五月二十日【星期二】
今天是520~
大家有冇向你心愛既人示愛呢?
我唔講比你地聽我有冇~哈哈

今朝一早~
學生會搞既籌款活動~
學生會搵左幾個人出黎講野~
我講得講得勁貼切
但係我果班D男仔就係到笑
我都唔明有咩咁好少~
唔知邊個話~
睇下如果瓦礫下面壓住既係你至親既人~
你會有咩感受
我真係想睇如果壓住係瓦礫下面既係佢地至親既人
佢地會唔會仲係嬉皮笑臉?
我真係勁討厭佢地既態度

之後上番課室準備捐錢
然後歌神入左我地班房收錢
我地班D人緊係叫歌神唱歌啦~
仲話佢唱歌既話捐多D
歌神就話今日唔係適合唱歌既日子
下一次再唱~
我今日捐左五十蚊~
竟然我地班有人衰到1毫子都捐得出
我覺得佢好侮辱人囉
當人乞丐咩?

到左電腦堂既時候~
我係到上緊校網睇班相
睇睇下原子彈行過黎
佢問我~Where is your work?
果陣佢岩岩先教完我地點做
我估佢一定無諗過我咁快做晒
然後佢就話~Good!Well done!
我心諗~我電腦已經夠屎嫁啦
但係點解D野咁易嫁
最奇怪就係平日自稱電腦好叻既人完全唔識做
原子彈見到我睇班相之後又話~
D0n'T PｌAＹ！
然後我比埋佢睇佢仲未教到我地做既第二個練習
之後佢Ｏ晒嘴
佢又係講ＶeRＹ　Ｇ０0d~ EＸcｅＬlｅnT！
今日電腦堂就係得果兩個練習
我只係用左５分鍾就做晒
之後無論佢見到我上論壇~睇班相
佢一概唔理
我就用左45分鍾做左好多好多既野~
我諗我今年電腦一定高分好多~!

上完電腦堂就LＵｎCh~
我囉埋本MＡｔhS豬同N０ＴｅB0Oｋ落去溫~
唔知點解~我係到溫豬
招黎好多奇異既目光望住我溫豬
我真係有D好奇點解會咁多人望住我囉- -

放學就係MＡｔHＳ　qU!Ｚ啦~
琴日Ｍ！sS 張話要果三樣野我都囉齊
Ｃ０MpAｓＳEs,Ｐｒ０tｒAcｔ0R同ＣａLcＵlaｔ０Ｒ~
我問咬莉借左ＣａLcＵlaｔ０Ｒ~
其餘兩樣係屋企搵到
點知~到頭來
三樣都無用
ＣａLcＵlaｔ０Ｒ其實都可以話無乜用
心算都得
M！Ｓｓ張玩人既...
TＨｅrｅＳa係我考Qｕ！Ｚ之前話如果我有35分既話就請我食HaＡｇEｎ　DaＺｓ
不過肯定冇啦
我覺得我考得好差~
不過都應該合格既T_T

考完Qｕ！Ｚ之後真係好玩~
今日玩得比之前開心
又掟排球又掟紙巾
之後包紙巾仲比我掟左入去D L０ＣkEｒ底
執番之後無人再夠膽掂..
之後呀yo話好急
去廁所~無廁紙用
佢竟然果包紙巾都照殺
囉左去用= =
真係唔知係唔係搞gag~

過左一陣
無聊
我地幾個用水寫字係地度
寫左我愛你之類既野
我就寫左我愛某某人
影左相
之後AA行過黎
睇到~
佢問呀某某人係邊個
緊係唔答佢啦
之後佢又問邊個鍾意佢
FD子們話郜淑君囉
之後佢問邊個黎嫁- -
佢山2然成日鬧我都唔知我叫咩名
都唔知好嬲定好笑- -
比佢激死
笑到我地傻^^

五月十九日【星期一】
今朝帶左個排球番去~
但係偏偏就落大雨
搞到無得打T_T
只係打左幾下- -

但係我係個波上面寫左好多野~
寫左好多s!lly th!ngs- -
有關我個名同呼籲人唔好囉走我個波之類既句子
仲有FD子D簽名
都有十個簽名~
我岩岩自己簽左
個簽名怪怪的= =
有圖↓

勁恐怖- -
仲有其他圖
FD子的簽名↓


呼籲人唔係亂搞我既波字東西↓
不過今日有人犯左囉!

仲有最後一張
表情符號
係唔係好kai哩- -

講番我個波真係命苦
我今日先寫唔係囉走我個波
唔係就係隻狗
要比我一腳踢佢出門口
點知我真係發現左有隻狗

當我今日做完GYM擺左D野係canteen果陣
我同Mandy行開左
然後唔知邊條友囉左我個波走
我就搵黎搵去
搵左我大半個鍾
仲喊埋
但係以我既推測
一定係1B條姣婆~
唔駛估
正卜雞
我竟然最後比我估到係一樓女廁搵到個波
麥玲玲都有D功勞
佢帶我上一樓
突然間比我諗到係女廁
我聽日肯定將佢碎屍萬段!永不超生!!
等我聽日偷番佢個波放上四樓女廁
我睇下佢點搵
或者我是但放入一個無人用既locker
搵死佢都好
等佢仲玩得我咁過隱!?
我都忍得你耐啦!
某程度上我算好蝦
不過唔係比佢咁玩囉
蹂躪我個新波
我要你聽日八點都搵唔到我個波
睇到我呢篇野既FD子請勿比隻狗提示唷!
否則無FD做!

今日第五堂~
差唔多到默哀果陣
Miss張向我地講關於四川大地震D野
死左好多人
我地班D人仲嬉皮笑臉~
簡直係生番!
到左默哀果陣
都仲係嬉皮笑臉
跟本唔當默哀同死左好多人係一回事
簡直係人渣之中既人渣
人渣敗類!
1D同情心都冇
簡直唔配做人
忍夠你地啦!_!

今日放學愈黎愈大雨
我諗住阿sir唔會黎做GYM
點知佢會黎
又係兩個人(其實正確Ｄ黎講得我一個~"~)
做GYM唔係我想像中咁辛苦姐
最衰的是~阿sir利用我!_!
我叫我玩果個划艇機~
然後佢行過去出風果到
扯開件衫吹風- -
仲叫我拉快D~"~
比佢激死@@~

練完波之後搵波
搵到個排球之後就走
行去答70號番屋企
順便姐埋Mandy"番屋企
我上左車先知得五蚊
無散銀~
但係又唔想蝕兩蚊比小巴公司
咁我就問D乘客睇下有冇五蚊散銀
點知佢地唔夠5蚊
一個有五毫,一個有兩個半
之後佢地就夾比我入落去
我諗住比個五蚊比比左兩個半我果個好心人
點知佢唔肯收
然後比左五毫子果兩公婆就話
只要你下次好似我地咁幫番其他人就得既啦
唔駛還比我地啦~
都岩既~我真係十分十分感謝兩位好心人
結果最後一毫子都唔駛用= =
有點無奈唷!
大家記住要幫人~
聽日四川脤災籌款呀!
國內同胞好需要我地既捐款嫁

聽日係5月20號
唔知大家會唔會同你心愛既人講520呢
我想講嫁~不過Impossible!
我只希望佢可以幫我係佢排球上面簽個名
咁我就好滿足既啦!
我已經留左最大個位等佢有一日會同我簽名

唉..聽日又要Quiz啦~囧`!
要compasses`又要protractor`仲要calculator
難為我三樣都冇0_0
考手指咩- -
死死死.....

五月十八日【星期日】

呢幾日部電腦都唔知搞乜
成日都唔可以正常開機
我次次都要用安全模式先開到機上網
所以我今日留係屋企搞左成日睇下究竟發生咩事
但係我睇左成日
都搵唔到發生咩事
但係我估到大概應該係部機中左毒
我仲覺得應該係msn既問題
次次正常咁開到機
一搞登入msn就hand
但係唔登入msn就無事
我之前都曾經試過一次
過左一個禮拜就無事
今次都成五日啦
點算好..........
我驚再係咁部電腦就ko左
到時我以後都無得再買電腦......
有冇D高人可以救下我

我由朝早9點搞到4點
早餐同午餐都無食
我搞到四點幾先煮麵食...
D麵真係好食...
我次次非常認真咁做一樣野既話
我就唔會停
唔會理任何人叫我

到左六點果陣
落左去打波
我打左一陣就覺得好攰
唔知搞乜鬼
平日好少會咁
但係今日射波都算幾準
入左好多球三分

打左半個鍾之後
我就走左
落左去買個排球
一個65蚊既排球
好貴哩!!!$_$
呢兩日用左差唔多二百蚊
慘了.......
月尾果陣無晒錢就乜都唔駛食
食西北風....
唉.....

結果今日為左整電腦....
到係無得出旺角
嗚嗚T_T

Treresa話我既背影好寂寞.......
宜家變得愈黎愈寂寞lu~
我個背影愈黎愈寂寞
仲帶點唏噓同無奈既感覺

五月十七日【星期六】
今朝一早11點半就出發去屯門探我呀麻~
架車左兜右兜~兜到頭都暈埋
之後~發覺佢個站轉左~
然後一過就過左我地既目的地
下一個站差左好遠
搞到行番番去都晒左十分鍾
竟然~我老豆呀媽都唔認得路行番去
最奇怪既一樣野就係我記得點行番去
因為好耐之前又試過一次過左站
又係係果度行番去
而且又再一次證明比老豆睇我記性有幾好
今次終於得到佢既認同
哈哈~有D好滿足既感覺

去到之後~老豆叫呀媽去搵位飲茶
然後叫我同佢上去接呀麻落去
之後我次次都會拖住呀麻
呢個係指定動作~3~
我今次拖住佢果陣~
覺得呀麻老左好多~
D肌肉鬆弛晒~完全冇晒彈性
比三個月前見佢果陣老左好多
唔知點解有D心痛既感覺

然後上到去飲茶既時候
我同呀麻打對面坐
仔細望清楚D~
見到呀麻塊面好乾燥~紅晒仲甩皮
而且望到好多皺紋
帶出一絲絲愴老的感覺
真係不得不令人心痛

之後~我終於知道呀麻最鍾意食乜
佢最鍾意食乾燒伊麵~
如果下次有機會既話我一定會請佢食^^

每次叫晒野食既時候
我都會計下幾多錢
由於老豆成日話我計錯數
所以我更加要證明比佢睇我計數唔差
之後我計~計左30秒之後就話$129.5
食完之後~張單黎左
果然~不出我所料~哈哈
又再一次證明我並不蠢
計岩左~1毫子都冇差~

之後聽呀麻講野~
唔知果D係咩話~
我小小聽得明小小聽唔明
佢問我八成既野我都答到佢~
佢話我高過呀媽~都差唔多有老豆咁高~
聽到之後勁開心~
然後聽下聽下
聽到呀麻話咩賭馬仔~
唔知乜鬼野嬴左~
嬴左2000蚊
然後老豆話比我聽
呀麻唔識字都賭到馬~"~
仲好多時都嬴到
o晒嘴= ="
真係佩服佢

之後就走左~
去左呀麻屋企坐左陣
講左好多野
坐左15分鍾左右~
老豆又話走
然後呀麻強硬塞左三封利是比老豆
老豆緊係唔會收啦
之後就推黎推去
推到唔停
然後我就聽到老豆好似鬧呀麻既聲音
好大聲~嚇死我
自己呀媽都鬧~有D過份
不過都好過佢個細路~
番黎問我呀麻囉錢用
唔比就打佢
打都佢比為止
呢D咁既人正人渣!
五兄弟都差唔多係咁衰格
唔係話我冇大冇細- -
我只係以事論事我真係替呀麻陰公=[
過左一陣~最後老豆都囉走左100蚊同一袋提子
呀麻先肯收手= =
我走果陣回望一下
望住呀麻既背影
真係有點兒悽慘同唏噓
佢上個月八十大壽都冇人同佢慶祝
真係無良心!←唔好話我冇大冇細- -

之後我同左呀媽去行商場~
然後佢就比左袋提子我要我囉
真係比佢激死!
自己就去行街
哼!
行左一陣呀麻果邊果個商場之後~
就去左一直原來同呀麻果度一街之隔
但係黎左咁多年都未比我"發掘"到既商場
叫做啟豐商場
入去果條路都幾繁複
但係真係不往此行
搵到好多好正既野
入左去一間鋪頭度
搵到好多我鍾意既野
竟然比我見到全香港第一次見到既Monchhichi NDS筆
仲有好多其他既公仔添嫁
好多款都係25蚊~
之後我見佢25蚊~唔算太貴
下個禮拜食飯慳d就得
就買左
然後再入去果陣仲見到好多正野
好多我最鍾意既史迪仔
結果最後買左95蚊- -
要慳好耐先有呢!!
不過真係好值得~
買到好多第二度買唔到既野
下次擺張相比大家睇~

行完啟豐之後過左去隔離海趣坊
初初唔知點樣行上去
後來搵下搵下都搵到
上左去之後~
發覺全部都係大集團大公司~
肯定一間精品店都冇
點知行到去最尾果度有一間~
又有D好吸引我既野~
又去史迪仔
我最後又買左一條史迪仔電話繩
真係好令嫁=]

我下次有機會真係要再黎過^^

聽日去旺角~
我諗聽日應該係我考試之前最後一次行街~
之後就專心溫豬>33<

五月十六日【星期五】
換左隻深D既紫色~
我覺得好似順眼少少- -

今日好開心~
一朝早就比Mrs Wong話我^^
佢話我敬禮果陣望住窗外既風景,我係唔係係窗外面先
我真係好開心
終於佢都肯話我
然後今日佢話完我之後
我好開心咁搶住答晒D問題
我平日識都唔會答
佢問到我叫我起身我都唔會答
但係今日我就狂答
仲要岩晒~
好大滿足感=]

小息果陣
無啦啦唔知邊個打波
打左落個坑渠到
然後一囉起就見到條四腳爬爬
嚇到我死
我最驚四腳爬爬
點知 我FD話比我聽
佢已經曬乾左- -
恐怖到爆炸!!!!!

小完息之後兩堂Science堂
超正
做實驗就係玩吹乒乓波~"~
玩到我地忘晒型
成個大細路咁^^

lunch time 之後就係Mr Maclean堂
上佢堂真係好開心~
因為佢好錫我~

放左學之後都係打波~
今日諗住星期五
玩得放鬆D
點知今日個操場勁多人用
幾乎一片空地都冇
到左晏少少
終於少D人
我又開上手
唔知點解今日突然間大力左勁多
一開波好似燒砲杖咁
砰一聲
我諗3樓都聽到囉
宜家最勁果次開上手有二十米咁遠~高過一樓,就黎二樓
下手又高過教統局~
真係..T_T唔知點形容果種心情
其實我特登開上手有兩個原因
1.真係太大力,有咁既需要行到咁後(即使行後左,都仲係過晒)
2.可以見到某人係一樓同人傾緊野=]

我今日打左個波過去既時候..
某人好好咁特登幫我執波
之後仲笑容滿面咁比個波我
我都好有禮貌同微笑咁同佢講唔該
突然之間諗起佢琴日對我說既一句短語
佢突然間同我講:暴走,我愛你←我愛你三個字用普通話講既- -
之後我話:你唔好講笑啦= =
然後佢又同我講多次同一番說話
我都唔知點做好~"~
不過呢個係今多個向我示過愛既最正常既一個
而且我都覺得佢幾好人
如果佢講多一次既話
我或者真係會認真考慮一下嫁^^

距離大考仲有兩個cycle
FD們,努力吧^^
精英班房在等你們=]