五月七日【星期三】
今朝早真係好險
差十秒就遲到~
今朝成8:00先出到門口~
我老豆又係到嘈生晒
唔比我出門口
我話會遲到
佢話遲到咪遲到囉
但係之後佢又會鬧我
好彩今朝趕得切姐
唔係死緊

到左數學堂~我好期待既Maths Quiz
我諗住最少有三十五分
然後Miss Cheung話有一個49分
計埋有八個四字頭
我諗住我實有三字頭以上
點知得28分 仲要全班最低
果陣真係勁心酸!
我已經好想喊 不過忍住
話晒我上次UT數學假假地都全班最高分
點解宜家搞到咁既地步
搖身一變變左包尾
真諷刺!
之後比人偷睇我份卷~
仲串我~之後我都係忍唔住喊左出黎
仲一喊喊到收唔到聲
喊左一堂半

點解點解無人明白我既感受!
我發覺全世界既人都覺得我傻既
某程度上我覺得我性格真係古怪左D
但係都唔駛咁對我掛

我仲發覺識我好耐既人都唔明白我
小學朋友都不外如是
我只知道呢個世界得兩個人明白我
但係唔係我老豆呀媽
係一個我覺得佢好煩既人-Miss Man
我覺得佢好了解我
佢次次都知到我諗乜同講乜
另一個就係Mr Maclean
我覺得佢又錫我又了解我
佢知道我做乜~
唉....

之後放學打排球發洩
我重申表明一次
我打排球~並不代表我快樂
我笑~都並不出自內心!
我好想知究竟呢個世界上仲有冇人明我