尋晚9點幾就訓左.. 超癲.. 唔知做乜咁好訓... = = "
但係今朝9點9我呀媽打俾我.. 我先知自己遲緊到...
今日係要返學架.. 頂.. 我即刻起身.. 牙都無刷面都無洗..
換衫飛出去.. 個頭仲係亂緊.. 點知我返到去.. 都未集合.. = = "
無奈LO.. 唔知為乜.. 個口又臭跟住開彌撒啦.. 超鬼悶..
無野做.. 開完彌撒睇波.. 係啦.. 跟住臨走個陣.. 同班FD傾計..
傾傾下郭國開無啦啦走過黎... 叫走呀銳.. 都唔知咩事.. 罰左佢上去企..
之後問左佢.. 話因為講粗口俾人罰.. 可能係我地傾計個陣爆左粗..
又大聲得濟.. 俾佢聽到.. 咁無理由要呀銳一個攪哂上身架..
咁我見到郭國開個陣同佢講我都有份咁就俾佢罰埋啦.. 首先拖我去見班主任啦..
同佢傾計.. 佢超好人話左我幾句.. 好受到LO.. 我FEEL到佢真係好俾心機教書..
好先生黎架LO.. 攪到佢話完我.. 我都唔知點咁.. 之後同佢傾完計.. 出去見老鄭
我同呀銳一齊啦.. 俾佢話.. 叫我地新年作篇悔改書.. 500字.. 真係無奈..
之後出到去.. 見到勞姐.. 佢又拉我話要傾計.. 咁又計啦.. 又係講個D野
跟住又收到啦.. 就係咁.. 一朝就見左3個先生... = = " 好鬼無奈.. 返到屋企仲要無飯食..
我呀媽以為我唔返.. 攪到我要煮面食.. 食完去左呀LOK屋企.. 打機.. 打WINNING同WW..
打到4點走人.. 去左食雞同IVAN一齊.. 跟住佢又上左黎我屋企.. 上網.. 係啦..
夜晚食完飯.. 又出去.. 又係去呀LOK屋企.. 打麻雀.. 有IVAN.. BEN.. 同埋陳盛賢..
開頭羸好多.. 之後輸返哂.. 一打打到3點.. 打左5個鐘.. 都只係打左4圈痴線..
打得超慢.. 我都想知點解... = = " 跟住打完雀.. 肚餓落左下環街食宵夜..
見到EDISON同俊俊佢地.. 一齊食.. 食完都4點.. 返屋企..
超眼訓呀... 鬼死咁攰.. 又要輸錢.. 功課又未做.. DOWN !!