九月二十九日【星期一】

今朝黑氣又回來..
今朝開完locker又唔見左條locker鎖匙...
我知一定係比我果班執左
仲整亂晒我locker!
我決定聽日換鎖!

今病交回條果陣又唔見左張回條
結果又要抄多三次西史=[
一筆數清還完又到第二筆...
唉.又要埋頭苦幹了

上數學堂今係慘
我做我自己野~廢事聽佢講
我一見到條數好耐冇人答我又會答
又係咁..d人囉住部計數機都計唔到
我用心算都計完
講完答案又繼續做我既野
佢都玩我唔死 鬼叫我答到佢d問題!?

食lunch果陣先搞笑
我囉住個波狂拋
之後一次比kate差d搶左去
然後佢囉唔實個波
撞到d野 差d碌左出馬路
好彩岩岩係馬路邊執番
如果個波碌左出去既話我諗我會跑出去執番黎.....
果陣一定會比車車死
因為有車經過.....

食完lunch kate叫我陪佢上去囉番條跳舞褲
點知竟然比我見到架富豪雪糕車
我同kate即刻去買左杯食
真係太好味了!
好耐未食過雪糕
我食完雪糕會好開心
我通常都係唔開心先會食雪糕
但係今日食雪糕果陣係十分十分開心

買完雪糕之後kate話無帶鎖匙
然後我地就番左學校等課室開門
佢囉完之後陪左佢去囉條跳舞褲
佢屋企係六樓
仲要跑樓梯上去
真係好玩~
一開門見到佢老豆係到
好似好惡咁-.-
之後好快我地又跑番落去
唔知點解我覺得落樓梯仲難過上樓梯=_="

到左roll call時候派左本書
係我地d學生作既精品文章
之後我上數學係到睇
睇下睇下又答兩條問題
之後校工話要收番晒全部書
然後我地有個人囉地左去上堂
我初初唔知咩事
不過我睇下睇下都見到有篇文有個"妖"字
然後有人話後面IQ題有粗口字
果條題目係話 赤"臘"角機場既男廁有D咩←類似係咁問
答案係 乜能都有
勁粗俗喎-_-v
我唔明點解
不過問完我果班d男仔我就明了...
太嘔心了0_0

最後一堂係英文堂
陳s!r終於番來了
我始終都係好掛住我地個代課阿s!r=[
陳s!r話我地講一句中文要罰一蚊
一個學期完左之後d錢用黎買禮物比英文考試卷最高分果頭三名
我地d男仔肯定罰好多啦xD
今日都聽到佢地講好多句
不過今日未實行姐
我一定要囉走份禮物!!!

放學之後條木咀黎搵我
問我要唔要番部電話
佢又係叫我做CW
雖然D CW易到十分鍾內做晒
不過我唔會做
因為我堅持我無錯!
佢之後話交比溫s!r
我怕佢咩!!
睇下點囉

今日得知我真係要升A grade=[
唉..上A grade到企咩
有波接先算啦
點解最後要派我上去!
我又唔係勁
不過另外同我同一命運果位我諗無機會出場
因為..佢d球技真係..不予置評
我諗我上到去一定有得出場
因為本身A grade唔夠人
但係我可以出去企囉!~
仲有樣做比人睇
不過我相信我一定夠實力出去同人鬥!
我要進步 我要進步
我要做下年B grade既隊長!
睇住黎啦!!!!!