四月十九日【星期六】
今日遲左打blog..過左12點-.-
今日落得好大雨啊,依然掛著三號風球
三號風球由琴晚8點40分掛到宜家都仲未落
而且今日晏晝1點幾就掛左黃色暴雨
4點幾掛紅色暴雨,7:45分掛黑色暴雨
呢排真黑仔
行緊跌錢運
6點幾落街果陣玩大風吹
吹左我張十蚊紙走-.-
T_T呢個禮拜第二次跌錢啦
還我錢啊!

跌錢係唔留心既表現~"~
一分左心就吹走左
呢個故事係教訓各位小朋友要留心a_a

上堂都要留心啊>_<
我決定左無論果堂幾無聊都好
都要留心上堂
向Final exam全班第一,全級頭50進發~
希望下年坐到上3B
不過難左少少=,=
唔理點都好
總之努力啦
最少都要全部科目合格啦-_-
唔係好難向好多對我有期望既人交代0.0

四月十八日【星期五】
今日係教師發展日
唔駛番學
所以一早約左賴家穎打波
今朝8點45分去左佢屋企樓下帶佢去籃球場
由佢屋企行上我屋企都唔駛三分鍾
由籃球場行入我棟樓唔駛半分鍾
勁近
第日搵佢玩多D先-3-

初初果陣同佢玩射波
玩左陣之後就打10N1
第一局輸得勁唔抵
射左一球三分
20:22
輸一分
勁樣衰0.0

之後唔訓氣..
再同佢射多局
今次嬴左
11:10
又係1分咁大把=.=
真係不相伯仲

之後就囉左0K買野飲
然後又上番去打波

坐左陣傾左關於學校同中三選科既問題之後
我決定要專心讀書
唔係我怕我會後悔
傾完之後就玩0UT

初初都係玩普通版
要跟動作
之後愈玩愈激
要跟動作加跟佢講既說話

然後我地互相踩對方
我就話中間分界,心理變態之類既野
之後佢又講話.............(唔記得左之前果D野)暴走鍾意謝XX
然後就射波
點知佢就係抄左果球-.-
好彩
唔係要我講我肯定死緊=,=

開心時光過得特別快
好快就到左十二點
佢約左人話番屋企沖個涼就出去跳舞~
佢走左我都番左屋企打機relax一下
一個鍾出左去行街..
勁happy
咁就過左一日啦-.-

四月十七日【星期四】
今日係我最失落既一日
真係對我自信既打擊甚大
直頭可以話自尊都跌晒
今日因為呢件事喊左三次

話說今日社籃
我地紅社對黃社
原本諗住有得同Joey打 好開心

初初第一二節仲帶緊頭好開心
易嘉文又話過會出晒全部人
包括我地兩個C grade
但係其實第二節已經追到好近
本來話比我地兩個C grade出第三四節
點知後來反口
我坐到最後果節都無得出
但係佢竟然出左個F.1
然後成班男仔係到笑我
我勁想鬧佢地
但係佢好彩姐
我琴日射完球三分就連波皮都差唔多掂唔到
都唔傳過黎比我射
你傳過黎我會射唔到咩?
但係我最嬲唔係呢樣野
我係最嬲佢唔守信用
早知我去玩好過
洗乜坐係到成個百痴咁
仲要比人話
真係痴膠花
完左場之後個死人燒kai子仲要行過黎我地紅社到話黃社嬴左啦,好野
我勁想打佢

之後我就囉左個籃球去射波
但係我唔係射緊兩分
我射球球都三分
仲要白界之後果條藍界(用雙手射)
平日跟本無可能雙手行咁後射係正場
然後打直係中場前面果條黃線都得(唔駛助跑)
我走火入魔
怒火中燒.\_/.!
單手就快可以由另一邊底線掟過去中板!
之後Miss Man黎串我
佢話你係唔係練波嫁
唔係就放低個波走
之後我一個後手球速好快
差D掟中佢
我果陣幾乎嬲到想鬧佢
因為上次佢串我話我唔係籃球隊
趕我走
之後我就嬲到狂囉個爆左個排球個波膽又踢又打
之後死人燒kai子狂串我
我就喊
行埋又廁所
洗個面行番出去若無其事咁
之後我行左出去坐左係到
然後又踢又打道牆
直頭連痛都唔知係乜
過左一陣又亂踢亂拍亂打個波膽
然後行去執波果陣有個籃球碌過黎我到
我想一腳band埋去
然後啊sir叫住我唔好踢
之後我囉起左個波一野掟過去
佢問我做乜野
我無理佢就行左去
後來燒kai子又串我
之後踢左佢一腳
但係我踢佢既同時無啦啦又整到自己拗柴T_T
之後再踢個波膽果陣狂撻Q
狂仆低
然後Miss Man見到我鬧人之後又串我
今次係佢串我之前我就串番佢
我話乜你串到人喊好開心咩
你好鍾意串人咩
你串少我一次得唔得
然後我又走左入廁所喊
之後又去左啊姚藹儀佢地幾個去彩虹道食野
離開呢到傷心同是非之地

番到屋企之後啊媽又問我打成點
我話我無出場
又比條友串我
我又喊
我真係唔開心得好緊要
佢見到我咁佢到好驚訝
我真係好少咁失落
我諗我D FD都可能第一次見

我今日真係好Down!
唔好刺激我唔該!
我唔串得嫁
串得我兩句會喊嫁=[

四月十六日【星期三】
今日I.H.堂終於都派左成績表
結果都係預計之中
但係數學真令我有D喜出望外
59分已經派到全級83名
今次D人真係差左少少~"~
我終於都一雪前恥啦
上年數學包尾既我終於都跳出左100名啦!
而且又成為我呢兩年黎考全級最高名次果科
真係諗唔到數學包尾竟然宜家會成為最好果科0.0
不過我都只係開心左睇到數學名次果一刻..

放左學之後就係我最緊張既社籃
社籃開始之前射左陣波
之後開始左果陣第一節無得出住
然後過左第一節之後前社長出左我地兩個大C
初初出去仲發緊夢
唔係好習慣
但係打打下又開始熟手起黎
都封到幾球波
但係射波就麻麻地
射到第5次先入到一球三分波
唔知點解紅社好奇怪
差唔多個個都係射三分
但係人地其他社好少射三分..
然後就係咁就打完第二節
第三節出埋我地個細C
佢都唔錯,入到好多球
但係我入完果球之後就無波到我手
第三第四節就係咁係到守波封人就完左
全場入得一球三分
最後嬴25:8

但係我覺得陳韋仲唔識做球證
雖然唔關我地紅社事
但係我覺得佢好似針對姚藹儀咁
佢冇打手就話佢打手判罰球
搞到佢五犯離場=.=
完場之後我地射左多陣波
之後入女更洗個面去彩虹道食野
果陣姚藹儀勁嬲咁打左幾下locker
好少見佢咁嬲-0-
不過你問我就算無針對我地黎判我都覺得咁做真係好有問題
搞到我都好嬲
我地唔係有咁多罰球跟本無可能嬴咁多分
仲無咁多波開
佢連邊個出界都睇唔到就輕下判斷
真係-口-
我地聽日決定同佢地商量下換球證
打番D公平D既波..

聽日我地對黃社
對麥欣兒同余家玲..
佢地射波又準又咁有默契
佢地兩個都夠嬴啦
但係聽日要對住Joey-_-
我好難做..
好難叫我去封我FD..
不過係球場上一定唔係易讓賽!!
我相信聽日場波一定會好刺激~
紅社一定要嬴啊!!!!!!

四月十五日【星期二】
今日係carmen既生日
carmen生日快樂啊=]
點解4月咁多人生日既@0@
不過10月都唔少
希望到時仲有人記得我既存在=.=

今朝一早又要Morning Assembly
係炎炎夏日仲要企咁耐
真係又熱又攰
之後行樓梯上課室果陣見到某人
佢望住我 我唔知比咩反應佢好
我就一下就擰轉左個頭
唔再望住佢
其實我有少少嬲佢
嬲佢成日係MSN鬧我同埋成日封鎖我
佢唔知我知道佢成日都封鎖我同講我壞話
多得某人話比我知
我有時真係好嬲
不過算啦 習慣晒

上左課室之後我地追問啊sir成績表既事
啊sir話佢仲未收到
不過食完lunch之後啊sir話佢岩岩收到
佢話聽日先派
不過又好奇又心急既我緊係放學去問啊sir啦
我放學做完今日要交既數學之後就去左睇
啊sir話我全班11,全級144
平均分52.87
雖然名次進步左,但係平均分跌左
勁火 差一名先印到個全班名次落成績表到
有得睇班名次既話老豆見我考到全班第十名都無咁火丫
總差一點點T_T
我要諗下聽日點面對佢好

然後番屋企之前明明仲有張50蚊字係到..
但係番到屋企唔見左!!!!!!!!!!!!!!!!!!!!!!!!!!!!!!!!!
點解會咁嫁!!!!!
明明放好左嫁
咁我聽日,後日,大後日食乜啊
唔通去Toilet食咩-_-'
kai左咩
真係要諗下計
唔係真係唔駛食

聽日就到我打社籃
有冇得出場都未知
不過我好怕會傳波傳錯比FD~
仲有唔想比人見到我個衰樣
我地紅社最少8個人
有排都未到我出場啦
不過聽日對藍社真係嬴緊
聽日個對手咁容易打嬴紅社有機會放我地出去打既
得閒既就黎十卜下我啦..T_T