十月二十四日【星期五】

宜家日日都比人蝦
日日都比人爆LOCKER
所以我書包入面放左11個鎖
日日換一個!
睇佢點爆!

嗚!
今日小測
我琴晚有溫兩個鍾嫁
八爪話考第4-8頁
我琴日主力溫4-6頁
第7第8頁無乜點溫
可惜..佢出第7第8頁
就係咁 我得7分
15分滿分 12分合格
我果陣真係好想喊
我又嬲又唔開心
點解我咁蠢 點解我考得咁差
其實老實講一句
我真係超憎西史
我下次一定要做最高分果個!

聽日又打學界啦
聽日果場好重要
如果我地贏唔到既話就出唔到線嫁啦!
所以一定要加油努力

十月十八日【星期六】

今朝十點半又係學界比賽
對培道
今日有五個真正既A grade同我地三個揀上去既A grade
熱身果陣射波同走籃
射左三球三分兩球穿針 走籃一球入一球

初初覺得培道唔勁
打完第一節之後果然如我所料\
果陣我地贏緊11:2

之後果節我出左一陣
但係一射三分就air
我feel到好似有人打到我
不過好彩都偷到一球波
唔係我就好似個廢人咁企係個場上面|

但係果節我地入得一球
人地開始發力

到第三節尾果陣呀sir開始嬲嬲地咁
因為就快追到
呀sir見到人地打手 球證無吹罰球 同球證講
球證唔理佢
第二次都係咁
呀sir大聲咁講 球證一樣唔理佢
我見到呀sir好火
呀sir不停咁咳
果陣我有d驚.

第四節果陣愈追愈勁
人地追到黎 差5分
果陣呀sir愈黎愈急
愈黎愈火
我都係第一次見呀sir咁惡..
我比佢嚇呆左-.-

好彩最後都贏到
唔知贏21:13定15

然後我地聽呀SIR講左一輪野
中間有兩隻字~就係隻揪
呢個詞語就係我星期四果日講過既
隻揪既意思即係籃球10N1 唔係打架
果陣個個都誤會晒我..
呀SIR特登講我聽既!
擺明玩我!
聽完之後我地就走啦
呀SIR就一支箭咁沖左去
我同某人跟蹤佢~
追到佢好貼
然後佢突然間轉身見到我地兩個
然後我地勁快速咁入閘
差少少快過佢搭電梯
之後呀SIR竟然搵登坐-.-
我地就話佢咁大個人都要坐
笑死我地
之後呀SIR問我係唔係嬲左佢
呀SIR竟然驚我嬲左佢~_~
佢係咁問我呢個問題
我唔知點解佢會覺得我嬲左佢-.-
然後我話~係呀
之後呀SIR又話
咁你唔係同我坐啦
就搵左某人隔住
然後佢又同我講左好多野~

之後架車到啦
好多人
我之前講占話好想睇下呀SIR搭地鐵會唔會撞頭
原來係會嫁 哈哈
真係覺得好搞笑~
我下次要逼呀SIR入女廁呀!

十月十六日【星期四】

今年生日都算難忘..

今日有三十幾個人同我講生日快樂
收到三份生日禮物
仲有一個蛋糕添=]

今朝早會收到勁大份生日禮物
就係bio林送既留堂紙一張
我估唔到上年成年都冇留過堂竟然一留就係生日果日-_-v
我記得我F.1果年又係生日果日留堂
唉..~我淨係聽過佢話要做correction 但係無聽過佢話要做第3同第4題
結果我就係留堂班同我fd埋頭苦幹
雖然上堂無聽書 但係都識做
我都係第一次咁用心做功課
我可以好肯定咁講一句一定會岩晒!

今日收到kate送比我既史迪仔真係勁勁勁開心 份禮物要接到先有嫁
kate係一樓掟份禮物落黎比我=]
之後我就攬住佢上堂 呀sir都冇鬧我~
我真係開心到打波都好似食左興奮劑咁

仲收到一本書
雖然我唔係幾鍾意睇書
但係始終都係人地既心意
我一定會係晨讀堂睇左佢~

最後仲收到譚sir送比我既一支珍寶珠~
佢親手囉落黎比我嫁
仲同我講生日快樂^^
真係好開心呀!

留完堂之後去練波~
練左一陣就出事了
嘈交了~
有人話比呀sir聽
之後我就行左去
因為我唔想比人見到我喊
呀sir係咁叫住我都唔彩佢~
行左入女廁 我睇佢點入黎^^
佢當然唔會行入黎啦 哈哈
之後就搵左CA妹黎同我講
我好似拐扮到唔彩佢咁 其實我有聽佢講野嫁
其實我真係覺得女籃D勁人個個都獨食
S0~我就照直講
最後我係女更面壁聽CA妹講野講左半個鍾
之後佢地成班入晒黎
連呀SIR都係門口
呀sir死都唔肯入黎
佢話~我係男子漢 一定唔會入黎
之後佢地成班一齊唱生日唱比我聽
我感動到喊左出黎
之後佢地仲話夾錢買個蛋糕請我食
然後佢地話要抬我出女更
佢地抬左我出去 我勁驚佢地會放手跌我落地下
之後佢地仲話想拋起我
我緊係驚到走啦
但係比佢地捉番番去
之後見到溫SIR同校長佢地開完會
佢地話比溫SIR聽我今日生日
然後溫SIR都同我講左句生日快樂
哈哈~
最後佢地都無拋到 唔係我諗我可能瓜左

然後佢地去左買蛋糕
之後去左b佬到 有成十幾個人
b佬仲話請我飲野
真係勁好人=]

但係食食下蛋糕發覺個銀包唔見左
我諗應該留左係1b課室..
唉~

唔想面對明天......

十月十五日【星期三】

電腦壞左 好耐冇打blog了
我估都估唔到可以係生日前買到部新電腦
我宜家好開心^^
部電腦係我最好既生日禮物
聽日就生日了
我有好多好多生日願望
但係冇一年實現到
尤其今年發生得太多事
生日願望特別多
生日願望聽日公佈..

其實..上星期五晚發生左d事
我冇同人講 都冇人知
我星期六扮到若無其事地去打比賽
估唔到仲有好既表現
入到一球三分一球兩分
贏左潔心40:27
呀sir都話我射波準=]
我真係好開心
但係只係開心左一陣
因為星期五果晚發生既事都算嚴重
fd們問我都無講咩事
總之..我唔想比人知

今日很忙 唔打其他野了.

琴日放假 好開心xDD
約左Theresa阿鍾同Jennifer去睇戲
Jennifer話套戲兩點先有得睇
其實之前我都未知咩戲 淨係話張敬軒配音
我都係諗住陪佢地睇戲炸
既然兩點先有得睇
所以叫佢地早少少出黎玩冒險樂園,打籃球機
約左佢地12點
之後呀鍾打黎 話要遲少少 12:20
最後都12點半先到-_-v
不過係意料中事

佢地黎到之後我地玩籃球機
20n2 連線
玩左兩場
我同呀鍾都唔錯
有307分
Jennifer同Theresa少我地一半,,
算0k了
第三節最後廿秒比我射晒
因為要過關問題..
真刺激
之後我自己單獨寫左一場
佢地話我成個摩打咁快
呢d當然要努力先有成果...
不過我記得我第一次玩籃球機已經有300幾分..
宜家次次過400
要玩好耐先得
我玩完第一關之後先知佢地囉電話拍我片._.
不過我無咩所謂..
之後就玩氣墊球...
係四個人玩果d 要8個金幣
玩到勁興奮 勁刺激
可以同一時間有三個氣墊球飛黎飛去
睇到眼都花!不過好好玩
玩左好多好多局...
之後有一次有個玩電既野
3000就贏 中途放手就會停
第一次我地四個一齊握住
但係唔知點解去到256就停左....
之後再玩多次
猜贏果個有得玩
之後我贏左
我就玩啦
初初無咩事 好好玩
去到1500果陣已經有d頂唔順
之後去到2000震得好緊要
震到我痺晒
但係我死都要玩贏佢!
之後去到3000一停果下有種好怪既感覺...唔知係咩
佢地放隻手係我隻手上面都話好震
我就快比舊野震傻

到左1:40分果陣
我地去M記買野食
囉入戲院食
不過我地將買完既野食放晒入自己個袋入面
因為..戲院唔比帶外來野食,..
之後 不來套戲名叫風雲決 我終於知道了
好彩係卡通片 如果係周星星果D我神早訓著左
套戲真係好好睇XD


講番今日~
唉.....我唔想番學啦=[
今日小息比人掟粉刷 之後我掟番佢
然後佢行過黎推我落地..
不過我無喊 都無嬲
我就當補償一年前既錯吧....
應該係我久佢既..
不過比老師睇到
仲要睇到佢推我落地果下
不過只係話左佢幾句
唔知做咩問問下 佢問我有冇嬲佢..我話無
果陣我睇個某人個眼神有D奇怪
然後Miss都係叫佢講番聲對唔住
我聽佢講完之後好似好想笑咁.
當然我無笑啦...
然後佢仲賤到用鎖鎖住我書包等我開唔到
不過 佢太蠢了
只要我撬開到個拉鏈頭就開到書包
佢都吹我唔脹既....

放左學之後要聽埋果d揀科既野
搞到4:30先放得
本來講好左話3:25分入到禮堂
3A果班友搞到成3:40先到
3A大晒嫁咩!?~
要我地咁多人等佢開始
最賤既係到走果陣佢地係第一班走
我地勁唔鋸囉
最遲黎最早走
這是什麼道理!?

囉左去之後見到男籃打Friendly~
坐左陣之後都係照打
(中間省略了一部分情節)
之後我出去執波
然後咁岩佢地班B Grade練緊跑
然後成個撞到我仆低左
之後佢仲鬧我
我雖然有錯 但係佢都唔係無錯
佢竟然鬧我 有病!?
搞到宜家損左一達野
然後宜家隻手比佢推我落地整到手肘一條骨瘀又腫...
有少少痛...
整定我呢排係黑仔..