今日一起身都係溫書喇....溫溫上都係集中唔到返左學校溫...點知學校自修室仲衰....點衰....衰過荃灣圖書館自修室喇...

不過粗粗地都溫到書ga....之後就落去食飯喇...今日餐廳好多人...所以都冇咩同vicki同佢傾計....係到睇下d雜誌,

原來香港真係好多好野食ga地方架....我返香港真係想去曬去呀....掂呀.....

食完都係傾左10幾分鐘就走喇....

之後返到屋企hea左陣就去練水喇....今日之後教練就唔係到3星期...我諗我游多一日就唔游囉...

今日都唔係游得咁好...可能天氣真係凍左好多喇...游完之後就返去學校溫書喇....

今次個效率好左好多喇...溫到8點又落去食飯喇...呀...唔係...係食麵.....食左個雞炒麵...幾好味架喎...不過太多sourse姐....令到d麵"淋"得好快...要好快去食曬去囉...

食完就去同vicki傾計喇...又係咩都講喇...不過我唔明呢...係佢真係鐘意笑呀?定我講d野真係咁好笑呀?又或者係我個樣好笑呀?...有冇人解答到我呢?...

之後係咁傾到..真係會由家事到世界大事都會講架喎.....滔滔不絕呀....滔滔食野都冇講得咁多....講9點30先走......返到去屋企就打左電話俾卓敏同媽咪....

卓敏又冇blog又冇咩...要知佢近排點...唔打電話俾佢..真係唔知呀.........

打返屋企...我2家姐返左香港囉...屋企又熱鬧好多喇....而家得我未睇過屋企ga新look姐...好想快d到11月呀....哈哈哈...

我2家姐8月黎澳洲呀....可能同佢落sydeny玩呀....

今日真係好認真溫書喇...一早就起身溫書....

第一科FS...ok..

第2科man....理想...

之後就休左陣...不過都差唔多dinner囉....訓左一陣....之後先煮野食...都唔知要煮d咩好.....是但炒個麵就算喇....

第3科a/c...唔知做左d咩...要計野...下星期再溫...至少要整半日呀...

第4科ER...溫左d ....完.....

 今日一早就起身喇...之後諗左一陣..成日會做d咩.....之後就去shopping喇....

買左少少野喇....之後就約左uncle佢地食lunch喇...一到打機一到等...前排幫vicki搵bomb man個時,搵到隻廚房ga RPG GAME,勁好玩....

之後同佢地食完lunch就返屋企喇...好多罐頭...好重呀...

返到去就開始溫書喇...溫得唔錯....之後晚上煮左d唔知咩ga野食....

食完..走左去打機,個隻RPG呢....打到4點幾呀....

 今日一早就要起身出去做gym喇....今日個個都返曬黎做gym....勁迫人...一間班房咁大ga房..器材都已經佔左房60%喇....仲要咁多人...help...好在早左個鐘去...早d完....唔使同佢地爭野做.....今日係gym做做下個時發生左件令我好嬲ga事...我真係想當場鬧爆佢...如果我唔係過時發現...我隻左手會好傷囉.....不過我見咁多人我算喇....不同人一般見識....

9:00就搭車返學校上堂喇....做個feedback sheet...真係打得少呀.....冇問題紙..得張答案紙...咁點答呢?...之後佢放d問題係個borad到...嘩...睇鬼...我完全睇唔到喎....我是但做囉...火呀嘛....寫曬poor囉....做完上堂..仲白痴...唔係俾tips ga...講未來個d野...使鬼你話我知....低能....佢最叻係咩呀....最尾先講tips...令到我地個個都走唔到..迫住聽d低能野...

上完就要拿拿聲去上tut喇...基佬唔係到...搵左唔知邊個上....講d冇關重要ga野....唉.....無聊左一個鐘....

上完又要拿拿聲去上堂喇....無間道架...之後上個肚...識播音樂呀....今堂d tip...算好有用架喇....

上完就拿拿聲返屋企....用10分鐘煮+食左個麵之後要快走去巴士站喇...岩岩趕到....

之後去到泳池就開會喇...好眼訓呀....不過冇訓到....教練,pini,mewing去歐洲比賽3星期.....好野...我仲諗緊點樣講..我考試..要停練2星期呀...(佢地會問長問短架嘛).....

之後就練水喇...今日5000左右到....有8個100做得唔好姐.....其他都係ok喇....講完....

游完就打左俾uncle喇...因為佢地有得睇tvb,而且今日又係溏心風暴大結局....當然要去睇...點知我uncle個解碼器死左...冇得睇....唔係咁玩野呀嘛...

唉....又會去到游泳時個泳池會唔開ga....咁黑他.....之後就去買飯喇....同vicki勁傾喇又....笑死呀.....傾到9點幾先走....

如期返到屋企都係4面wall...同人傾下計...咁個人個腦先work到架...

 今日一早就要上堂喇...今日個note仲未放上網..所以一定要返去聽....

係咁抄囉....抄完就去圖書館溫書喇....溫左一個鐘就去tut...只係去拎份ass就走得喇...

返左屋企..拎左d野就出去食飯喇....入到去幾桌人咁...今日vicki話要搬野...咁我唔同佢傾計住喇...

正當拎起個電話睇個時...$家姐岩岩打黎...咁就一到食飯一到傾計喇....因為係餐廳第一唔可以大聲第二唔可以講d 大好笑ga野...都係聽佢講多喇...有佢同佢男朋友真係好好笑ga....之後傾完就拿拿聲食曬個飯去喇....

之後就同vicki傾計..佢都做完野喇...又係咩都傾喇....好難講講左d咩架...傾到3:45到喇..姐係收左擋仲傾左1個45分鐘到喇...哈哈哈...之後我遲左搭車去練水喇..佢又遲左食lunch咁囉...

唔係去遲左好多去練水姐...45分鐘姐...一去到就係cp set喇...姐係一行入餐廳就俾牛排你喇..冇前菜呀....12個150..都幾嘔架...不過我條線...分左3個人做阿head...好似就好d...不過我feel到就唔係咁好喇...係..第1個第1個出去,下1個就會第3個先出...計落係多左20秒ga..不過當你游完第3個出之後你又要提前10秒去...計落條數...冇so 架....我仲要諗點分體力...所以個時間板係可以睇到我個時間係我4group3次為一組ga...

最後個個真係笨呀...一出去就同右線sam爆50米..我諗差1秒到轉堂喇...之後我就拉車喇...最後我同佢差9秒呀..佢游完都問返我...做咩事呀你?....我話冇呀..哈哈哈...我都唔知答佢喇..唔通同佢講有心同佢爆咩.....我心諗..有一日我一定同你一齊到架....

游完之後就返屋企煮野食喇...樣樣野一dd,飯又係dd,麵又dd,牛肉又dd,豬肉又dd...最後就整個"百般之味在心頭"....食完就上網喇~

 今日上午就冇去練早水喇...因為今日又落雨喇....訓到9點幾先起身...

之後就出左去陣書...返自修室囉...之後就出去上堂喇..

最後個堂就係tips堂嘛...佢地話溫曬佢俾d tips就合格喎...真係咁easy?....唔理咁多溫左先算...

之後上完就去上tut...4個字..浪費時間呀..去溫書仲好呀....

之後就去練水喇...今日都係游得唔係咁好....好凍呀...唔知點解..我竟然怕凍....唉....講你都唔信呀....

游完就屋企上網喇....今日是但炒左個麵就算喇..琴日食得咁多...今日食少少算喇...

今日唔使上堂...但早上要好練gym ga..不過因為我訓過時...所以下午先練喇
因為我有更重要ga事做...就係溫書喇...溫到食lunch..就去廚房喇...

今日黎個勁野呀...名為"鸞鳳程長"...唔識程長點寫呀...有冇人可以教返我呢?
係一半係甜的炒飯一半係辣的炒麵,我自創架...就算有人整過我都唔知呀...
你一定會點係係一半係甜的炒飯一半係辣的炒麵呢...其實係咁ga...

人生就如過山車,甜酸苦辣樣樣都有...甜同辣就係4樣野之中,人生最鐘意ga(我呀)
甜就表示好事,辣就表示挑戰性ga事囉...
成碟野都係好食架..不過d麵唔係好夠辣姐...個飯ga甜都可以架...

食完就上網睇野喇...1點幾就出左去做返gym喇...
做到3點幾就過去練水喇...今日練水都係一般到喇...
練完就去超市買minse呀...今晚食麻婆飯呀...因為我唔食豆腐嘛....

而我都改名成麻仔飯(麻鬼煩)or(麻煩友仔要煮的飯)...
返屋企之前去左vicki到買個白飯...當然有同佢傾計喇,叫左佢細佬出黎傾tim呀...
我望一望..嘩..香港短跑飛人鄧亦進呀...90%似喎...係個頭衰d之喎..成個樣咁似?
之後同佢傾左陣...就返屋企煮喇...煮左廿幾分鐘到喇...

之後就食喇...嘩...咁好味ga?..之後一口氣食曬d飯...仲碟麻仔仲係食左一半...咁點算呢..之後諗左一陣...再出去買個個飯...去到餐廳,vicki用左一個好奇怪ga眼神..之後同佢講...要多個白飯...

之後又係咁同佢傾...8:30傾到9:25先走...哈哈哈....我真係一個好恐怖ga人,一岩傾ga...傾足一日都得呀....哈哈...之後返去食左半個飯,先食曬碟麻仔....食完休息左一陣....就去食甜品喇..."有幾個皇后蛋榚呀...好好味呀...食完好似話俾我知今晚個餐完結喇....

今日真係好開心呀....不過開心之前喇...講返句先...阿嵐生日快樂~

琴日晚上個天係咁打雷同落雨...所以我冇去到練早水喇...起左身等左一陣就拾野出去溫書同入貨喇...

今個星期都幾多野買喇...任務時間太約1個鐘到喇...準時係50幾分鐘完全任務喇....之後就搭車去食飯喇...

都係個間喇...好似飯堂咁呀...之後叫左個x燒飯呀....之後又拎下d書睇囉...之後又走去同vicki傾計喇...我真係可以咩都傾架....傾左勁多野呀...之後個飯黎到個時....e....嘩...多左勁多飯呀....我冇叫+飯架喎!?....之後好快就食完喇...之後vicki話食咁快唔消化呀...下...香港人食飯係咁架喇...我已經食得慢左架喇....我用左時間去睇書嘛

之後俾$個時...俾tips喇..點知佢竟然唔收喎...咩事呀...我第一見人有$都唔要ga....我d $唔通有毒ga?..哈哈哈~之後又同佢傾計傾到3點..都係咩都傾喇...連成人話題都有傾,又傾下d殺人話題呀,d人走曬到曬休息時間仲係到傾...

傾完就返屋企喇...超趕咁拾野..之後就去練水喇...今日未練水就收到份禮物喇...係一條有我個名ga毛巾呀...好開心呀...證明我係到唔係白游ga~

今日練水..中下喇....爆又爆唔起...打腿又唔係我強項....最衰就係游游下...個泳鏡斷左...哎呀...咩事呀....唉...

之後游完勁流鼻水...流到唔停呀~

之後出左去city買車飛同雞蛋..之後就返屋企喇....返去之前...去買個飯先....今日想食炒蛋呀...之後又同vicki係到傾計...又傾過...又係傾到收擋呀...哈哈哈....真係好似係香港同fd傾電話咁呀...

早上傾個幾鐘..之後又晚上又傾個幾鐘...係我記憶之中...做到ga人真係好少...唔夠10個...

真係好好笑..你中午同人傾成個鐘,之後晚上又傾成個幾鐘....哈哈哈...而我地講ga話題,全部都係新野...都有dead air位ga..不過少囉...所以不停講新野同makeing the gag呀.我真係對上個次都係hugo同tracy咁傾..但休冇傾得咁密姐...

同佢傾到9點半到就返屋企煮飯喇...超速快炒咁就做完碟野喇..之後食完就同hidy傾計喇...

點解佢可以放開左成521日ga心結架呢...我真係好想知呀~

 今日一起身就走左返去gym room做gym.....一個人做gym都幾悶架...不過推bar個時...可以叫..係真係爽d ga,平時佢地係到真到唔敢叫...因為我係叫中文,123ga...所以我係食左d字佢架....

做完gym就返左屋企沖涼喇....成個人都幾舒服...

之後望左陣d書...突然好唔知點ga感覺....之後都係出去食飯喇...

叫左個牛腩飯...係到等個時睇左d雜誌...原來森小歌劇團..真係幾得意架喎....

之後因為vicki太busy所以同佢傾左2句就走喇....周圍行行左個鐘先想返屋企....

之後晚上就hea曬囉....因為出面真係好大雨呀......

 今日都可算係都唔知連自己都唔知做咩囉....

今日一起到身...溫左陣書喇....上左陣網喇....就咁一個上午喇...煮左d野食....

食完就出去買野飲....冇喇喇想飲雪梨茶咁咪出去買囉....

之後返到去...成晚都係到發緊呆.....

打左俾hidy..同佢傾左陣...不過見佢狂歡緊...都係問完野就好收線囉....

之後係到諗野....同芯苗係到傾超人ga問題...哈哈哈.....