四月二十九日【星期二】
今朝一早上Visual Art果陣
勁Sir又講左好多道理~
唔知點解次次聽完都眼濕濕~勁想喊
今次都唔例外
佢今日鬧我地班
問我地幾時醒覺
幾時肯努力讀書
然後仲講左我地D師姐師兄做例子
話佢地以前都係咁頑皮~
甚至仲頑皮過我地
行上學校天台都劈酒~
怕佢係天台跌左落黎~
之後佢仲重讀左一年中二
過左果年中二之後突然醒覺~
努力讀書~考到好叻
之後操行都好左勁多
中四仲做埋prefect~
之前係無"線"電視做新聞報道員
宜家比人高薪挖角唔知宜家做左D乜~
另外果個就唔講啦~唔想打-.-
唔知我又幾時醒覺呢?我覺得我宜家半醉半醒~
我已經明白努力讀書有幾重要
不過唔知仲差左D乜野
Anyway,我考final exam之前就會知醒~
再禿落去就好多人對我失望~
有一個人對我失望左年半
佢話我努力讀書考頭10名都唔難-.-
睇下點啦~我唔想諗~都唔想知
到時到候我就會開始溫書
我諗五月中左右啦
我不嬲習慣考試前一日先溫~
岩岩過左去既UT係考試前八日開始溫
我諗如果今次都考唔到頭100名以上既話就唔會再讀既啦
一Q清袋啦~

放左學之後冇得打排球
比老潘清左場
話咩星期二唔比打波
於是我地搭左車上慈雲山打波
果陣差唔多五點
上到去之後個排球場鎖左
然後搵塊空地打又比食蕉清場←唔記得左食蕉中文係乜~粗俗左小小,唔好見怪-_-
後來六點行左番屋企
六點零八番到去
好慢
應該三分鍾就跑到番去..
下次試下計時先~
等我又試下聽朝8:05分跑番學睇下學唔會遲到先~
普通二十分鍾既步速
濃縮成五分鍾~
正~
順便練下跑~唔錯唔錯~
最快記錄用左8分鍾~
我下年陸運一定要再奪番失落左既800米金牌
同埋要係400米擊敗余嘉玲!
我下年要囉三金!

四月二十八日【星期一】
今朝一早,聽成哥講
話今年CE卷~有兩句野好潮
見鬼勿o嘴 潛水怕屈機~
我就話見卷勿O嘴,出題老師勁屈機~

見到試卷勿O嘴,
香港老師水鬥水。
出題老師勁屈機,

香港D老師好多D水平都好參差~
都唔知D評核員既準則係乜~
點比D老師合格
不過D學生唔肯學,
有幾好老師都無用
總之今次件事可以反映出香港老師既水準

今日有兩個缺席,一個遲到~
我知一個特登扮病唔番既
一個真係病左~
我隔離果個都話佢朝早病左~
佢晏晝番離又話無事~
我話佢偷懶就真-.-
你問我我都唔想番~
攰都嘔血~

到左放學~又係練波既時侯
練波之前我kai左
我用籃球當排球咁打~
又猜波,又開波~
個個都話我傻~_~
我覺得我似抽離唔到排球多D
之後我又同我既後代-小暴走打10N1~
哈哈~無啦啦射波勁準
幾球遠射都入左
佢都唔輸蝕~
佢都入左兩球遠射~
最後打得好激烈
嬴左5:3
勁好玩~
之後就開始練波
今日練波都幾辛苦
首先跑左五個籃球場圈~
之後做熱身
然後又練射籃底~
好多人射籃底都抄~
我都抄左兩三球-﹏-
之後又做八字傳波~
跑死人咩~
不過我仲幾精力旺盛
之後又做番我地最想做既野~
就係射番果日玩果四個位~
今日最高紀錄九球~
暫時最高十球~
我係紀錄保持者^^
我今日真係廢
最多射到第七球就抄左~廢到嘔
到左五點半呀sir就走左
佢叫我地鬥波~
大蝦細既!
兩個F.3+一個F.2
蝦我地兩個F.1加我
開頭就嬴緊4:2
之後比佢地勁抄
最後輸22:8-.-
真係無天理呀-v-
我今日練波既表現真係不予置評

練完波之後我就教我兩個FD打籃球~
佢地學得0K啦~
走籃學多幾野都0K
射波都算準
考佢地反應都算快
唔錯唔錯
能夠教到人~我都幾榮幸
見到佢地學到似模似樣~
開始有D興奮=]

之後個籃球碌左過去副場~
D F.4既人又踢緊波~
然後叫左Leo幫我執
點知佢掟得太後-_-
我行向後接
撞到籃球架條柱~
痛到xD
之後真係我命中中得最痛既一球波
社長踢波撞牆反彈
我咁岩行過
然後由撞中籃球架條柱
然後反彈撞到我塊面
撞到成塊面應一應~
個嘴痛到無感覺
痛到想喊都喊唔出
勁難頂
然後嬲嬲地果陣
倒後射罰球射針
睇到Leo O晒嘴-.-
由今日開始,我愈黎愈驚足球呢樣東西!
排球籃球我愈黎愈愛你
排球我有一日要開到教統局果座野咁高,六樓姐,有時都得
今日好似有一球都過左
籃球我要由另一邊底線掟入籃,24米
有D難度,如果我掟到過去既話
我shot put都可能破到世界記錄-.-
好似19米~"~
足球我要踢到你上十樓!
最高踢過高過學校-.-
發夢都未有咁早!
我要比心機實現全部我講過既願望!
Final exam要考好D呀xD~

四月二十七日【星期日】
今朝一早十點係荷李活到等
我九點五十一分到左~
等左好耐~
十點正都係得七個人~
但係今日有27個人
竟然到最後10:27先到齊人
真係慢
今日話就話班會旅行~
但係有八個係係其他班~
不過咁樣仲好,多D人玩開心D=]

然後10:34上左車
諗住好快到
點知11:23先到~
而且仲過左站,去左清水灣二灘
我地由二灘行番去一灘行左十三分鍾~
又爬上又爬落~
未行到去已經攰死

到左行到既時候,又有一個問題~
就係冇晒燒烤爐!!!!!!
我地行黎行去搵燒烤爐~
搵到D人嫌唔乾淨
最後都係行番去租一百蚊一個爐~
租左兩個~
雖然話好多服務,不過我覺得好貴
平均每個人要比差唔多8蚊
買多D野食好過啦~
之後我地就開始燒烤
竟然@@唔夠一個鍾D野就食晒
比D胃食既男仔食晒
佢地好似餓鬼投抬咁~
勁恐怖
食完就係最開心既游水時間
我地D女仔落晒去游水
有D男仔都落左去
我初時都好驚~
不過見到我D FD玩得好開心
我都行埋落去玩
然後一落去~好痛!
比人掟沙>_<
D沙入面仲夾雜左D石仔
痛到我大叫!
而且一個大浪翻過黎
初時都幾驚,不過D浪翻過黎都幾舒服
之後我仲行出左幾步
不過後來差唔多掂唔到地
都係行番上去
不過離開左D水勁凍
係D水到都好凍

之後我D FD坐住個水抱比D男仔推左過浮台
雖然我都好想過去
不過唔夠膽
最後都冇去到
只係睇住佢地玩

到左差唔多要走過陣
勁唔捨得
不過無計啦
始終都要走
但係個個都講緊同一樣野
就係好肚餓呀!
最後好多人去左E肚
我都去左
食完之後就行番上去答車走
但係果條樓梯勁長
行左百幾級先上到去
攰死人啦@@

宜家係屋企
又凍又攰
屋企全盒tissue比我用晒
打完blog就訓啦
早抖,88

四月二十六日【星期六】
今日係屋企坐到發毛啦~
好悶呀!
今日成日係到練口風琴~
下個Day1考口風琴啦-.-
今日練<愛得太遲>..
有三首歌揀
不過我真係好想吹愛得太遲
但係吹到疾下疾下
等我背晒D音先~
我首晒D音就可以吹到好流暢~
不過咁長,背晒佢既話需要三個鍾~
得閒背左佢先=]

聽日就係班會旅行啦^o^
得十幾個人去
去清水灣~
去BBQ同游水~
不過我好驚係沙灘游水..
細個游游下水既時候見到條鯊魚~
搞到我以後都唔敢去沙灘游水
就算我聽日游都只會係岸邊游,
一定唔會游過五米><
仲會拉埋D FD一齊游~
有咩事大家抱住一齊死啦!←我好似黑心左小小-_-'
講下笑姐~0~
仲有經過水運既情境~
就黎連游水都驚左~
如果遇到一個王子就好lu~
要我死都無所謂嫁~
只要曾經擁有過既話..
識游水既男仔係我既擇偶條件之一
我要果個男仔識打籃球,識游水,唔靚仔,容易嬲,唔遷就我,唔錫我,成日鬧我..仲有D暫時諗唔到
暫時符合晒呢到所以條件既男仔有一個~
不過最好緊係要錫我啦~遷就我~
但係我好奇怪,我唔鍾意靚仔~我怕佢地花心
靚仔請你不要來~~~~

四月二十五日【星期五】
今日DT堂果陣忽然間唔記得講D乜~
講講下我就話比佢地聽我祖先係皇族~
係一個皇爺(不過同皇上冇血緣關係,係因為立左大功先有皇爺做)
佢地唔信~算囉~
不過無幾耐比人放逐左-.-

今日出去科學館都0K好玩啦~
不過D時間真係唔係好夠~
我去到玩左好多野~
測你記性~體能等等既野~仲有D好好玩既野~
考我記性果個我玩嬴晒~Easy啦~10關咁少
體能果個真係難D
跳高掂燈制果個我跳到250炸~勁屎~
做引體上升做到11秒炸~比起D勁既男仔差好遠~不過女仔黎講0K啦-.-
總括黎講D野都幾好玩~不過仲係我4年前去過玩既野-.-1D都無變過~^~

到左我行去車站等車既途中~過馬路既時候
行人燈已經著左綠燈~但係果架旅遊巴停唔切
我咁岩望住左另一邊~架車岩岩撞到我既時候停左
後面D人睇到都哇一聲~佢撞到埋黎我先知咩事囉
岩岩比佢撞正個傷口~流左小小血~痛到出汁!
但係果陣我1D反應都比唔到~D血流到落隻手到涼涼地先知做緊乜
我比架車嚇到呆左企左係到~
我終於明白點解有D人見到D車就黎撞到埋黎會呆左企到
我真係愈黎愈驚車!
請你滾~滾遠D~不要接近我!唔該
我以後過馬路會愈黎愈小心!
大家都係!