四月九日【星期三】
方包Happy birthday啊!
今朝一早送左生日禮物比佢
佢好驚訝!
哈蝦ha!
我總是要給人驚喜

然後今日第六堂IH落堂之前
Miss Leung話今日有人生日~
我地個個都知啦
Miss Leung叫我地唱生日歌比佢
果陣個個都勁開心
之後仲玩佢添-3-
但係唔知點解有種想喊既感覺>_<
唉..總之就不由自主啦!

今日放學社籃
藍社對綠社
今年真係好
我地女仔社籃今年有得放學舉行
但係上年要lunch搞
我地打比賽果D就唔駛食飯..
今日藍社對綠社
藍社真係輸得慘
輸10:21
我今年見到一個好奇怪既現象
就係唔知點解每個社都係得一個後備咁少
我地上年後備好似多過五個
但係據我所知黃社都係岩岩夠五個人
但係我地紅社好似有十個人
真係神奇-_-

打完社籃之後我又打排球
今日打出兩次世界波
第一次同施蓉妮玩二傳同陣超開心
我開到勁高,不過個距離好短,得三米左右
然後勁準咁落中位
佢又接到,個波又係飛得勁高,但係個波向左後
然後我又跑去補又補左番去
之後佢接到之後又打番向後
果陣追得咁辛苦 之後我背向個波用後手單手打番個波埋去
第一次咁準打岩位
然後佢就打過去對面嬴左佢地五個=]
果陣個感覺超開心
同嬴左比賽差唔多
然後我地give me 5
果陣開心到想跳舞~hahaha

之後我自己又做出一個創舉
就係由底線開高過五樓然後跌落另一邊底線(24米)
我成功左啦!!!!!!!!!!!!!!!!!!!!!
我下個目標要由底線開到教統局座野到
不過好似難左少少
但係開得咁勁既同時
隻手瘀左一達T^T
好痛.......

我真係好想練到大力D
等D男仔唔敢蝦我T^T
很討厭!

希望過幾日社籃果陣有人支持我
同埋希望入到幾球波
不過我唔係正選-_-
紅社實左太多人
有冇得出都係未知之數..

四月八日【星期二】
今朝一早早會果陣勁熱
曬正太陽下面..
仲要企左半個鍾-v-

之後無啦啦大聲讀我個名..
每日一篇第一姐
有乜咁巴閉姐=_=
搞到全村人都啤住晒~^~
等到我囉到D勁D既獎先講啦/_\

不過我記得我上年學期尾最後一次早會果陣連囉兩個獎
果陣真係幾開心嫁
我仲記得我果陣面都紅晒
因為我果陣真係勁少囉獎

不過我宜家覺得囉獎對於宜家既我黎講已經全無意義了..
我下一個最想囉既獎係學界籃球..
呢個就係我既心願 不過我知道無乜可能
如果能夠囉到公開比賽既獎就好lu~
講真,我覺得可立D人跑步真係輸蝕左少少
女仔直頭冇乜獎囉
之前Miss Cheung叫我入田徑隊果陣我真係曾經考慮過入
不過我最後都冇入
係因為我覺得我自己實左太廢
之前陸運囉獎真係好易
但係小學果陣永遠都跑包尾
都唔知點解
上左中學好似脫胎換骨咁
無啦啦跑得快過以前好多
連性格,身型全部都變晒
小六之前D野全部唔記得晒
真係勁奇怪!
我要嘗試尋回失落既記憶..............

然後到左中史堂果陣..
中史我一定就知道低分到死!
但係我始終都諗唔到真係會低分得咁緊要!
低分到我都唔想講
但係最難受唔係低分
係比班衰男仔搶左我份卷然後大大聲讀左我個分出黎
成班人聽到之後仲要哈哈大笑
仲要話我蠢
唉..................我好難受啊!

放左學之後打排球果陣..
我打爆左一個排球!
我係殺波兇手!叫差人拉我啦!
不過我總算完成開波高過天台呢個目標
我諗我都係時候收山了
因為我覺得我好似有心無力咁
不過我都排球既熱情都係有增無減,籃球都係!

之後我同某人講下笑話打爆你個排球
佢好大反應話我打你就差唔多
然後係唔夠兩米既距離一野車個波埋黎
痛死我!
佢真係兇狠
佢係跆拳道黑帶黎嫁!
痴線咩
之後我就好嬲咁想打佢
然後推佢落地
不過推左佢三下先跌
其實我無乜點用力
推跌左佢就算,都冇打到佢
但係當時我真係幾嬲嫁!
@_@
不過我嬲左佢一陣就無再嬲=_=
我真係太心軟..

四月七日【星期一】
今日派左三份試卷..
分別係英文,數學同IH
英文真係....差到爆
不過個結果尚算正常
39分@_@
一早覺得唔會多過40分-_-
點解差唔多科科都9字尾ga~"~
真係無話可說..........................................................

之後到左數學T_T
我地上半班得兩個合格
下半班都係
即係話全班得4個數學合格
大家估下我呢個笨蛋有冇可能合格.....
派到份卷比我果陣=_=
個心就快跳埋出黎
Miss Cheung話
郜淑君,全班最高,58分=﹏=
果陣真係開心到跳舞
竟然上次個個都勁過我既今次都變左唔合格
就連我FD佢上次考全班第二佢都唔合格
真係嚇左一跳
我聽到得兩個果陣我諗住我40分都唔知有冇
數學合格呢樣野我諗住遙不可及
點知原來遠左天邊近左眼前
我囉到合格既同時我既承諾都兌現左
我宜家成身都輕鬆晒~
但係我應該有59分ga~
聽日問Miss Cheung囉番1分先@v@
我地兩班計埋最高分都係得59分 真失敗~,~
我聽日就要成為全班最高分!
不過其實我合唔合格都會痴線=_=
其實點都好啦
成績都出左啦
呢個係無得改變既事實
但係真係太過恐怖
有3個低過20分
總之我合格呢個真係一個非常大既奇蹟
我覺得Miss cheung一定睇唔起我囉到合格
我諗佢今次到嚇死佢@o@

到左IH..
得53/80
原來諗住60分以上
點知得果53分
比上次退步左5分
我希望平時分可以有10分以上啦..
我今日真係好開心啊!=]

學校D玻璃真脆弱
今日小息又比人打爛左一塊
位於1E課室
佢岩岩企我隔離
我今次目擊現場
知道爆左玻璃之後
我就叫我地成班FD立即上1E幫幫手清理左佢
我地幾個用手執玻璃
我仲蚊埋玻璃窗上面好危險果D玻璃落黎
竟然咁都無事
一塊玻璃都都唔到我..

打爆玻璃又係1E班既
自己打爆自己班房塊玻璃.. 勁搞野-_-
真係好野
我都未打爆玻璃
我果兩個FD就打爆左
我諗一定有一日都我打爆一塊
我宜家都驚驚地...........
打波真好小心D好>,<

三月六日【星期日】
唔知點解大壓力果陣通常都會去搵籃球機
今日都唔例外
晏晝去左冒險樂園搵籃球機
今日同平時好唔同
今日既我射波果陣成個機器咁
一時好呆滯,好慢
一時又快到收唔到制
初頭果陣好似遊緊雲咁無啦啦射射下射埋去隔黎部機到
過左一陣之後成個摩打咁追番到過關
痴鬼左線

然後有個好細既小朋友話要挑戰我@0@
果陣無啦啦醒覺
雙手好似摩打咁射射射
竟然第一關就232分
多出平日80分有多
然後打完第二關果陣有401分-_-
相等於平日打晒四關既分數差唔多
第三關有537←睇怕我都痴左線多D
打晒四關有622分
D人睇到眼碌下碌下
我射完之後簡直眼定定
S0 Amazing
由平日既430左右→622分
我諗都係壓力所致-.-
壓力迫使人們痴線!!!
好似我咁
不過打完之後又幾爽喎^_^
舒服晒!

之後我見到人影相
又靈機一觸
諗到幾句押韻既野..

我很喜歡拍照,,
但係卻不愛笑;
我覺得沒有這個需要,,
因我自覺不及別人嬌俏。←看到之後希望有D勁人幫我修改成為一首七言絕詩..

聽日做就係惡魔既降臨
肥佬既試卷陸續有黎.......
數學一定要合格!!!
唔係就死緊@_@
我唔要4科肥佬!
3科好啦!
點解人溫書我溫書
我就愈溫愈多科唔合格
人地愈溫愈高分
真係...無奈!nG~
T_T
如果有五科唔合格就真係7.7
好彩仲有科中文撐一撐住
唔係..我就............
我想左中學之後第一次有一科有7字頭
差D8字頭
心中難免有D唔知點咁
唉..還是做定心理準備接受殘酷既現實吧~
多想也沒用
結果係交試卷果陣已經決定左啦..
無得改變...
如果數學唔合格既話我就連MSN都唔上,機都唔打啦!

四月五日【星期六】
唔知做乜今朝個個online game都上唔到
搞到只係上msn等緊運到
仲有今日只係同某人係msn嘈過幾句
聽到D唔想聽同唔想知既野
真係無奈
次次嬲人都唔過二十四小時
MSN封鎖人跟本都唔會多過兩個鍾
唔知點解唔鍾意封鎖人-_-
有D覺得好似唔係幾尊重人咁T.T
不過算啦
封唔封鎖人都係一樣姐
佢叫我唔應佢都一樣=_=

期待收到合格既數學卷!
有D緊張._.
數學卷你加油啊!生性D啊>_<