8八達既八達通去大家樂買左碟飯食，負左二十幾蚊﹗
終於都無咁肚餓啦
今日晏晝食左餐
好似餓鬼投胎咁
3分鍾唔駛就食晒
不過今晚仲未食野
聽日兩餐都唔駛講
要等夜晚先有野食
總計琴日無食兩餐，今日無食兩餐，聽日無得食兩餐
好肚餓啊﹗
我終於明白非洲D人既感受啦﹗
肚餓很難受啊﹗
我以後都唔要挨肚餓﹗
很肚餓啊很肚餓啊很肚餓啊﹗
搵人救救我啊﹗
我就快餓死啦﹗
就快無力打blog啦﹗
啊媽你快D番啦﹗

三月二十二日【星期六】
今天只得我自己一個在家
一日三餐都要自己搞掂
但係竟然啊媽老豆一蚊都冇留比我﹗
而且屋企個米缸得番好少米
今日晏晝食完果餐之後就冇晒野食
唔通今晚真係要餓成晚？
個雪櫃乜都冇
平日放食物果個櫃又乜都冇
搵晒成間屋得番一粒糖炸-.-
好似比人打劫完咁
識煮三餸一湯都無用
都無料
點煮!?
斬自己幾刀割幾忽肉出黎食？

其實我煮野好好食ga~
不過冇人信
我家政考到二十幾名啊~
之前煮過比我FD食，佢地食過都話好好味
如果想食既話你叫我整比你食都得ga﹗
好樂意整比你食
九餸一湯都得
好似九大"鬼"咁豐富都得，但係冇鮑參翅肚你食，好貴@.@買唔起啊
不過幾日後未餓死先講._.

我最後都只係搵到3毫子
3毫子買到D乜~
唔通真係要我餓死係屋企？
今朝一早九點幾起身只係見到張紙條
話佢地要出去幾日，盡早番。
咁我咪要餓幾日
鎖匙我又冇
一出左屋企就番唔到去~
咁我應該點樣覓食
難道有情飲水飽？
天啊﹗點解要咁對我啊﹗
難道這是對我一個考驗？
老豆啊媽你地快D番黎啊﹗
打你地電話又唔通
我唔想餓死啊﹗T.T
以我聰明才智
我諗有辦法解決掛
其實我好蠢
不過都一定有辦法掛0.0

如果未餓死既話
聽日再係blog見,88
早D訓著就唔會咁肚餓嫁啦..

三月二十一日【星期五】
今日係復活節~
屋企一粒朱古力都冇
雞蛋就有一隻@_@
仲要比人食左T.T
連隻蛋都冇得食..
學咩人過復活節呢？

本來諗住今日復活節假期出去輕鬆下
點知老豆唔比我去玩
結果我只係係屋企T.T
無野好做
最後都係諗住打陣機同傾MSN>.<

呢個復活節1D都唔開心=[