三月二十日【星期四】
今早清晨兩點無啦啦嚇醒左
勁大風吹到個窗砰一醒嚇醒左
搞到成晚無覺好訓
又熱又嘈
搞到今朝成個人都軟奶奶~

今日又要補數，最後一堂
又要大清早番去，真攰力~
不過為左今次考試
上刀山落油獲都要做﹗
不過次次D補習班我都未試過遲到缺席ga~
我好乖ga=]

補完之後就玩左陣，然後就入左canteen溫中文
中文就係我既最後一科溫既野..
終於都溫晒啦﹗不過我會再番睇
務求得到最佳既成績
不過唔知點解我開始感覺到壓力既存在
我怕我會比"壓力"呢樣野累事..
我都唔知點解次次都敵唔過"壓力"呢樣野既..
不過我一定會克服到ga﹗﹗﹗﹗﹗﹗﹗﹗﹗﹗﹗﹗﹗﹗﹗﹗﹗﹗﹗﹗
我會為左某樣野而努力﹗
我要成功啊﹗

溫左一個鍾之後就出左去打波
今日射key手風勁唔順
局局都輸晒
真氣人

今日踢籃球果陣踢得咁令
向上踢到好高
然後諗住再補多腳
點知.....
比個波向前拗左一下
痛到我死死下
坐左係地下五分鍾先起身
之後仲無啦啦比啊雞兜野掟個波過黎
比佢激死
又唔知自己大力
想掟瘸我咩~"~
真係好討厭痛既感覺﹗

最後祝各位復活節快樂^_^
食多D復活蛋肥多幾磅啊﹗

仲有我琴日加左相
去我既相簿睇睇啦=]

三月十九日【星期三】
今日番去學校補課..
一早番到去發覺一個人都冇
勁恐怖
都係第一次見到學校咁靜
果陣真係有點不知所措
然後我就打波
打打下見到個人
我果班既
然後佢行過黎
都唔知比D咩反應佢好
於是我就無理都佢
繼續打波..
之後好快就到10:15
上去上堂
點知補課既人得五個..
真係創晒人數新低
有二十幾個人一班
竟然得果五個人
我諗果D人真係太有錢
連果50蚊都唔自在
不過我去上堂唔係為左果五十蚊
我係為左補好D數
等我今次數學考好D

之後Miss叫我地出去做數
我就好主動咁出去做左一題
有abcd←其實即係4題
之後仲有兩題無人做
我就話女仔做左男仔都要做﹗
要有紳士風度ga﹗
但係得一個男仔-.-
Miss只係要佢做一題
但係仲有一題無人做
D女仔叫我做埋佢~"~
之後我又做埋
竟然岩晒喎~
真係好開心
第一次8題都冇錯﹗
就黎開心到跳舞..

補完之後又落番去打波
竟然都仲係一個人都冇
但係我要等啊媽放工去搵佢食野..
咁我無奈地都係要打波..
自後終於見到有人黎打波啦
有人陪我打波
好開心
估唔到同佢鬥射波可以不相伯仲
對住佢射波入左好多球三分
仲要差唔多球球穿針~
真係好玩﹗
之後同佢射key
佢話今日射波好屎
唔同我射key
之後我特登球球air~
等佢同我射
不過佢知道我玩野~
終於我既誠意最後都打舫到佢同我射key
真係開心
然後同佢射key既時候真係好快就完game
但係射到最後兩格果陣特登air~
我估佢應該知道我玩野
其實認真黎講我同佢應該會打和
因為我地果陣射到同格ga
好喜歡今日同佢射波果種感覺
希望下次有機會同佢再射過^_^

三月十八日【星期二】
今日一早番去練唱歌
話4月3要表演
要我地今日番去練習
所以今朝早連補習班都無上
因為老師話會順延到10:15分上
點知今日連補習班都唔駛上
個Miss病左
唔駛上真係好
但係要聽日番去補上
唉  我寧願今日上好過
聽日又要番去
難道連喘息既時間都唔比我？

之後我叫我班fd番學校玩
點知個死人校工話佢地無著校服 唔比佢地入去
但係佢地比晒學生證，手冊比佢睇佢都話唔得
過左十五分鍾左右，有個人入學校(佢都係著便服)
但係佢唔攔截佢(擺明蝦Form.1仔)
之後佢先講
話要佢地著住件體育衫先比佢地入黎
之後佢仲鎖左道門
唔比我入番去
但係我有著PE衫啵
然後我叫佢開番道門佢扮聽唔到
勁衰囉
後來擾攘左一輪
花姐幫我地借到5件PE衫黎
然後佢地就入到學校玩
之後佢就向溫sir報串
話我地班人玩野
如果今日溫sir行過黎話我地我一定會話比溫sir聽係佢玩野先
竟然我地學校有D咁既校工
真係可立既恥辱﹗

入左黎之後我地打左陣排球
之後就玩左D好無聊既野
就係玩樹葉
我地狂開排球等佢D樹葉落
之後掃埋左一堆(超多樹葉)
然後掃埋左一個心
有影左好多相ga~
不過要後補
因為宜家唔得閒搞
聽日再上blog就會見到ga啦
而且我仲會放埋係相簿到
D相真係好精彩
有我同埋我FD
個心真係好靚
不過好快就比校工掃左lu~
真可惜..

食完野之後仲上左Theresa屋企玩
上左一堂家政堂同電腦堂
我地整左個香嘖嘖既蛋糕
用五分鍾就搞掂
好好味ga
我都有影相
都係後補= ="
然後我地玩話事啤
不過我成日輸
成日比人罰
我運氣唔好..

之後搭lift走
勁恐怖
我驚到拉埋施蓉妮入lift
我怕困lift
因為成日發埋D惡夢
仲要次次都係lift
好恐怖...................

三月十七日【星期一】
我個blog完全唔歡迎D咁既無聊人瀏覽
仲有我個blog嚴禁粗口
唔該唔係打粗口
如有再犯，封鎖IP
係咁多
不過我唔會封鎖留言
我要比人睇下邊個咁無品。

今日一整天在家
我不知道為何不上下街
於是我便溫了一陣書
打了一陣機
我覺得這個假期是我放得最不休閒的一個假期
之前的我是每天都在打機
甚至考試那幾天也在玩
沒有翻開書本看過
得不到理想的成績是理所當然的。
但是我開始覺得這樣努力溫書有點悶
不過我要證明比人睇我言出必行
同埋話比講粗口果個人聽唔好胡亂睇少人
無聽過讀書時讀書，遊戲時遊戲咩
成日打波唔一定化表我無溫書
只係你睇唔到姐
唔知唔好含血嘖人
我最討厭這些人

我亦認為人與人之間不應作比較
正所謂人比人，比死人
我認為盡了自己本份即可
不必理會別人的看法。
這樣無窮無盡既比較
只會給自己帶來無窮無盡既煩惱
這樣做值得嗎
但是我對這個留言的看法是這樣
每人的價值觀也不同
我不能控制你與我的看法一樣

以上就是我最想說的話
希望某人看過後會明白。

三月十六日【星期日】
「今天我決定了不要再窩囊下去`』
我要做一個被人敬仰同尊重既人﹒
‘我還下決心離開2E這班怠惰，可怕的人′
｝跟著他們一起學習是沒有出頭的一天、
“同時我要證明比某人看我言出必行”
 –我一定會考到全級50名給你看！
〞我要你為我而驕傲。

︿今天我吃過早餐後便開始溫習~
╭但我不知道為何一坐下便站不起來.╴.
>好像有魔力似的<
由早上十一時坐到黃昏六時才懂得站起來
而且我還沒有吃午飯’
我終於明白什么叫廢寢忘餐”
我要好好讀書
出人投地~
大家都要好好努力ar
大個左要做一個成功既人士啊-3-