今日賽波.. 對F3A.. 三隊FORM3小組GE第一場..
開波無幾耐.. 我地班先失一球.. 跟住繼續打..
場波火藥味都幾重.. 幾多犯規下.. 中場休息..
呀JAR鬧左幾句.. 話我地打得差.. 咁其實我都覺..
跟住下半場我出去踼.. 打得超辛苦.. 爆哂計..
但係都入唔到波.. 之後過左五點.. 區SIR都未吹..
咁都知區SIR想博和波.. 我地係咁打.. 卒之..
無幾耐呀JAR就入波.. 攀平.. 個陣嗌左出黎..
又激動.. 又開心.. 好難形容.. 之後呀SIR都吹完場..
打哂成場波.. 我覺得自己好無用.. 又入唔到波..
睇人又唔實.. 成日俾人走甩.. 又矮.. 對住NEWKI..
成個傻仔咁.. 根本上.. 有我無我都係咁..
我見到呀JAR佢.. 又好波.. 又博.. 而我自己..
就唔知係度做緊乜.. 我好驚有一日.. 會因為我..
令到全班輸波.. 到時喊都無謂.. 唉 !!!

今日同IVAN去左睇ICE AGE2.. 好正.. 好搞笑..
同第一集差唔多.. 劇情都係講咁上下..
但係內容.. 故事.. 情節比上一集都好D..
尤其係配樂方面.. 真係好正.. 我勁鐘意..!
加上一樣咁搞笑.. 真係好想佢出埋第三集..
一定會捧場... !! HAAA.. 的確係唔錯..
跟住睇完戲.. 同IVAN去左睇碟.. 本身..
我想買隻NANA同埋情義我心知.. 但係..
我諗到無乜錢.. 就打消左呢個念頭..
決定下星期先買.. 咁樣都會鬆動D.. HAA
今晚返到屋企.. 要溫習.. 唉.. !!

今日晨咁早起左身.. 返大陸拜山.. 勁唔想返..
不過一年一次都唔返.. 實俾人話死.. 所以..
都係返左去.. 大陸勁凍.. 但係又有陽光..
咁算點呀??! 忽冷忽熱咁.. 總知辛苦啦..
係大陸逗留左8個鐘.. 悶到嘔.. 爆想返黎..
之後仲要塞車.. 8點先返到屋企.. 沖涼..
跟住打機.. HAA.. 呢排好鐘意用倉頡打字..

呢排日日都係亂.. 兩日升左3LV.. 上哂癮.. 打機第一..
日記都無乜點寫.. 發夢都係發佢.. 有好多情節...
醫師.. 力刀.. 敏劍.. 成個腦都係肥仔.. 狗.. = =
入哂腦.. 甩唔到.. 點擺脫佢呀... !!! 唉...

跟住尋日AKISON個MISSION FAILED左.. 都唔知咩累事..
唉.. 個人好攰咁.. 聽日仲要返大陸.. 慘 !

尋日食完飯.. 同呀媽講.. 如果我入唔到文組..
我寧願轉校.. 係慈幼讀理科一D興趣都無..
跟住佢好似無乜點理.. 講左兩句.. 之後我老豆返黎..
我呀媽同佢講.. 我真係估唔到.. 佢發哂脾氣..
話我一係讀到FORM3畢業搵野做.. 一係繼續讀..
唔俾我轉.. 又話我無心機讀書.. 用無興趣做藉口..
呵.. 超無奈.. 佢地係為我好GE.. 就由我自己撰啦..
我根本唔想讀理組.. 我勉強讀三年.. 出到黎一事無成..
萬一我真係入唔到文組.. 轉校讀未仲好..
佢地都唔明.. 以為我掛住玩.. 咁好LO..
如果真係咁唔好采.. 我入左理組.. 無所謂架..
讀我一定讀.. 我就係要年年REPEAT..
睇到時我後悔定佢地後悔.. 20幾歲再讀返夜校..
自己做苦工.. 食自己用自己.. 一蚊都唔俾佢地..
我都覺自己咁諗好幼稚.. 但係我無其他方法..
唔想再同佢地講野.. 講咩姐.. 佢地都聽唔入耳..
以為自己一套岩哂.. 由得佢地LO.. 我寧願靠自己..
都唔想迫自己.. 條路點行.. 點到佢地話事..??

跟住今日賽波啦.. 班際足球.. 對FORM 1仔..
羸6粒.. 有球我豬豬地入左.. 都幾開心架.. haa
仲有一樣野.. 今日無攝衫.. 俾老劉記缺點.. = = 頂..