五月二十五日【星期日】
今日真係勁Happy~
一朝早出左去旺角玩籃球機
果到都仲有好多野玩
果到有15部籃球榣
有5部個記錄太高 我破唔到
然後淨番果10部未有人玩過 個記錄係250分
我就部部玩過晒
最低果部440~最高果部497
果次係最後一次玩 我玩完之後仲話我終會有一日會玩到一局過500分既
之後就玩部足球機 有日本筋肉擂台踢果個九宮格
頭兩關超易~是但踢都中
之後踢真正既九宮格
最後踢淨一塊 比13球你踢晒9塊 都唔係咁易~"~

玩完之後走左去波鞋街買對新既籃球鞋
舊果對著左年半 係時候退休lu~ 鞋底都開始爛
所以決定一定要買對新
然後行左好多間~其實我一早有左目標對象
不過冇最細個碼
籃球鞋最細40號碼 但係其實我都係著39號碼就夠
雖然話買對40號碼
但係都唔易搵
行左n間都係得41號半
結果最後都搵到 果間鋪仲係賣得最平果間~有八折
買湖400蚊仲有水樽送~
結果原價560蚊~折左448蚊就買到佢番屋企
仲有水樽送 抵到爆炸

搭車去食飯之前去左先達廣場搵我最愛既Monchhichi~
果度有間店 裹面有好多Monchhichi
係一樓 最角果間(上電梯轉到最左行到最入果間) Monchhichi Fanz'可以去睇下
入到去睇左好耐~買左兩條電話繩匙扣 一隻係打排球 一隻係打乒乓波
兩隻都咁鍾意 不過都唔及我之前買果隻打籃球既咁可愛^^

買完之後番去荷李活果間叫飯廳既鋪頭食飯
因為阿媽約左我姨媽同舅母食飯
我表哥係果度做廚師
今日去食佢煮既野
真係都幾好味
今餐仲係表哥請
我細個果陣以為佢煎蛋都唔識~成個大少爺咁
點知佢竟然係個廚師~仲要煮野咁好味
完全諗唔到@@!
食完之後呀媽比左一百蚊我叫我同表妹落冒險樂園玩
我同佢玩籃球機~打連線
佢射完四關之後狂話好攰- -
不過難怪佢既 得果九歲
然後我就同佢玩YoYoo Punch~
(即係有舊紅色既野 渣住個鎚仔打落去睇下打到佢轉到幾多個圈然後睇下你打唔打到同佢比你個數一樣)
然後我同佢玩~一人一局
我玩左5次中左獎三次
一次6下 一次7下 一次31下←個數咁細 一下HI落去都得 31果次用單手打落去
之後我留番比佢玩
因為出D數實左太細唔岩我玩
出五十幾比我打就差唔多
但係我最大力打左79

同佢玩完之後佢趕住走
淨番D錢玩埋籃球機
我聊兩個細我少少既男仔同我打連線
點知打第二局比我打到503分
我今日先話完我終有一日會打到500分
點知今日搞掂 真係勁開心=]

五月二十四日【星期六】
琴晚我打完Blog之後
佢放工番黎心情唔好
佢就無啦啦鬧我
佢見到部電腦無Close到
就話我做乜又玩電腦
我咪答佢話我做完每日一篇打左陣Blog囉
之後佢就話 打打打 我打9死你就差唔多 我x你老x丫
成績又唔lun好 學人上網
然後我答佢 我D成績好失禮你咩 我呢間Band1學校黎嫁 咁易考全級第一呀
佢又話 Band1學校大9晒呀 考得唔好有lun用 你考好D我比你玩乜9都得
之後我又話 係唔係我考得好就比我玩先 你講嫁 唔好反口
佢就答 你有乜9資格同我講條件呀 你係我邊lun個呀 你都0N lun9 我x你老x
之後佢就成張登一野掟過黎 比我接住左 然後佢條氣唔順  一野跑埋黎打我
然後呀媽就做我既擋箭牌 阻止佢打我
之後呀媽就話 鬧佢咪鬧佢囉 駛唔駛又問候我又打佢呀 以前果套方法唔岩用既啦 唔係好似以前咁 要慢慢教佢先得嫁
老豆就話你都痴lun線 我鍾意鬧乜都得 我係一家之主黎嫁 宜家佢唔尊重我就唔lun得 我一定要打9死佢
之後佢鬧鬧鬧 過左陣收左聲
呀媽叫我上床訓教

之後佢又唔知做乜野企上張圓登到然後無啦啦一野打落黎(我果張係碌架床黎)
然後佢打左我好多下頭 仲差D扯左我落床 想跌死我咩!?

算啦 一早慣晒 唯有自己執生啦
呢個世界就係咁...

五月二十三日【星期五】
今朝早會到我地班Present
我就覺得上台做棟篤笑多D>33<
中文個Present真係gag到爆
話囉D DNA可以Copy番果樣動物出黎
然後話咩恐龍同唔知咩呢兩種史前生物Copy出黎
但係之後佢講話,如果係咁既話我屋企隻寵物-肥狗都可以Copy出黎啦
其實 肥狗係我地班某個人既花名
就係另一個係台上面肥肥地冇著PE衫果個
之後我地就狂講梁博文既寵物
其實即係叫緊佢= =

上成哥堂係一個好好既時光
上佢堂~一D都唔會悶
上佢堂~可以學到好多野
今朝上佢兩堂真係有種好興奮既感覺
可惜~時光飛逝~一年既學習時間~轉眼過去了
這一班人~好快又變番一盤散沙咁
真係無眼再睇落去......

lunch之後~
又到左我最喜愛既PE堂~
但係就做D好辛苦既野
就係...跳繩- -
做果D單車步~交叉繩同二重跳
單車步都冇乜野~好易姐~
做到45下
少到爆

抖左陣又要跳交叉繩
我都唔識跳- -
但係竟然無啦啦囉起條繩又跳到喎@@"
好神奇
但係每跳到三下就會kick一次繩
都唔知點解
結果最後得21下~都好過上年0下丫-口-川
跳完之後跳二重跳
跳之前狀態勁好
頭果15秒已經跳完左10下
黠知再跳果陣條腰勁痛
死撐落去
結果45秒都係跳到七下咁多囉!
一跳完之後即刻痛到要坐低
真係第一次做運動做得咁辛苦
坐左十分鍾先起到身
其實17下已經差唔多係跳到最多下果個
考完之後就過左一堂
然後我地上左102,103室
踢毽子~"~
講真 我真係唔係幾識踢毽
但係唔知點解又會比我下下踢到
但係D人話我似踢波多過踢毽~O晒
仲做到好多花式~
跣落地下踢番上去
我為左要令個毽唔好跌落地
我不惜仆落地都要接到佢!
我果陣先知原來踢毽都可以咁好玩
踢出新天地~!

上完PE之後就放學
我就囉左本Maths書出黎溫
因為Quiz D分簡直丟人現眼!
吳子銘出D卷真係特別難
成班2E得5個合格
真係...無話可說

溫左陣之後~
Pauline邀請我上去課室食蛋糕慶祝佢聽日生日
個蛋糕Miss Leung請既
得1磅~但係我地有16個人
每人分到一啖咁多
我今日都係一生人之中第一次食生日蛋糕
唉T_T~
一陣十二點果陣打比佢講生日快樂先=]

今日就係最後一日既歡樂時光
緊係要玩盡D啦^^
今日打排球都玩到好放
同施蓉妮猜波猜到有一球仆落地下接番佢上去
可惜打番上去佢又接左去另一邊
插翼都接唔到啦- -
下星期一要加油努力lu=]

五月二十二日【星期四】
今朝真係好匆匆忙忙~
8點02分衝出屋企門口
運用我既氣功一直跑
跑到我上氣唔接下氣
8點07分先過到彩虹道五人足球場出面條大紅綠燈
果陣已經跑唔郁咁制
仲囉住排球同埋袋衫~
如果唔係為左唔想遲到
我先唔會跑得咁辛苦
我計過由屋企到學校至少一公里
日日行/跑一公里
應該幾健康- -'
番到去果陣個鍾岩岩響
好彩都未遲到
但係一入門口就見到某人T_T
真係有D喜悅既感覺
疲勞突然消失了一會兒=]

係我條氣都未抖順既時候
成哥就入到課室然後派西遊記份開卷測驗
真係寫到我手都震埋
如冇意外
今次西遊記將會係我最高分既一次
考得唔差既= =

考完西遊記就上中文堂
正確D黎講應該係中史堂
因為成哥囉左中文堂教中史- -
佢講D野之前講過一次
而我又答番晒佢
真係有D滿足感
我今次中史一定要一雪前恥!!!!!

放完學又係練波既時間
今天天氣真好~
終於唔駛做Gym 可以射波啦~!
但係教D野都唔易- -
教我正宗入球技巧
初初都做得唔係幾好
不過過一陣就好左好多
但係始終有一樣野係最奇怪
做乜都係左手好過右手做
可能左手初學唔駛糾正錯誤既動作掛~"~

做完之後~
呀sir話同我打排球- -
勁驚訝囉= =
佢話要考我反應
我今日表現咁失準囉
樣樣撻Q~都唔知搞乜
但係呀sir D排球技術好到爆
佢仲話佢以前中學係男排
仲有一年囉過冠軍- -
我就真係比佢玩死
FD子好想同佢玩=~=
之後某兩個人行左過黎打(都係F.2既)
然後佢狂鬧我接晒佢D波
仲鬧我做乜唔去執波
仲話我打得唔好
然後話我搶住黎打
有幾個問題:
其一:好似我練緊波先既~係你插埋黎打 我都冇出聲 就咁算數
其二:佢打走左個波~唔係應該佢執既咩 仲鬧我做乜唔執 佢都好好野囉
其三:我打得唔好 你打得好好咩? 我可以比個答案你 打晒D波出街果個係你囉
其四:個波係我既 我鍾意點打又關你咩事
其五:呀sir不嬲都係訓練緊我~就算係我搶波黎打 我覺得無乜問題 更何況呀sir係打比我既 我唔通唔接等個波打中自己?
佢真係好霸王囉!
我唔係比面佢我肯定鬧Q左佢N年~同唔比佢打我個波

打完一陣排球之後又番去打籃球
呀sir教多左我一陣之後余嘉君就行過黎搶我波
我同佢搶黎搶去
無啦啦唔知點樣比佢"kick"左定唔知撞到我
成個仆左落地~猜到我叫救命
成個process唔駛一秒我就跌左落地下
跟本我都未知發生咩事
之後佢就係咁講sorry然後拉番我起身
我起番身之後覺得隻腳無乜力
唔係好夠力跑

玩左一陣之後佢都係叫我同佢10N1
我同佢10N1我就真係輸得慘
我就係咁同佢講切勿使用暴力!
打打下佢就捉實我隻手
唔比我射波
佢走步又話佢字典裹面無呢回事= =
好矛!
然後唔知做乜打打下既時候我插左自己一下
搞到個額頭成個手指甲印仲流血~毀容呀! 好彩唔係好大忽姐- -
最後我都係輸左10:5
輸得唔錯~正常賽果

抖左陣之後
同F.1仔打
我同佢打跟本好輕鬆
我唔mark佢就咁比佢射佢都抄
我之後比佢任寫比佢入到兩球
最後都嬴5:2
佢要請我飲野~哈哈

五月二十一日【星期三】
今朝一早~早會上完去課室之後...
我前面條友又搞我D野
我向成哥投訴佢
成哥第一個反應就行埋去鬧佢~
但係琴日IH堂我向Miss Leung投訴佢
佢叫我唔好係度無理取鬧阻住佢教書
我真係好鬼想串佢
我比面佢仲係一個老師
佢跟本就係顛倒是非
宜家跟本係我前面條友無理取鬧 搞我D野
我投訴佢叫佢唔好再搞我Miss Leung走黎話我!?
呢D究竟係咩道理~我完全唔明
佢怕比個學生串番轉頭佢無面姐
佢跟本就係淆佢
我真係對所有人都心淡晒囉
而且F.2E D人個個都玩我既啦
跟本唔駛對「F.2E」呢樣野留戀
我覺得完全無野值得我再三回味(成哥除外)
我都承認成哥真係有少少偏袒我
佢次次鬧其他人都唔會鬧我
今日中史堂都係咁
我地上去做問卷調查
我好快就做晒~上論壇
然後其他人都做晒
佢地又上網唔知做咩
之後成哥鬧佢地~冇鬧我
佢只係問我~D問卷做晒未呀
我話比佢聽做晒~佢就話做晒就比你玩啦
之後個個都話我刷佢鞋
我真係無囉~
我可以話比你聽我100%唔係D咁既人囉!

今日小息~我叫Theresa陪我上去搵某人幫我係個排發上面簽名
佢大大隻字寫左上去~D中文字勁似書法
我睇到果陣勁開心囉!

lunch果陣我果班某幾個男仔玩我~
囉走我個排球
但係好快就比我搶番
之後佢地就話上去二樓
叫我開個波上去比佢~
之後我狂扮開唔到
佢地就話我~咁屎嫁,咁都開唔到
佢話我開唔到之後我就一野由底線個位開左過去另一邊底線~仲高過五樓添
然後我就話~開到高過二樓啦 點解你接唔到既
之後佢地就話~你都唔係開比我既
我就話~我望住你黎開既啵 你接唔到唔關我事 你有本事就落黎搶
之後一個落左黎
佢落左黎之後就行過黎搶
然後我一個上手
穿針!入左垃圾桶!- -
真係垃圾桶邊都掂唔到就入左去
D人睇到好無奈= =咁都得@@
然後佢行過黎
我叫佢執~佢唔肯執
然後我執左之後佢另轉面行走~
我就一個波掟埋去
我話垃圾波~比你 做咩唔接呀
然後佢就追住我
追左一陣之後佢最後都放棄左= =
就咁就KO左佢啦-.-

放學之後就係Happy hour~
我用左自己個波開上手
企係操場堆數字度開埋去對住果四個籃板
開左好多球
有時打得正既話就飛左去塊板後面
之後我試下行到去坑渠果度開過去
一球中板一球遠離目標
之後又行番上去堆數字到開
點知~比我好負碌咁入籃仲穿針~入左第3個籃
過多陣~又多一球負碌~又係穿針~不過今次入左第4個籃
睇到D人都O晒嘴~"~

等到五點幾~施蓉妮同Theresa落黎
我就同佢地猜波
但係我地碌入籃球場範圍都唔得
一係比D高Form鬧 一係比個童軍條友鬧
但係真係無計
成日都碌入去
我好多次都已經好快反應咁接住
仲做左好多好型既姿勢去接波~
仲有今日打波勁準
左一拳右一拳~次次都好準打番過去
最後有一次比條友收左呀鍾個波.....
佢地操完之後條友向我問話
佢叫我唔去行入去執如果佢地操緊
佢話佢會執番比我地
佢勁惡囉- -
真係慘~次次唔係我打入去但係就係我比人鬧
呢個世界真係唔公平!

最後今日同左一個運動資優打排球
比佢話我技術差
緊係啦~佢係資優- -
佢緊係咁講
真無奈T_T
我最後比左佢簽名~