五月二十五日【星期一】

鍾焯宇你係得既
竟然可以真真正正激嬲到我
你係得既
我真係甚少比人激到嬲我
好多時通常都係扮嬲 無人知我幾時嬲的
佢話我知 話有人玩野幫我報sing con
問極佢死都唔答我
最後又話幫我掉左張報名紙落垃圾桶
究竟邊句真邊個假呀 我真係好想知囉
然後傻b佢地係咁笑
我唔覺得好笑囉
淨係識幸災樂禍
呢d叫fd?
我無後悔過今日同你地講過既野
我都唔知我地仲有冇fd做

之後就到DT堂
非常忙碌
整左好多牌出黎
由於上一堂DT已經隔左好耐
我地調教左好耐先整到D名牌出黎
但係始終都甩唔晒
最後我地要啪開佢
之後Mandy啪一聲塊牌打中我個頭- -
果一剎那 好似觸電咁痛左一野
之後Mandy話 s0rRy丫,痛唔痛呀你 無事丫嘛
我唔知比咩反應佢--'
今日DT真好 整左勁多牌出黎 好開心^^

到左lunch Mandy話咁大雨無遮番屋企
之後我陪佢四圍搵人借遮 但係都冇
於是佢打番屋企叫左佢呀哥送飯佢食
等到1:10先見到佢呀哥
之後坐左陣上去
本來諗住訓覺 但係聽到好多嘭嘭聲
之後望下 成張報紙粒住我個頭
原來佢地掟野上風扇
坐係風扇低真係好危險
s0..搵左一個好安全個地方坐 Mandy都坐左去果度
見到個風扇搖搖欲墜 都唔知個風扇幾時會跌落黎--'

袁俊浩!我記住你今日句好誠懇既s0rRy!
你用唔知咩掟到我
但係你好快反應講左句s0rRy
我一定會好好記住你第二次講既s0rRy

之後數學堂
胃痛- -由於想減肥+草錢既關係 無食lunch
而且 因為早幾日都搵唔到肚餓既感覺
諗住今日都冇問題
佢都見到我個樣好似好痛苦既樣子
Mandy同陳芷君以為我整到手- -
其實我係胃痛呀!
上年整親手都冇痛得今日胃痛咁犀利
雖然上年都好痛下 不過兩個禮拜都無事
我淨係覺得呢排郁一郁隻手就聽到啪一聲有小小痛
不過基本上上年之後都係咁既樣

唉...呢排真係好多野煩 功課又多
究竟幾時先可以鬆一口氣解決晒我所有煩惱呀!!!!!!!!!!!!!!!
 

五月二十四日【星期日】

一早約左貞貞去牛池灣圖書館print中史報告出黎~
哇..大雨到丫!
擔住把遮都可以成身濕晒
係屋企行到落樓下m記
本來諗住食野 但係想減肥所以無食
之後見到我對心愛我converse濕晒!心痛!
即刻囉紙巾抹番乾佢然後落去搭車
竟然..平日好耐先有一架既10號
一落去就搭到 真好彩
但另一個問題又黎啦
我約左貞貞11:45分係牛池灣圖書館等
but....我11:15就上到車
11:24分就到左=,= 真係準時到........
然後我打比貞貞 佢話:下 宜家先11:25分炸啵 咁早既你 我宜家即刻落黎啦咁(佢把聲好無奈=囧=川)
我上到圖書館做既又係抹鞋- -因為實左太濕了>v<
然後我邊睇老夫子 邊等貞貞
過左15分鍾左右見到個白衣人停下我前面
原來係貞貞黎= =我睇書實左睇得太入神
佢黎到果陣先11:45(本身約我既時間)
仲有15分鍾先有電腦用~上左6樓呆站15分鍾
終於12點啦..(嘆氣)
整左一陣 開晒d file之後話比佢聽print野
print晒之後佢比張紙比我叫我落五樓比錢\口/
原來比錢都可以做運動嫁=]

之後我地搭地鐵去牛頭角下村懷舊~
可能下個禮拜之後就消失
D炭燒雞蛋仔.....唔捨得佢
去到買八達通貼10蚊8張 平左勁多 
有人託我幫佢買 加加埋埋買左24張= = 貞貞買左16張 老闆送多左張 勁好人
買完之後去左淘大冒險樂園玩籃球機
大果部我427(低左100分)貞貞58-.- 原因係d波林到禁得扁
至於細果部 我595 貞貞118 有相^^貞貞你走唔甩啦 遲d得閒上傳番d相上黎比你xd
之後我地玩左好多野 保齡球 氣墊球
保齡球真係好易玩 是但掟都全中
竟然..最後果球失手 結果最後得127分 比起真正果d保齡球 呢d小兒科了
之後玩氣墊球 貞貞!我投降啦 次次我入完你果邊個窿之後我隻手指都要受罪- -
唔明點解次次我隻手無放係枱上面你都可以令氣墊球飛過黎打中我手指
我縮開果次你就入窿 難道你整蠱我麼?
仲有呀 你件褸好衰呀 你一趴底就阻住我入 明明我入到窿嫁!唔制呀!
好彩最後都6:4贏到你! 下次我要你除左件褸放好個氣墊球先同你玩 我d手指好慘+好痛..
最後都係玩番籃球機 但係竟然比我發現有兩個人企圖想破我595分個記錄
第一次破唔到 但第二次比佢到破左607分
我當然也不甘示弱!我要話比佢地聽我一個女仔都勁過你地兩個男仔
因為我唔抵得果三個人係後面嘲笑緊我地!
可惜可惜..第一局失手 得574
第2局..玩晒三關 都係得484 好大機會破唔到記錄>_<
我既潛意識爆發!籃球火出現了!
最後兩秒差一局就破記錄!可惜!我既心急壞了大事 竟然606分!
嬲到我!我好嬲自己點解會做唔到 明明做到既野
不過..表面上我既技術當然比佢地更勝一籌
佢地兩個人先607分 我一個人606分
佢地玩完一局好似攰到世界未日 我玩完兩局都仲安然無恙
我一定要練好我d技術去參加籃球機達人比賽
上年錯過左一次 我唔可以再錯過嫁啦
我想去見識下 睇下人地點解可以玩到700分...

玩完之後我地番左彩虹
去佢屋企樓下間小食店買野食
d野真係好好食 好耐冇去食過啦~
我地都係叫左餐蛋麵 11蚊
之後諗住去果邊d象棋枱到食
點知座無虛席 最後要坐樓梯- -
我地坐係果到食 仲傾左好耐計添~=]
講番以前小學d野~不過我好多野都記唔起啦

食完之後就各散東西~番屋企lu
我地協議左考完試之後再去玩=]
我下次一定要影貼紙相~影過一次咁多
有興趣同我影貼紙相既話歡迎留言比我xD"
去完街之後番屋企係變左個濕水雞- -"

五月二十日【星期三】

今日係520~上年既520係做左好多無聊野
不過今年都係=] 上年見到地下有水
寫左好多野
今年由寫野係地下變左上黑板
遲D上傳番D相上黎=]
520說我愛你;]

與其一早知道無好結果
不如趁早熄滅心那團火
至少不用承受無比苦楚
只要自己清楚明白便可
↑520既悲情詩~

５２０說我愛你
一生一世在一起
不容易成為知己
一生承諾守到尾
↑520的浪漫詩~

飛行棋大賽
琴日兩次第一 一次第二
今日第一第二第三各一次
我要加油!~

五月十七日【星期日】

The road is dark and narrow,
can't see my shadow.
My heart has broken by allow,
it make me painful.
I look like the crying candle,
let the fire swallow.
How I find the open window,
to take my smile.
↑抒發我心情

琴日上關於Econ既course
朝早8:45上到5:30~
有十幾廿間學校參加
要分組~會篇埋唔同學校既人一組~
完一個session中間5分鍾break咁少- -
琴日真係爽~見到英國保誠個CEO
仲同我地講佢兒時既野比我地聽
但係中間教既內容
大部份上次2月14同2月28Econ個course教過- -
得1Part未教過- -
真係悶死晒我地第3組我地4個可立既人- -
到lunch~有飯包埋~唔駛比錢^^
d野都幾好食~d豬扒夠晒豬 菜有菜味 飯有甜味~好食~
食完之後可以玩陣~落左去同我個course同班既人打籃球~
佢屈我高既- -比佢抄到10:0佢搵佢個fd同我打
最後比我反勝~佢淨係射三分 間唔中先產兩球波- -哈哈
1:40上番去lu~
之後個完個course CEO行入我地課室
同佢影左張相=]
之後去左禮堂閉幕禮
我囉左張獎狀比佢簽名=]
真開心^^

行到屋企樓下~
入lift果陣 比lift門夾到手- -
又唔知行咩衰運咁鬼黑仔
今年又比地鐵門課室門同lift門夾 真黑仔
夾到我勁痛囉- -
真係撞鬼

五月十三日【星期三】

Maths quiz得29分 雖然係咁多年黎quiz最高分果次
自問好努力去溫
但係點都唔係最高分果個
我真係好失敗
quiz緊果陣緊張到狂寫錯野
最後仲唔夠時間做.
同最高分差5分
26/5我一定要努力!TSA last chance
希望能夠實現願望!唔可以再比自己失敗落去

我麻煩你話我知發生咩事
我真係完全唔知
我咩都無做過
我真係好想知呢三日究竟我地之間發生咩事
如果真係我做錯既話我講句"對唔住"
我宜家心好亂aR!
唔該!