七月二十五日【星期五】

聽日十二點約左小學同學慈雲山中心間M記等
好耐冇見啦
好掛住佢地@@
佢地話去唱K- -
但係我應承過呀媽十八歲之前唔會唱K
所以我會睇住佢地唱
我好有定力嫁
唔好睇少我=w=

下個禮拜開始好忙
無咁得閒
有咩事打電話比我
無事唔好搵我- -(講笑姐)
暑期作業仲係做得一本
得閒要快D做晒佢先>33<

七月二十二日【星期二】
琴日我去左咩加扑(mega box)同依覓士EMAX
我去左咩加扑搵多啦B夢
影左好多多啦B夢既相
真係好靚
其實我都幾鍾意多啦B夢嫁
我都有唔少多啦B夢既公仔^^
呀媽成日都話我似大雄
我唯一最唔似就係蠢~
我聰明過大雄一百倍=D"
鍾意多啦B夢果D可以PM我比D相你嫁~

搵完多啦B夢去左依覓士打保齡
打左四局
用左108蚊有份三文治送
唔錯~
下次唔好打四局咁多
打完隻手攰到媽都唔認得- -
宜家仲好痠痛
果到D地又跣到死
差D砰一聲仆左落地- -
好彩仲企得穩~"~

唔知幾時再出街玩lu~
有排~
T________T"

七月二十日【星期日】

峰峰老公生日快樂^^
你又大一歲啦=D
不過我衰D講句..
其實我對佢無Feel嫁- -
唉...............
我唔忍心同佢講呀~
我最唔識就係拒絕人
大家教下我點做,,
我真係.....唔忍心hurt佢
都係埋一齊半年啦~
無奶由係佢生日同佢講埋D咁既野
都係遲D再算啦~

七月十九日【星期六】

唉..Hey man就走
從施蓉妮MSN中得知佢去美國讀書讀到大學..
十年都見佢唔到lu
佢臨走前一定要同佢玩得盡興
約晒成班FD出黎玩
仲有就係要同佢影貼紙相...
不過我成世人都未同人影過貼紙相
所以..唔知有咩FEEL
佢臨走前我一定會送份禮物比佢留為記念>v<"

唉.......多既野唔想再講
我淨係記得佢上次話請番我去西九玩射籃球
不過我唔會要佢請既.....
下星期約佢出黎玩~

七月十八日【星期五】

今早去買紀念鈔
老豆話要陪我去
九點半鍾行落去
黃大仙好鬼多人
叫佢等下又唔等
死都話要上竹園
佢話咁熱去搭車
連搭咩車都唔知
我打電話問阿媽
佢話新光有車搭
同佢講佢又唔明
結果都係行上去
果條斜路好鬼斜
佢又行得好鬼快
我追佢都追唔到
佢又唔肯等埋我
之後佢話好辛苦
仲要向我發脾氣
我都無叫佢陪我
佢話驚我唔識行
我仲醒目過佢啦~

之後去到左中銀
又係好長既人龍
佢叫我自己去等
佢自己番屋企先
佢擺明係搵我笨
等半個鍾囉到籌
十二點半先買到
兩個鍾等得好苦
係果到有乜野做
就係周圍行下囉
終於等到12點半
排隊去買紀念鈔
等到我好鬼心急
急不及待開黎睇
睇落唔算幾靚姐

買完搭車番屋企
天時暑熱費事行
我老豆唔識搭車
過馬路就有架車
我第二次去都識
有乜理由佢唔識

番到屋企唔見佢
原來佢番左大陸
早知我唔幫佢買
搞到我冇到去街
原本想去咩加扑(Mega Box)
咁晏搞到去唔到
真係搞到好無隱
咩興致都冇鬼晒

星期一去咩加扑~
有意者請pm我~