六月六日【星期五】
今日係教師發展日
係屋企溫書.....
溫左1個鍾左右訓著左
訓左兩個鍾
因為琴晚成晚訓唔著
我成晚都冇訓過
就咁就呼呼大睡
真係好少訓得咁舒服- -

為某人而戰!你要等我呀Baby~

六月五日【星期四】
終於到左音樂堂
我都好緊張
係考之前有兩個話自己唱過第二首歌
因為我同佢鬧左交
然後另外果個FD
佢話同佢地唱唔同我唱
令我非常唔開心
我唱果陣
有兩個男仔聽到好陶醉- -
一個對住我狂笑
一個對我另眼相看
Miss Leung都讚我quite well
最後我都係高分過佢地
仲接近滿分
總算比到我一份安慰既感覺.........
令佢地覺得唔同我一組係佢地既損失

我best fd都話我唱得好好
但係我無理佢
我成日都話我嬲人唔嬲得好耐
不消一個lunch time
佢同我講野我就理番佢

算啦 大家係fd 無謂因為一D小事結果做唔成朋友丫...
而且係最後一日上課日 無謂影響大家既心情啦

六月三日【星期二】
今日最後一堂PE本來係游水堂
我地見到咁好天 一定要游水
但係點知陳sir同我地講話掛住雷暴警告
掛到3:30
所以我地全班都唔駛游lu~
咁咪仲好~唔駛行過去
更何況我都游唔到
啪一聲拗親條腰
所以有得游都游唔到囉~"~

我地頭果堂係課室到做自己野
陳sir睇我地班
然後佢話如果keep住唔落雨既話第二堂我地有得落操場玩
然後第二堂果陣我地就落去跑左兩個圈 拉筋
之後就自由活動
初初打排球~我幫人執波多過打囉
次次都一個好靚既上手開波開過去
佢地就次次伸手就接到
仲有好大聲既啪一聲= =
原來唔駛跳都可以咁大力
廢事又啪多下啦- -

之後同幾個男仔玩炸板
差D輸~
佢地玩我既- -
但係竟然我次次切西瓜玩死我之後果個
次次都跑唔切~爽
最後我都係屈死左佢
佢個個都冇輸就係輸左比我
佢好唔服氣~"~

快D考完試就好lu~可以再玩過^^

六月二日【星期一】
在清晨五點許
一個很響的雷
吵醒了全香港數百萬名呼呼大睡的市民
連我都嘈醒埋
我果陣仲諗可能唔駛番學
點知我開電視睇果陣
連黃雨都冇- -
有雷冇雨
不過都好彩
如果無得上堂既話我就慘lu~
又少一日準備考試既時間

聽日正到爆
成身黑色咁番學
成套黑色PE衫
加埋我買左一個禮拜既新黑色籃球鞋仲有兩條紅色邊 勁襯套PE衫~岩岩又係紅社
然後就係我果個靚靚既黑色史迪仔袋
果個袋人見人愛
好多個睇到都話佢好靚^^
我真係勁鍾意佢唷!
仲靚仔過Total=]

聽日最後一堂PE-游水堂
我估大多數都冇得游
真係雷雨就發達
唔駛考試
雖然我游得晒
但係我怕比人踢到個頭果下感覺........