六月二十一日【星期六】
今朝無啦啦諗起今日要考口試
但係唔記得幾點 又唔知張回條係邊
我最後上左校網睇 好彩唔係朝早
唔係8點半跑番去都唔掂啦
兩點半至三點考試
我兩點五番到去
兩點半上到去
我行樓梯上二樓竟然要五分鍾
平日由樓下上五樓再係五樓落番去三次都得啦
我真係好鬼有問題
成身無力咁
右手用唔到力 左手拗唔到
真係唔知呢排行咩衰運
郁一郁都有忽痛
唉..............

考口試之前係備試室
諗就諗到點講 不過4分鍾只係寫到一句
D字又震又斜 冇力就係差唔多既啦

到左考果陣
一入課室
個呀SIR兇狠既樣子 一D都唔友善
加埋佢凌厲既眼神 佢仲要一講野果陣把聲好恐怖
搞到我口窒窒 自己唔知自己亂講D咩
仲要唔夠分半鍾
今次死死死死死死緊啦

我一路以黎最驚同最憎考口試= =
真恐怖@@v
搞到我考完仲成身震晒
簡直好似跳左落地獄咁
上面形容個考官一切既野都無作大嫁
唉...總知就係我時運低啦
明明我唔應該係果個課室考試嫁=[

六月二十日【星期五】
今日終於考完試lu~
考Dictation果陣勁緊張
今次係Mrs Wong讀比我地聽
我差d驚到唔知自己寫左d咩落去
我從來都唔溫Dictation
所以其他我都無咩把握
雖然..深字好多
但係都係錯得一個字 就係magazine- -
呢個真係突然諗唔起點串
拼音拼多左個n @@v
變左maganzine~
我加手邊果個又狂睇我,抄我抄到一模一樣咁制- -
上次仲離譜 佢直頭成張紙囉埋去佢個位到抄
真係恐怖\口/

考完果陣我問Mrs Wong我GE卷考成點
佢話D分未加晒,不過我應該合格
佢仲話睇得出我今次有溫到書
其實我英文只係溫左10個鍾咁大把
仲要係考英文既前一兩日先溫

我步出學校果陣唔知點解有種好失落既感覺
原來考完試係一D都唔開心同一D都唔輕鬆
我都唔知點解有種咁既奇怪感覺..............

今日之後就一連放六日假
放到下星期五先番
肯定悶死我lu/_\囧

六月十三日【星期五】
呢排好忙 唔係日日得閒打blog 請多多見諒!
我差D連今日幾多號都唔記得

琴日朝早中史好緊張
我睇左本中史書三個鍾
但係三個鍾既時間對於我呢講淨係睇到本書既50頁
所以我淨係睇左UT之後考既野
睇得一次咁大把
但係我考試又記得D野喎
我諗今次應該合格

我考之前對中文好有信心
但係我冇溫過
因為掛住睇中史
淨係考完中史之後先睇
但係考果陣最大問題唔係書本裹面D內容
而係閱讀理解!!!
第一篇既白話文同文言文難到我死死下
唔計閱讀理解 我只係用左半個鍾就可以做得晒
因為後面D野平日上堂留心唔溫都識
我宜家最驚係因為閱讀理解搞到得六十分
再衰d可能得50分= =

今日考英文
信心十足
但係我驚我做唔晒
所以我今次選擇做Grammer果part先
今次有溫過 所以Grammer果part應該唔會低分
但係都係果句 閱讀理解都唔易
我又係驚衰左閱讀理解
至於Cloze呢 果十分裹面一定囉到九分
因為我唔記得個字- -
我今日最後都係空左一題
就係Cloze果題
好彩今次我做左Grammer先
我只係淨番半個鍾做閱讀理解
我一知道時間緊迫做野就會快左好多- -
次次都係咁@@
所以 做左Grammer先係明智選擇
因為溫左易做同埋寫D野少D又多分D=]

六月十一日【星期三】
今朝考compo,
SM陳監堂
差D痴線
突然間平日全部識串既字唔記得晒
好彩我最後都諗到一個字代替到
但係唔知做乜
佢就企係我後面睇下我寫乜
我有D壓力
佢淨係睇我唔睇其他人
嚇死我
但係我覺得我好似真係得個空殼坐係到
靈魂唔見左
唔係好知自己做乜
不過半個鍾之後都仲知道自己做緊乜
我篇Compo應該唔會低分

之後就到左唔衰得既數學
又係SM陳監堂- -'
一收到份卷果陣好似全部都唔識做咁
所以我做左MC先番上前
做完MC再做又突然間識晒 唔知點解
但係MC之後果Part問題就大了
我一睇就知一定係SM陳出卷
因為只有佢會出埋D普通班睇佢唔明既題目
呢個時候佢又企係我隔離
又無形地比左D壓力我
我做晒A Part同MC仲有一個鍾時間
Part B第一題認真睇下都唔難←第一題六分
第二條我諗左半個鍾先識做
寫又用左多左一個字 果題佔十分嫁@@
最後果題十四分
我地班真係得一兩個識做
但係我知佢地一定錯緊
我遲D派卷影比大家睇下
比一個數字你搵番成條答案
我最後都係空左T_T

但係總括黎講
Maths都應該合格
最少都有40分啦~"~

六月九日【星期二】
我自己都唔記得幾多日無打Blog
好似三日定唔知四日
我終於有命打Blog了
大家一定要繼續睇我的Blog唷~

今日考MCE
MCE去死吧
我今朝魂魄都唔知去左邊
用塗改液仲多過用墨水
寫兩隻字就要塗一隻字
搞到成份卷白晒
但係我又唔係唔識做喎
我只係手腦唔協調
真係有D力不從心
好彩仲做得晒
但係我都唔係好知我自己寫乜
不過寫得重點就得啦-

聽日考英文作文同Maths
我真係就死
我一定會好緊張
然後加減數都計錯
好似上年大考咁
29分收場
真係要一雪前恥
挽回之前小測衰左既面子
繼續囉番數學全班第一
令人刮目相看~
不過都幾大壓力
好多方面既壓力........