二月二十八日【星期四】
琴日我好忙..琴日練完波6點幾就要出去..
琴日原先我六點幾就要去到黃大仙地鐵站..
但係唔記得睇時間..
到我睇到時間果陣已經6點25分啦﹗
點算呢﹗
果陣我砰砰彭彭跑過去..好似全部野都透明咁-.-
之後我落到地鐵站..我再睇下個鍾..
下﹗﹗﹗竟然6:28分炸﹗唔係掛﹗
我有冇跑得咁快啊﹗果陣我啊爸啊媽都未到..咁我咁心急做乜-.-
早知唔跑咁快啦..又攰
我計過我琴日係學校11個鍾有5個鍾係玩緊球類活動-.-籃球同排球~"~
我都未試過一日玩咁耐ga>.<
琴日令我最開心既係..
我地2E班個普通話急口令比賽囊括晒兩個獎..包括最佳壁報設計獎同快而準大獎﹗
自己出過力真係好開心..我從來無諗過2E會囉到獎ga﹗
點知一囉就好事成雙..一囉就兩個﹗咁就證明我地2E唔係咁差姐﹗人地2A做到既野我地2E都一定可以做到﹗
亦再一次證明唔係樣樣野都2A叻晒..連一班平時好嘈好頑皮果一班都做得到ga﹗
仲有..我發覺我自己打排球愈黎愈勁..
好過之前好多倍..之前接波控制唔到力度..搞到D波唔知飛晒去邊樹~
我宜家開波仲勁﹗開到上天台咁高﹗而且落點仲好準..佢地宜家個個都接到=]
我接波都勁左﹗球球刁鑽既波我都可以接得到..仲要好準打番番去~就算仆落地都無所謂~哈哈
我剎波仲恐怖﹗﹗﹗稍一不慎..比我剎波中左你就唔知咩事..一定痛死你﹗
同我D fd打排球D反應一定好快..
佢地成日剎波﹗雖然我次次都擋到佢地D剎波..但係就唔知飛左去邊..
因為我特登玩野打得咁大力-.-佢地知我擋到就特登打多D過黎..佢地想等我有一次接唔到..咁就可以取笑我=.=不過都仲未失過手-.-
總之想同我打排球既人我無任歡迎﹗不過一定要小心我D剎波喎﹗哈哈