六月一日【星期六】
琴日老豆突然間話番大陸~
佢竟然留低左廿蚊比我買野食
琴日有一日Free Day
但係都好似做唔到好多我想做既野囉-_-v

琴日朝早呀媽拉左我探佢呀麻~
但係去到佢屋企果陣無人
呀媽有佢呀麻屋企鎖匙
開門入去等佢
過左無耐我姨媽都黎到
然後佢話唔好等啦 落去食野
果時先十一點幾 唔係好想食飯~"~
食完之後十二點幾
再上番佢~佢番左黎
平日通脊都係坐一陣就走
點知今次一坐就坐到3點鍾
聽佢地講野既聲線
大聲到死= =
又悶又熱
其實真係唔係好想坐囉
不過無計~"~

探完佢之後呀媽就帶我去逛商場
買左兩樣我勁想要既野
1.手錶
2.史迪仔袋
呀媽好好奇點解我會揀買橙色既手錶
佢覺得我想襯套校服
其實個答案係因為我覺得呢隻款黎講橙色最靚囉- -
我聽日就會帶隻新手錶同我個靚靚既史迪仔袋~
個袋黑色~勁型
買隻錶既原因係因為呀媽驚我考試唔知時間
所以先買
上次就係小左隻錶就死左@"@
我不要重蹈覆轍!
買完之後搭42C番屋企
經過冒險樂園
上次淨左8個幣 岩岩夠玩兩局
我嘗試用左手玩
我左手都打到三百五十幾分
右手單手四百八十幾
都係雙手射好D

玩完之後去食飯
食完飯就番屋企上MSN
琴日係我有史以黎上網上到最夜既日子
我琴日開機開到凌晨兩點
真係幾爽
不過我開住MSN都無乜同人傾計
琴日結果都係溫得個半鍾頭書
唉.....T_T
考試就殺到
好大壓力!

今日五點幾落左去打籃球
同人鬥波
仲見到我小學D師妹師弟
問番佢小學D野
幾乎全部校隊無晒
就算有D校隊都係得幾個人
真係就黎成間學校比巴基斯坦人淹沒左
過多兩三年就再冇香港人讀了
真係有D可惜既感覺

打打下波果陣
無啦啦聽到有人叫我全名
轉個頭去睇
蕭Kai子係足球場叫我- -
我估唔到佢會係我屋企樓下個足球場出現囉~"~
仲叫我全名
全世界D人都知我叫咩名啦= =
比佢激死@@~

五月二十三日【星期五】
時間過得好快
得番1個禮拜,4個上課日就考試然後完左呢個學期
我唔知點解覺得上年個暑假唔係過左好耐
我仲記得我暑假最後一日仲係打緊機
竟然宜家就咁又就完左個F.2

今日上中史堂果陣
成哥話幫科長 班長加操行分
之後佢講講下話會加幾分比我
仲講晒比全班聽
加比我既原因係因為中文堂上堂留心,表現良好
原來呢D都有得加分- -
聽到果陣真係幾開心
除左Mr Maclean之外佢就係另一個對我最好既人

放左學之後就搞埋我幅"傑作"
星期一要交果幅畫
所以係學校做埋先
睇落好易
竟然做左我兩個鍾喎
做得成六點
做到好辛苦既時候見到差唔多完成果陣話比自己聽要撐落去
我做果陣真係勁火
FD子又無啦啦講起我老豆
搞到我想打爆張枱咁制
講係佢就算見到我lover我都會係咁大反應
琴日我做做下每日一篇果陣無啦啦拍枱
我無理佢然後佢推左我埋牆打我
然後我諗住推開佢
不過唔夠力
之後佢仲打多幾下
後來佢打完我之後我走左入房溫豬
我真係彩佢都傻
對佢無晒feeling囉

做完幅畫之後好大滿足感
幅畫都畫得唔差丫
幾有藝術氣息丫- -

做完無幾耐見到某人
同佢玩嘟一聲
佢既反應令到我D FD子同我笑到死~"~
但係真係幾好玩
不過番到屋企同佢傾MSN果陣講起呢件事
佢就狂講佢唔開心 叫我唔好煩佢
之後我再打野去佢做鬧我
又叫我Shut up 又話我bitch
我生出黎比人鬧?
我諗我生出黎既用途真係比人鬧
有幾多個人讚過我丫
究竟佢有冇理過我感受
只係想關心多一點姐
唔駛咁呀
不過算啦
鬼叫我鍾意佢
佢鬧完我我一句都冇鬧過佢
就咁就算數
唔算數仲可以點丫.....
但係我心裹真係一D都唔好受囉!
有冇人可以站係我個角度諗下點解我要咁做?
淨係識得怪我同鬧我...

五月二十九日【星期四】
今日上IH堂果陣個頭勁暈
睇野好花
差D就訓著左
到左4點鍾果陣好少少 無咁頭暈

我放左學之後好勤力咁溫緊Science
但係我後果班人好嘈 有D係我果班
費事話佢地
到左4點9果陣
我打比Theresa 問佢係邊
然後佢話係佢屋企樓下個公園到 問我去唔去
之後我就去左
仲有阿鍾 施蓉妮 Jennifer 同 佢地個FD←我第一次見
但係佢地FD無幾耐就走左

之後我地玩左好多野整左好多靚相

整住咁多先 溫豬lu

五月二十八日【星期三】
琴日無打blog~因為有D好緊急同緊要既事等住我去做
所以我情急之下啪左總制~連MSN D訊息都無睇到就啪制

琴日考左三樣試
第一樣係Science experiment
我果組又比人抽中第一組考試
要點著支burning splint做experiment
然後我果組果個不知明人士佢話唔知點整熄支burning splint
然後SM陳睇到之後個樣勁得意~真係好可愛^^ 想睇多次
SM陳睇到之後 係佢張評分紙到寫左-1分
真係唔知好笑定好嬲囉- -

之後考Music~第一個考
上次岩岩未考到我 但係今次第一個考 勁驚
但係果陣吹得都幾差
Miss Leung比左28分我 30分滿分
我完全無諗過咁高分囉~_~有待改進!

最後果堂考煲冬瓜口試
第三個考
都唔知點解考到疾下疾下 lag晒機咁
我平日講野都唔係咁
但係我知我應該無讀錯字
應該唔差既>33<


今日早會勁正~
搵左戲劇界囉左最佳男主角既辛偉強師兄
佢講野又幽默又搞笑
笑到我地傻
不過佢D正經既分享真係幾有啟發性
唔知點解我覺得宜家既我有D似佢
上年又係試升中二= =
不過今年一陣唔會再係試升既啦!

之後佢講講下~
原來佢係小熊維尼既配音員
仲配過好多好多野~
佢扮聲果陣真係勁得意
令到我地台下D人捧腹大笑
佢係得既
唔知幾時再有機會見到佢呢!?

番左屋企之後~
係屋企樓下個籃球場見到我FD
於是我番左屋企換件衫囉去同佢打波
今日唔知做乜鬼
球球轉幾廿個圈碌番出黎
抄得好厲害
然後佢掟個波比我果陣仲篤魚蛋 又腫多一隻手指
玩左一陣同佢10N1
打打下見到我同學
佢狂啤住我- -
都唔知比咩反應佢好= =
今日輸得好慘呀!

五月二十六日【星期一】
今日的我 串了很多
我發覺唔知點解自己呢個星期串左好多
有D人一講D我唔岩聽既野我就串佢
我都唔知點解自己會變成咁
但係我都控制唔到我自己
我要重新輸入過D程式先
FD子幫幫我吧
我要做個好學生
我想中四做到Prefect!~