三月十日【星期一】
今日真係成日運動咁制..
今日做左6個半鍾運動..
宜家成身都好散..

不過我今日大力左好多啊﹗
今日小息無乜點玩..玩左10分鍾
果日我fd打爆玻璃件事無事了
老潘話唔駛賠..

之後今日食飯(真係扯火﹗)
老屈收買人命咩..
成1:15分先放人食飯..
話唔做晒唔準走..做完又唔收貨,,
我地今日要上PE ga﹗
餓暈左係唔係你負責先..
之後1:20分左右
見到泰國佬..
佢話我做乜咁折惰
真係激死人啦..
之後大約1:25分就食完..
最離譜就係
竟然我地班有個同學無放過食飯..
雖然有時都好衰格
但係都替佢可憐..

之後我就慘了..
我由1:40分做運動做到7:00
上PE堂第一堂玩跳繩
第二堂因為Miss Cheung帶隊既關係..
我地可以自由活動..
但係因為聯校籃球比賽..
我地得番副場用..
今日學校勁熱鬧..
我地嗇色園轄下既5間可字頭既中學
有3間黎左我地學立打波(總共四間既可字頭既中學既籃球隊聚集一齊),,包括：我地可立,可藝,可道,可風。只係得可譽無黎
今日放左學之後佢地霸晒我地D場..搞到我地無場練波,,要做gym。
之後我地啊sir話：「你要睇波就要囉住個啞鈴出去睇波。」
之後我地就囉著出去..真係唔公平,,點解佢地囉D啞鈴咁輕,,我果個最重ga﹗
佢地囉果D只係3磅5磅8磅。我果個10磅﹗唔公平啊﹗
後來囉左15分鍾左右就番左入去..然後後來係gym room玩得非常開心..
係做引體上升果條柱到倒掛..隻腳鉤住係條柱到,,然後倒轉個人,,一隻手扶住
果下感覺勁爽﹗成個世界都倒轉晒啦﹗哈哈﹗

之後我就玩果部好似划船果件野..
玩左10分鍾,,爬左1434米
我原來只係諗住划3分錫,之後愈玩愈開心,,諗住划到1000米停,,之後最後做夠左10分鍾..
我划1000米所需時間7:17秒..
我覺得好慢ar>.<
不過划左咁耐好攰..呢個時間差唔多啦
之後又出左去玩排球..今次囉住兩個15磅既啞鈴(計埋30磅),,重死咩-.-
然後我囉著個啞鈴想試下用個啞鈴揮卮個啞鈴去接波..我發覺原來咁做係接唔到波..
仲要轉到氹氹轉..無奈~
然後又見到泰國佬..
我記得佢唔知話我白痴定無聊..
無話可說~^~

後來5:30出面終於打完比賽啦﹗我地開始練波
之後發覺原來囉住咁耐啞鈴真係益左我..我囉完之後射三分波唔駛再跳出三分圈啦﹗仲要射7球入左4球穿針啊﹗好開心啊﹗
開心完無幾耐之後..我地就開始滿清十大酷刑..就係鉛住籃球場果7個籃左手走籃(要入50球)
我心諗..你叫我右手走500球都無咁難。
之後走左10個圈之後(即70球)只係入得14球,,五球入得一球-.-
啊sir後來見我地咁屎..就教我地一個易D既方法
教完之後要我地一人搵一個籃左手走籃50球..
後來好左勁多
70球就入晒50球啦﹗
真係正﹗
我係C grade第一個完成﹗心情既輕鬆又興奮
不過走完50球籃之後..
甘盡苦來..
射三分唔跳出界射足半個鍾都唔入一球..因為冇力。
球球Air都係Air果個位..
然後用左30幾分鍾之後就終於入到一球,,
真係陰公﹗
連個天都要咁對我﹗
天啊天,,你唔好玩我啦﹗

但係有一件bad news..
我琴日去睇醫生睇下隻手黑晒一達野究竟咩事
醫生話我黑晒果達野係D皮膚壞死左﹗
話生番D好既皮膚既機會得一半一半..
我宜家都唔知有咩心情﹗
又冇人可以比我傾訴
我只好打左blog上找人分享..
這時軟弱的我又想哭了..

三月八日【星期六】
岩岩去完少獎camp番黎無幾耐..
宜家成身又痛又攰力
我地做左好多活動..
令我深刻都有好多個game..

琴日一入去就玩辣辣餅乾邊個食..
同辣辣壽司邊個食既玩法一樣,,
我地組嬴晒..唔駛食
不過我幫隔離組哽左一塊..
之後呢樣野就變左遲到既懲罰..
好彩我地組冇遲過到..
但係我幫人哽左5塊..有D胃痛..
我地既組名就係：What's up
我覺得個名幾串..
但係無所謂啦]]*

之後我地玩左好多遊戲..
遊戲名太多..未能盡錄
不過1D令我最難忘既野我會提及到ga=]

之後果D野無乜特別..
然後到左食飯既時候就好慘..
食飯都要玩遊戲..
個遊戲就係殘黀餐..話咩泰國最流行..
之後大家抽紙仔睇下你要殘缺邊樣野-.-
有啞,有盲,有殘廢右手,有雙手殘廢,有一個健全..仲有一個唔記得
而我就係雙手蟹廢..搞到要比人綁住雙手............
之後要啊肥雞餵我..我覺得勁唔習慣
仲有覺得唔係幾好意思-.-

食完飯之後，我地就玩收買佬..本來無乜問題
但係最後話收買所有電話同銀包..
之後就囉走左..然後比個地圖，對講機比我地..叫我地問綁匪囉提示去搵番我地D野，搵到仲有零食做獎品..
然後講左好耐..行到好接近既時候..我同某人都話淆抵..
無再行入去..點知原來果度就係綁匪..超無奈@0@
玩完呢個game之後就係最辛苦既行夜山..
同上次學校camp果次既地點一樣..但係條路唔同
今次條路易好多..全部都係平地0R樓梯..上次分叉路多好多,,而且要我地自己睇地圖 唔比提示
但係今次有分叉路既時候會講埋行邊條..易超多倍。
我地有三個任務：
第一個：要企係條線後面，然後要汁番果張紙寫左對今次camp既期望同改暹既地方
第二個：行到去個涼亭到要停係到改一首歌既歌詞..D歌詞要有晒我地組員既名
以下就係我地首歌..改編自有隻雀仔跌落水
肥雞肥丁跌落水，yoyo去救左佢
Anna，yelly落落水，kenny跌埋。
勁好笑兼搞gag
第三個：朦眼行路
呢D1D都唔恐怖..
最恐怖就係落山果陣..
無啦啦聽到D草聲..然後見到有一隻白色好大既野好快咁跑過(佢地話係一隻好大既狗)

三月九日【星期日】
今日D遊戲超辛苦
玩左傳水彈，剩下果D囉黎掟人
我地組超勁,,只係爆左3個水彈(10個爆3個)..
有一組爆左5個 仲有一組爆左7個
之後我囉黎掟大家都最想掟既人..
果個就係琪姐﹗﹗﹗﹗﹗
之後個個都掟唔中..只係掟中地下爆到D水落佢隻腳..
點知我準到掟中左佢心口落少少
遊戲規則話唔準掟心口以上..
我掟中之後服到萬人擁戴..
個個都話我勁..
不過其實我都有D唔好意思..
S0RrY琪姐..

掟完水彈之後就玩一個好辛苦既遊戲..
就係玩漏水管..
我地由原本既三組變做兩組..
即係個水管有好多個洞..我地要倒水入水管令個乒乓波係條水管浮出黎跌落地下..咁就算嬴..
我地有一個糷膠桶同一個完整無缺既膠桶..
我地猜包剪搥睇下邊個猜嬴用完整無缺既膠桶..
之後我果組嬴左..有完整膠桶用..
好野..但係用好既膠桶唔化表一定嬴..
我做最低果個做得好辛苦..
都到上面一淋到我成身無一忽係乾既..
凍到我死..宜家有D發燒,,好辛苦>.<
我今日真係挨得好辛苦..又凍又痺又痛..
最後我都係喊左出黎..
嗚嗚嗚=[我好唔開心
而且做到咁辛苦最後都係完成唔到..
我好失望啊﹗
之後我比D水整到睇唔到野..又唔知佢地個個放晒手..
搞到條水管入面D水我全部食晒..仲要比條水管扑到好痛
仲要隻腳痺都企唔到..
成身又濕又凍
想唔凍都好難..
總之我今日最遺憾既後個遊戲挨得咁辛苦完成唔到..仲要比人狂鬧=[
只係我一個錯晒咩..呢個teamwork黎ga..只係識得鬧人,,你地自己做得好好咩？你地究竟有冇理過我既感受ga=[[
仲有呢個係少獎既最後一個活動，以後無機會做得咁好..既遺憾，又唔捨得
我宜家有一種好失落既感覺..

三月八日【星期六】
今天是三八婦女節..各位有風度既男士請勿欺負女仔
請尊重女仔﹗

一陣就去camp了..宜家準備緊D野~
我好怕我會死係荒山野嶺..
所以我一早就影左遺照..
但係我諗應該好好玩既..
不過我真係有D恐懼感..
我怕郊外好多蛇蟲鼠蟻..
甚至有鬼.....................................

講番今朝既野..
今朝一早8:30番去補數..
我今朝竟然計岩晒D數..
真係搞野..
考試又唔見我咁醒﹗
我每蓬考試都會好大壓力..
一到考試就乜到唔記得晒..
甚至連加減數都計錯..
我這廢人..........

補完數之後就落左籃球場打波..
好似平時咁..
今日佢地又唔比我打排球..
嗚嗚嗚..
唔打排球都冇用..都係爆血..
今次比人插親..
D血又砰砰聲流晒出黎..
之後又比捐把插親..
又比籃球打中左n次
宜家隻眼仲好似腫左少少..
今日都幾黑仔下..
我怕再流血落去真係無幾耐就會死..
買定棺材都得..仲要影埋遺照..
唔該幫我影令D..
我已流了一公升的血了..
真的很快會沒命..
我好想知今日死同60年後死有乜分別..
搵人解答下我唔該﹗

三月七日【星期五】
今朝一早上中文堂好開心啊﹗
落左堂之後我做比我琴日作到嘔心溼血既對聯比佢睇..佢比左上聯，要我地作番下聯..
然後佢話：「唔..副對聯作得幾有水準..平仄聲全部都對到..而且都字對得好工整。50分滿分我一定比40分以上﹗」
對對聯：

上聯：登山不怕千般苦
下聯：下海無驚萬事難←我作ga，係唔係好好呢=]

之後今日上science堂既時候..
我地做experiment..
去test acid(酸性) alkaline(鹼性)
要用Universal indicator 去 test..
S.M.Chan比晒好清晰既指令..
叫我D支Universal indicator係用dropper去整,,唔好將D acid 同 alkaline 倒入去..
點知有一組特登玩野..
倒晒D acid 同 alkaline 入去..
然後支野變左黑色..
S.M.Chan睇到之後就話：「再溝落去就連炸彈都比你地溝埋出黎既啦..」
之後S.M.Chan就話第1同第7組，今年你地都唔駛再做experiment既啦﹗
坐去後面睇就得既啦..
我今日做experiment超勁..我做到positive result呀=]
10組得三組做到炸..
今日全部野都我做晒咁制..
我都話我留心上堂一定好多野都識

今日放左學之後埋頭苦幹..
勁sir話Visual Arts 間立體字果份野一定要今日交..
咁我今日放學就上左去做..
今日我又玩香..
燒埋餘下果半幅畫佢..
燒燒下無啦啦見到泰國佬係樓下唔知做乜..
勁無奈..
燒完之後就做我最唔想做既間立體..
間立體係我最差果樣..
之後我間錯左好多次先間岩..
間完又要上色又要貼..
我真係好比心機咁做..
勁sir又好有耐性咁教我..
最後係六點正,,
我終於做晒啦﹗﹗﹗
真係成身都鬆晒
早知一早唔出去田徑學界比賽..
搞到宜家要做咁耐..
不過都好多人慢過我..
但係唔知點解我係全班最後果個做完..
早知我一早就唔揀個咁難個字做..
人地一個二個揀晒D最容易個字做
我就要揀個最難個字做
我呢D係唔係叫做自討苦吃呢-.-

做完之後我就落去諗住打排球..
佢地仲係唔比我打..
不過我靠自己努力搶到好多次..
之後打左四五次唔知刮到D乜野砰砰聲流左成行血出黎..
差D連紙巾都囉唔切就滴晒落地..
今日呢野真係甘..
痛到我得番半條人命..
都宜家都仲未止到血..
都唔知點好..
今日有人話我咁耐都止唔到血..不如入急証室..
痴線咩..就算係都有排等啦..
仲有,,廢人要手既咩..廢人要隻手黎做乜..殘廢左咪算囉~
駛乜擔心我姐..
個個都覺得我係廢物..
都無人覺得我勁既..
個個一個二個都話我係廢物..
我咪廢比你地睇下囉..
咁容易就斷左隻手咩..
最奇怪既係..竟然有人話我係排球天才-.-
佢話我再打落去從此就會少一個排球天才..
我話我係排球蠢才就真..
我好排球咁屎..大把人勁過我啦~

之後無幾耐..大約六點三左右
1C班個窗口上面果塊玻璃爆左..
我fd覺得係佢打到爆左..
但係果陣同時間有兩個波一齊飛左上去..
跟本都睇唔到邊個波打爆塊玻璃..
宜家我個fd唔知點算好..
有圖睇﹗
星期一睇下點啦..
不過我會盡我既能力幫下佢既..
希望唔駛記缺點同賠錢啦..
不過真係有D奇怪..
我都未打爆玻璃竟然佢打爆先..
真係無奈..
不過祝佢好運啦..

三月六日【星期四】
今日無乜事發生，超正..
終於有較為安寧的一天了﹗
今日上Visual Arts玩介手..
啊sir話叫我地圍住自己隻手畫出黎..
然後叫我地介左隻手出黎(簡稱介手)←啊sir話既..
介完手之後我出左去走廊玩香(拜神果D香)
因為之前出左去田徑學界未做..
叫我地用火柴點著支香黎燒d邊等佢令D-.-
之後我個同學玩火柴..
用D點完無用既火柴，之後囉著三支未用過既火柴點著左之後掟落地下等佢燒著←so naughty既行為,,大家唔好學
之後火光熊熊..我就冒住生命危險吹熄左佢..果陣我都好驚﹗
好彩吹得快..唔係燒著好多野..

放左學之後..同平時一樣打排球..
然後我fd話如果我開到個波上三樓比黃景裕接到既話就請我食Haagen Dazs..
之後有好幾次都差少少..
之後佢地見到我隻手爆得太多血同埋隻手瘀晒..
佢地唔比我開波..poor me
Mandy仲叫埋Leo阻止我..不過Leo冇理佢..(好彩)
不過就比我狂搶到波..
我果陣既心情好似咁﹗
後來走果陣唔知比D咩hi到..搞到滴左幾滴血係地下..
再咁搞落去個傷口一世都好唔番..日日流咁多血可能有一日失血過多死埋..
到目前為止可能已經流左一碗血啦..
痛死人啦>.<
嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚嗚.........﹗﹗﹗

之後我就去左少獎..講星期六去camp既野..
我心情有D期待..有D緊張..
有D懷念上次去露營行鳳凰山..
超好玩
上去睇日出..
超難忘..
果次上去超大霧..
差唔多到果陣D霧水整濕晒個頭(好似洗頭咁)
我好想再去多次啊..
我好想快D到星期六..
不過星期六一早仲要番去上補習班..
真慘﹗

我好希望聽朝一早個傷口無啦啦埋左口..
咁就唔駛番lu..
又可以打排球lu..
不經不覺排球在我心中既地位已經很高..
不過同籃球比較仲差好遠..