四月二十一日【星期一】
我朝一早上中文堂又小測
唔知點解唔記得晒上星期四岩岩教過既野
搞到望住份野o晒咀
但係唔知點解突然間又開竅勁快咁寫晒D答案落去
雖然好快(對於我黎講)
但係其實做5條題目,當中有兩條係MC
竟然咁都要15分鍾
人地就做鬼晒係到訓覺
我真係一隻無用既蝸牛!

然後晏晝點名之前
番到課室
D人話囉左D釘釘左條毛蟲上Notice board到
我行埋去睇果陣佢地想推我落去
好彩我反應快~
先冇奶野
唔係我肯定會洗到甩晒皮都似!
我地班D男仔真係變態同無聊~

我都唔明白點解佢地要叫我菇菇
好聽咩!?我覺得好骨痺囉@_@
佢地仲問我我既楊過係邊
我真係懶理佢地!~_~

然後到左放學社籃
我本來都幾想打
不過因為兩個問題唔打
1.心理因素
2.個人質素
我覺得今朝一早真係呆到爆炸
幾次都差d比波掟中
好彩我同波無緣
避過左
唔係真係唔知比D咩反應好a_a
而且我仲發覺一樣野
今日唔知做乜射波好似連板邊都唔中
咁打黎做乜~
想累死紅社咩
雖然我真係勁憎紅社~前社長又話比我做正選
但係我唔忍心因為我而令佢地付出既努力無晒..

而且我下年諗住唔打籃球
因為文小燕呢個人~
令我無心機再打籃球
次次都要比佢串~
唔打好過打啦~_~
好灰.....!

唉....
聽日PE要游水啊
勁想跳樓
雖然我知上Miss張既游水堂好好玩
但係我仲有D恐懼@_@
不過果度D水淺到爆炸
要死都無可能死係個0.8米既游泳池..
而且今次係唯一一堂游水堂
Enjoy一下游水既樂趣先~
如果驚既話成世都無可能學識游水0.0
因為之前水運1.8米水深而差D遇溺既事
好淆!
但係我肯定如果1.4米肯定無事!
Anyway~聽日要玩得好開心!