三月四日【星期二】
今天天氣真好~
但是我的心情一點也不好
今天早上我哭了
我發覺我果班D男仔愈黎愈過份﹗
琴日收埋左我個筆袋，琴日放學有人話比我知佢地收埋左係廢紙回收箱..
我囉番就走左..無睇過入面D野有冇事..
點知今朝早開筆袋..
D筆全部爛晒..我D無印筆全部斷晒..
我超心痛..
我最心痛唔係呢樣野﹗
最心痛就係我最心愛，最愛惜既筆散開六份，損傷超級嚴重﹗
果支筆有錢都買唔番﹗
我同佢既友誼點買番啊﹗佢係我幼稚園最好最好既朋友﹗
更何況佢一年前連人都死埋﹗
我果陣真係好想郁手打人﹗
但係我知道如果我郁左手就好大獲﹗
所以我無郁手﹗
我遲早會報仇嫁﹗我會暗地裹跣你一獲﹗等你永不超身﹗
以我既聰明智慧我玩唔到你咩﹗
但係咁樣就證明左我同我個FD既緣份止步﹗連遺物都無埋﹗
我對佢唔住﹗
係我無用﹗
我今日真係超級超級唔開心﹗
我宜家想緊方法補救﹗
我無論如何都要"痴"番好佢﹗
我唔理用乜方法﹗
我一日整唔好我一日唔訓教﹗

我今日放學打左好多波黎發洩我既不快﹗
打排球打到隻手爆到成張紙巾都係血我都無感覺
我仲無聊到見到地下有條樹枝囉黎劈﹗我宜家慘到刺都唔覺得痛﹗
我宜家跟本都好多野都麻木晒..
我跟本都唔知宜家有咩感受..
我只係好想搵野發洩
我宜家不停咁做野去忘記緊痛苦..
我真係好希望聽日乜都唔記得晒
咁就好啦﹗
我宜家不停咁做緊功課..
不停咁打機﹗
打晒我D不快走﹗
你唔好當我開緊玩笑
我以上既野係事實﹗

由呢件事之後，宜家令我有更大決心離開呢班人
我要考番頭100名去讀C班﹗
C班D人好好多倍，無咁過份﹗