一月十六日【星期五】

琴日一早就起身去m記食早餐
食到7:25分落去搭車
7:31分上車
本來諗住一定好早去到
點知...塞車
搞到8點01分先落到車
果陣諗住實遲到
好彩....8:06分跑到上去
大把人仲慢慢行緊
差d嚇死我- -

入到游泳池之後我就揀左頭位坐
睇比賽^^睇hey man點贏
之後我見到hey man
佢同傻b陪左我坐一陣
我緊係叫佢囉六金比我啦
佢話一定唔得 之後問佢C grade全場總冠軍呢
佢話應該得
可惜最後同奧巴馬一齊囉C grade全場總冠軍
哈哈哈~~~~~

我地班都有人去游水
睇住佢游水果陣覺得好搞笑
無諗過佢游得咁快
我已經覺得佢好叻了@@
46秒50米~

坐到唔耐煩果陣就到lunch~
四圍行~搵野食
呀鍾係街頭見到街尾果間m記
個m記牌食到蚊咁都睇到@@
之後就行左過去
然後見到吉野家
我地都好想食
可惜太多人了
之後見到有間大家樂
好彩行得快
唔係無晒枱就唔知食咩好了
我地4個人叫左三個餐
我就去排隊囉晒3個餐番去.
竟然見到.....

食完之後準備走果陣
有個職員問我地部電話係唔係我地留低
我地幾個見到同Theresa果部一樣當然覺得係佢= =
點知...唔係= =
後來Theresa落到去話- -早知話係佢-.-
咁就正囉~部野成4千蚊
我就話部野咁貴 唔見左果個好慘 呢D野唔應該貪

之後我地就番去
我悶到溫西史
後來prefect叫我收埋= =
果到真係好熱 熱到我淨係著住件社衫都覺得熱
後來我就咁坐係到 心靜自然涼@@
坐到好悶...好想快d放水運去九龍城踩單車

本來又話4:00放學
點知搞到成4:45
司徒話佢6點要番去
所以放左之後搭的士去
去到7仔果個我話想買野飲
但係呀鍾好快咁截左架的士
之後呀鍾見我地唔上車緊係跟住我地行去7仔
之後個的士司機係咁怒啤住我地 直到見唔到我地先無啤-.-

買完野飲之後..
諗住好易截到的士
點知..30-40架的士行過都有人
無人果d都比前面果兩個人截左= =
等左好耐先截到架的士
所以有錢都唔一定有的士搭嫁=_=
原來宜家搭的士好貴..
尖沙咀去九龍城54蚊
除番4個人都冇左13.5@@
仲有租單車錢15蚊=[
好貴呀=[
不過個老闆好人
原來應該得一個鍾踩
不過佢話可以踩到佢收舖
但係果陣有三件外套
老闆話可以放係佢間舖@@
果陣我都淨係著住件社衫
租左單車果陣緊係第一時間去玩啦
點知...第一下落斜就出事
部單車減唔到速加剎唔到制...
結果只係等撞.......我已經盡一切可行既辦法去減速..
唔係撞得仲甘- -
宜家隻手成忽擦損左 好鬼痛
我諗緊如果果陣著住見風褸既話..會唔會件風褸穿左個窿@@
要呀媽比錢再買過件 不如整損好過...
一件風褸好似90蚊....
之後我開始有d驚..唔想踩單車= =
但係過左一陣又可以單手踩單車
落斜果陣又可以企起身
d風迎面吹過黎 果種感覺好舒服...

踩完之後去左KCP搵野食
竟然搵搵下去左食KFC
我好耐無食過KFC 突然覺得KFC好好食

食完KFC之後就番屋企
等車等到變化石
番到屋企之後好攰..
宜家覺得隻手唔只痛..仲覺得好痺...

一月九日【星期五】

咁快就番左學一個禮拜..
今日終於都到學校旅行
初初好期待..不過諗諗下覺得有D無聊
初初諗住靜坐四個鍾算
But..有樣叫班會活動既野@_@

初初去到果陣覺得好大風 士多全部都未開..
去到諗住坐 聽歌..
點知d fd叫我陪佢堆沙~
我咪堆囉~佢地堆左我個沙灘波-_-v
囧左
之後中途加入鬥堆沙堆得高
遲入唔代表輸^^pauline竟然仲堆得慢過我
後來有槍手幫拖都輸@_@
接受大懲罰~就係比我地潑沙xD

後來我地用既沙灘波玩數字球
5班既女仔都有齊=]
大家一齊玩 玩得好開心XD
我次次都唔會係做輸果個
有次特登企係到比人掟
然後整蠱我D FD 勁爽
玩左半個鍾之後就散Band了
大家都食野=]

我只係帶左d三文治去食
然後去買支野飲~果度d野唔貴喎@@
平過7仔-.-
mandy見到之後就問我幾錢
然後佢話唔夠錢我就請佢飲=]
順便幫埋幾個fd買野飲
就係果陣..無啦啦唔知做咩失平衡
仆低左 仲擦到牆
痛到我叫救命 仲好難就起番身=_=
好彩mandy扶我一把

食完之後又出去玩lu
囉左某某既維他奶樽出去入滿晒d沙
然後埋左個維他奶樽佢@@
然後無啦啦行番去果陣比mandy嚇親又跌低-.-

之後到左1點半
就係班會活動既時候
我地玩左三個遊戲
一個名唔知= =一個係開口中
就一個game係手拖手
之後兩個人斬開d手
被斬開果兩個就要同斬佢果兩個相反方向跑鬥快入番個位
入唔番果個就要斬人入位直到入到為止比人斬開左然後唔夠人快-.-
我就斬開左3e40號果位同主席
點知比佢撞低左 恐怖@_@
之後唔鋸 斬多佢一次不過係斬開佢同另一個女仔
點知都唔夠佢地快 我一個快過佢地但我fd唔夠快-.-
最後都係斬開兩個女仔好d-.-
唉..我真失敗喔`!

然後我地就玩第二個遊戲~~
就係我地傳個氣球
之後miss叫停果陣囉住氣球果個要唱歌
梁博文輸左=] 佢唱左s0 far s0 gd= =
難聽到嘔-_-v
玩左三round 之後玩開口中
幾次都係男仔估中= =
得一次係女仔中=]

玩完之後就回程lu@@
玩完之後有少少唔捨得@@
 

十二月二十二日【星期一】

琴日過冬~一個很炎熱的冬至
呀媽話過冬唔凍過年會凍
睇下佢講得岩唔岩先=]捉蟲=]

終於都好辛苦咁捱過左考試
今年既心情無比的輕鬆
好似無任何壓力咁
但係辛苦捱過左考試之後我又唔想放假
因為假期實左太長太悶
宜家應該打算一下假期做D咩去充實時間了=]
期待同Theresa去海洋公園的日子=]

十二月七日【星期日】

好耐冇打blog啦~
就黎考試啦~
出左去探我呀媽個呀媽
買左好多野上去
囉到我手都軟
上到去坐左一陣
叫左去耐先肯落去飲茶~很難得了
佢見到我去探佢都好開心
因為次次都唔得閒
落去飲茶果陣 好多人
行到去搭枱 果兩個人狂啤住我地
好似唔想我地坐落去
然後我地坐左落去即刻打包晒d野走
咁算咩意思先 睇佢個樣好似想鬧我地.
食完果陣陪我呀媽個呀媽去廁所我拖住佢
佢好開心 我都好開心
佢隻手好warm~
我仲講話聖誕節會再去探佢=] 

考試前做既野就係玩籃球機減壓~
去左冒險樂園
初頭冇認真打 得4百幾分
之後有人挑戰我
我認真左少少
有524分~贏佢成八十分
然後臨走前又有人挑戰我
果個同我差唔多勁
我又再認真多少少
結果562分
用八個波打係唔同d~
果然可以贏30分
爽~
次次考試前必做既野

玩完之後同呀媽去左買腊腸
榮華d腊腸好似唔駛錢咁
條人龍竟然長到排左成條街
平果40蚊d人就多到咁..真係恐怖..
排左半個鍾先買到果幾條腊腸
不過買唔到腊腸番去一定比人鬧
因為我係話同呀媽出去買腊腸先有得出街..
唔係我全部星期六日都冇街出...=[

十一月十九日【星期三】

lunch果陣社籃~綠社對黃社
唔駛問今年綠社贏硬
我睇波果陣發覺d球證真係好差
明明走步先過打手佢吹人打手 比兩球罰球
講真我好清楚睇到佢走步囉~
真係~走四步又唔吹
我都睇到好無奈~

今日原本放學後要西史quiz嫁
不過後來八爪話要開staff meeting
順延至聽日xd
多一日時間準備~不錯

今日打排球果陣
開波~點知咩砲~
但係彈地係籃球框前面
之後點上去穿針入左
真係o咀0,0
巧合既野真係太難估計

前面日上PE堂好好玩
打羽毛球~勁大風
同Pauline打~
次次d波都比d風吹咩晒
m!ss man講緊野果陣一滴風都冇
到佢講完開始打就有風-_-v
唔同連個天都唔鍾意我?
羽毛球真係好玩
大風吹吹到四圍救波
救波救到仆左落地6次xd
膝頭哥好痛 仆低原來係因為唔夠力支撐~企唔隱
唔係特登~請注意!
打打下有個好似足球又好似手球既野飛過黎
我好奇一野踢過去
個拋物線靚到..一個好靚既弧形
力度岩岩好 凹過晒d男仔然後係橫楣凹入去
真係好爽~

社籃本來好期待嫁~
因為6個人一定有正選
點知mandy狗到搶我位黎打
仲打埋我平日打開個位
咁即係明搶姐
又唔係勁學咩同人搶
個個都話我無野心-.-唔夠賤格
我不嬲唔中意做d咁既野
臨完場前社長話換我入去打佢死到唔肯出黎
我果陣同社長講話:如果呢場我無場出既話以後唔駛叫我黎打社籃
好彩最後嘉君讓比我打~多謝你呀!
果陣一出去我就搶波
比我搶到跑左去射 不過切西瓜
之後再搶番~射三分 差少少入
我果陣聽到有人話我好識爭取機會
上到課室之後喊埋出黎
因為我唔甘心我唔係出正選果個
好多人都一定認同我勁過mandy
今次咁多人撐我~多謝晒你地
聽到今次爆呔都撐我 真係開心番d
總之..下次我冇得出場你都唔會有得出
我知carmen係到既話一定會搵我出~!

放學之後社足~
社足之後同班F.1仔打左一陣排球
我1個打佢地5個~
都未比佢地玩死仲竟然比我玩死左佢地-.-
救波真係好開心~打排球又仆低左6次
救到波果種滿足感真係好..

全日總共仆低左13次
有一次係比F.2個死肥仔推跌!
我記住你~!