四月十四日【星期一】
今日好番左好多
99.6度←唔知算唔算發燒
雖然今日仲有少少胡言亂語(亂講粗口)
不過都好過早兩日好多
早兩日直頭詞不達意
無人明我講乜
但係唔知點解MSN打字又冇乜事=口=

我今日真係痴左線..
我時光倒流左番左去上年既我
神情,動作,說話,射波姿勢都番左上年既我

無啦啦今日講既野同上年一樣
人地講野鬧我我就句句野都用粗口鬧佢
發燒前既我如果佢講既野真係唔係太過份我都唔會理佢
但係人地今日講一句野(講乜野都好)
我都係用粗口回應
我上年就係咁-_-'
今年已經改左好多
我真係要嘗試轉番模式先
唔係日日講粗口真係好煩
我唔想講粗口,都唔想聽到粗口
但係有時等係好扯火,忍唔住講左出黎
小妹如有做錯,請多多包涵,指點指點!
我會努力改嫁啦-v-

今朝一早上英文堂全班人都好開心
因為Mrs.Wong無番
但係我就唔係幾開心..
無得上英文 超慘

之後上SCIENCE,勁嘔心A_Av
啊sir玩切牛眼@a@v川
解釋比我地聽眼既結構
我睇住佢切果陣勁想嘔+勁想喊
我覺得隻牛好慘
死左之後仲要比人切左佢隻眼
啊sir切完之後叫我地出黎睇
佢仲話可以摸下佢
隻眼最底果層綠色..然後包住D好似啫喱既物體,之後上面仲有個視網膜 好似我地平日我地帶果D con咁
我見到已經想嘔,仲叫我摸-_-'
如果比我摸到既話我諗我可能會切左自己隻手指佢
但係D男仔覺得好得意
摸左落去..
我發誓我三日內都唔接觸佢地=_=
但係都有幾個女仔摸左,佢地睇到1D都唔驚=.=
唔知係唔係我細膽>.<

然後都左食飯果陣
食完飯又打波
但係好不幸
係集隊之前岩岩打鍾果陣撻Q開左向後
上左禮堂頂果到-.-
都唔知點執
我諗住聽日放左學先去執..

之後就上左禮堂聽學生會舉行既"與校長談校政"
主席提出左好多問題都比校長否決左..
跟本都無心改善既..
提出完問題之後都我地學生發問
其實我好想問校長幾時換晒D殘破不堪既locker(尤其係地下果D)
但係我唔夠膽T_T
所以最後都係無問=,=

放左學之後原本要練波
但係又係因為社籃既關係
我地又冇得練-,-
啊sir話我地睇波都得..
不過要囉啞鈴
不過唔緊要!練大力d仲好
射波可以射遠D=]
今日黃社對綠社
講真黃綠晒都不相伯仲
但係我兩邊都有FD
都唔知撐邊邊好-_-
不過我賽前預計都係黃社更勝一籌
結果真係黃社嬴左
星期三就到我紅社對籃社
有D緊張@_@

成哥話聽日就應該有成績表派..
我好大壓力..某兩人比左好多壓力我
第一:我老豆
第二:唔講
我諗我最後都會決定比成績表佢睇
我覺得唔應該逃避..
仲有我計過我平均分
應該54.12分左右
因為MCE唔肯定最後分數
所以大約計左....
唉.......希望聽日比左成績表老豆睇唔駛死得咁慘啦..
不過最低消費我諗都會一張登車埋黎@┬@
好驚!
救我!
我一定英年早逝T^T

四月十三日【星期日】
今日係星期日
平時星期日我應該去左行街/去左玩/落街打籃球
籃球是我的生命
假若有一天失去了籃球我會覺得枯燥乏味,悶悶不樂,了無情趣,一定會自殺死!!!
本來我今日諗住落街打波
不過啊媽唔比
佢話我D燒仲未退晒,唔比我打
101.1姐 好少事
死唔去就得啦
不過前日104.4都未燒壞腦+未死得真係好彩
我早幾年發燒都要我番學
不過佢叫我唔好番我都會番
我好勤力嫁-_-
我番學咁耐都未試過缺席一日
不過我次次病通常都係都星期六,日-_-
唔知點解我一病就病得好嚴重
不過唔知點解今年已經病左好多次
已經成3,4次..

由於我無得落街玩 所以上左MSN
開左成日咁制
我好容易比人激一激我就會病
如果我病緊果陣比人鬧令我唔開心我肯定會病上加病
到時唔死就奇..

總之我希望聽日無事啦
我諗唔會病足一個星期掛..
雖然上次試過0.0

四月十二日【星期六】
今琴日暈左到左晏晝三點先醒番
一醒番成身都好痛
仲有D唔知做緊咩咁
都宜家燒都仲未退..仲有102度
不過我好渴望仲有得高
我好想我身高有170(不過我知冇乜可能)
總之我宜家好需要一盤冰水淋我降下溫
我唔知琴晚既發燒同暈低同前日淋水既事有冇關係..
不過anyway,事情都發生左
forget it~

四月十一日【星期五】
呢篇日誌我補打番嫁

琴日兩堂英文悶透了"~
不過我為了final exam科科合格"
我只好留心上堂"
仲有我要練好寫字寫快D"
唔好好似上次咁識做都唔夠時間"

成哥又講過話星期一/二會派成績表"
但係我同啊媽講好左話今次唔比成績表佢睇"
啊媽都應承左"
本來我諗住數學合格比佢睇無乜所謂"
不過中史死成咁..佢睇到之後肯定打到我得番半條人命"
上年數學29分全級包尾佢囉起張登然後一野掟左埋黎"..
今次仲要29分既一半"....................
比佢睇左死得人多,,話唔定今次一把菜刀飛過黎都似"...
到時就危在旦夕,一命嗚乎,魂飛魄散,灰飛煙滅,含恨九泉,直達天國..食天國的雞批~"~
唉..我知道呢D野無得逃避,但係我知道比左佢睇之後會好嚴重"
但係我唔想扼佢,亦都唔鍾意扼人"
大家比D建議我應該點做好..留個CM比我

琴日係中史堂之前轉堂果陣
我幫人keep果個排球比班衰男仔搶左
後來我叫左好多次都唔比我
之後佢地仲過份到差D掟左上風扇
我行去想囉番個波,佢地阻住我唔比我囉
然後佢地三個男仔推我個頭 想推我落張枱到
然後我就好大聲咁鬧佢地
鬧完佢地之後我就喊-_-'
我鬧完佢地之後溫sir就行左過黎
問我咩事
之後就叫左我入教員室入面個休息室冷靜下先
然後押左五個元兇落左去Interview room問話
問完之後就叫埋我落去鬧佢地-_-'
我都唔識點鬧人..我都鬧唔出口
我鬧佢地果陣好似平時平人講野咁= ="
然後佢地見到我鬧唔出口之後佢地笑到死咁制..
我通常都係嬲完一陣就冇野
好容易就唔記得...
最後搞到差唔多四點三先走得
早知唔鬧好過鬧..waste my time~

然後落到籃球場果陣岩岩好社籃開波
今次黃社對藍社
Joey唔係校隊+唔係幾識打籃球都要出黎幫黃社手
因為唔夠人
黃社勁到一開波就入左球
麥欣兒入既..
然後唔知黃社入到幾多分果陣藍社終於到入番球
Hebe果係好野
平日收埋收埋...
琴日一射就入到一球
但係始終黃社有麥欣兒同余嘉玲真係唔同D
次次都係佢地兩個入波多
如果黃社少左佢地兩個其中一個
我諗黃社未必嬴到波..
最後緊係黃社嬴左波啦..
黃社嬴藍社21:10
我見到Joey佢好緊張
佢臨尾完場前射左一次
都差唔多入到
我覺得佢都算唔錯
比我我可能緊張都呆晒- -'
16,17,21都我地紅社打社籃了
有D緊張
好似第一場係對黃社
希望大家有時間就多多支持我
不過我只係一個後備- -
紅社有勁多人..
好似十個
哈哈
天光都未都我出場

我睇完社籃之後就走左
琴日二表姐生日,我要番屋企換衫然後去表姐屋企食飯慶祝
去之前買左一個十一磅既西瓜同16罐啤酒
我唔想啊媽咁辛苦
所以我全部囉晒
順便練下力
我諗兩袋加埋只少二十磅..
拎到我手都震埋..

我去到之後表哥開左電腦比我玩
不過我冇玩..我只係上左MSN
坐左一陣就有飯食
一開飯大表姐就番黎
佢見到我之後就話我既眼神好「謎人」
好似謎女郎咁謎
佢既意思即係話我個樣做乜咁攰..

食完飯之後我啊媽就同佢地玩poker
玩到11點幾先走
然後二表姐揸車送我地走
然後順便去油站入油
因為過左十二點每一公升加兩毫半子
然後好趕急咁飛車去
好彩最後出單果陣時間岩岩好11:59分
真係險-_-
然後到左12點三左右落左車
行左幾步我就無啦啦暈鬼左..
不過係車上面已經有少少暈暈地
但係諗唔到會咁..
然後我啊媽抱左我番屋企
睇下我究竟發生咩事
然後過左一陣我醒左
果陣成身好似比火燒咁,而且全身骨痛
啊媽話我果陣震左一震然後醒左
但係過左十秒左右又暈番
然後就一直暈到今日下午三點幾先醒..
我啊媽講番比我聽話我琴晚曾經面色同咀唇有D發紫..
不過維持左半個鍾左右
佢話我果陣發燒燒到104.4度
咁都未死得算好彩
我宜家講野仲好有D模糊不清
同埋思想有D亂..仲有少少手震
仲好似有D好重要野唔記得左
我要嘗試諗番睇下有咩唔記得左..........

四月十日【星期四】
今朝一早上兩堂成哥堂
勁開心
不過上佢堂唔係玩嫁 我好專心咁聽書嫁
之後派番之前作既展翅作文
成哥話一個唔合格
然後佢話我唔合格
我呆左一呆..
唔係掛
然後成哥叫我睇下有咩冇寫好
然後睇下唔知邊鬼個話我冇明確交代地點
我覺得我講得勁清楚
係果個老師get唔到我既feeling姐-口-
之後成哥講講下書果陣無啦啦講到課外既野
無啦啦講講下講到港鐵成日講話咩小心月台空隙
然後又講到罅隙
問我地有冇人識寫..
然後我寫岩左佢話我睇得課外書多-0-
我都既書得一本,就係:字典
我好鍾意睇字典~
睇得多身體好d嫁-_-'

今日唔駛上PE堂真係好
本來上游水堂嫁
點知因為果D咩Test唔駛上PE
仲好啦~我唔係咁鍾意游水-w-
講真,今日個英文Test都唔容易
好似中四程度咁既..
勁多字唔識解
仲有唔夠時間睇
平均要一分鍾一題
睇到傻!
然後都左數學
跟本都唔岩我既程度
小四都識做啦果D數
仲要用計數機=,=
數學實左too easy
真係....無野好講=3=

Test完之後又係我最開心既時光
又打排球啦=]
舒緩平時既壓力既唔錯選擇
今日開排球開得激烈到連加手膊頭都差D整甩臼
痛鬼死人
仲有唔知今日做乜野成日都企唔隱
仆低左十幾次
真係遲早連條褲都穿
總之都係完全至上啦-_-
好討厭仆低既感覺
我仲要仆到定晒型要人拉番我起身
我完全冇力自己起番身
真係有問題..

然後同左Mandy同雪人玩水
我叫佢地淋水落我到
點知佢地真係淋左落黎
成身濕晒..好凍!
如果聽日病左就好啦
唔駛上英文堂
不過我想講我病左都會番學-.-