睇日就是第一日的區隊訓練啦，終於比我等到啦，只係得一句，開心囉！之前夜晚落左青衣體育館，參加左月光計劃架比賽，接著拿了冠軍，又一件開心架事啦！仲有呀我這一派好比心機聽書呀！雖然有d科唔係好明，但係都值得開心架！開心與傷痛只在付一線之間，在付你把這條線放左那裡！近日睇左一編日記，發覺某人好似幾唔開心，好多煩擾！如果解決唔到，不況搵搵我，我相信我有能力幫你解決問題，如果任何人自認唔開心，不況留個言或打電話比我，我無任歡迎！

我真係唔知打咩好，送一個故事比大家，寫得好好，好感人！(真有其事呀)希望你用心感受！你會發現(愛)並不是你想像這樣！

有一位老婆婆個子唔高 , 但係好肥 , 行路既時侯需要拐杖支持。
每隔兩個月老公公都會陪老婆婆到醫院覆診, 因為老婆婆患有高血壓。

某夜 , 老婆婆左邊身麻痺入院 ,
經過電腦掃描顯示右腦出血。

我如實話比老公公知 , 佢無出聲 , 只係無奈咁望住我 , 淚水已經湧現。
第二朝, 意料之外 , 老婆婆既情況唔係想像中咁壞 , 而且頭腦清醒。

入院之後o 既第五日 , 老婆婆問我 : 呢兩日伯爺公點解無黎探我既 ?
一個實習護士話比我聽 , 早兩日老公公突然心肌梗塞 , 住左響對面既男病房。兩老無兒無女, 最親既都只係姪仔。

今日, 姪仔帶左兩樽果汁黎醫院 , 先去探老公公 ,再去探老婆婆。 過左幾日 , 老公公既病情剛剛穩定 , 就嚷住要出院照顧老婆婆, 經過一番溝通之後, 主治醫生諗左一個折衷辦法 :  首先老公公換番自己o既衫 , 坐住輪椅 ,由工友推到女病房門口 , 而為左安全起見 , 醫生護士都要跟埋老公公一齊 ..

老公公蹣跚地企起身 , 手執果汁 , 走到老婆婆床邊 :買比妳飲嫁。
老婆婆嗲起黎 : 呢幾日唔見你既伯爺公 , 咩事呀 ? 病左咩 ?
老公公微笑 : 唔係呀伯爺婆 ... 姪孫結婚啦 ,我要幫佢打點一下嘛。

呢一個, 係我咁耐以來聽過最動人最感動既一個謊話。
人生就好似變幻莫測既天氣 , 雖然可以預料,但往往都出人意表 ...

老公公o既心臟日復日咁康復 , 準備出院那天 , 病情突然惡化,撒手塵寰。
姪仔辦理完死亡證明之後就黎搵我 ,要求暫時唔好話比老婆婆知 ,
因為老公公死前遺言 : 照顧伯爺婆,
唔好話佢知我既事,唔想佢受剌激。
呢個時候, 無一個在場既人唔感動唔流下眼淚, 包括我 .....

當日我巡房既時侯老婆婆又問 : 伯爺公D果汁喝晒啦 點解佢又不見人?
護士強忍眼淚 : 妳唔記得左咩? 姪孫過兩日結婚啦! 老公公要幫手嘛。

第二朝清早 , 我發覺老婆婆床頭多左樽瓶果汁,聽到護士同老婆婆話 :老公公剛黎過 , 佢見妳訓得咁甜 ,
唔捨得叫醒妳,放低果汁就走左啦。
當護士一轉身發覺我企響度既時候 , 立刻雙頰通紅。 我微微一笑 , 拍左佢膊頭一下, 慶幸佢果顆愛心 ,不為歲月冷卻。

當日下晝 ,護士長察覺坐響梳發對住窗望風景既老婆婆無左呼吸 , 我迅速跑去一手抱起老婆婆 ,再聯同護士將婆婆放上病床急救 .... 搶救二十分鐘之後 , 我宣布失敗 ....

我一邊寫報告記錄 , 一邊諗起「陪著你走」既一句歌詞 :
「如果, 走到這世界邊端 , 我倆已是無力前行 ,跟我一起飛去.....」
護士長走過黎同我講 : 估唔到你咁大力 ,一手就可以抱起老婆婆。 我只係報上微笑,
因為我已經唔想講任何野,我怕我忍唔住眼淚 ....
老婆婆的確好肥, 但係好輕 ,
因為佢既靈魂已經跟老公公飛走左啦.....
"愛" -- 雖然只係一個字
但係無人或任何事物可以具體咁解釋呢個字 .....
正如糖好甜, 花好香 ... 根本無得解釋, 要用心同親身體會先可以感受。
真正既愛, 應該係堆藏響心裡面, 去體會, 去感受, 去領悟.....

                                                                                                            區樂民著

今日格言：愛=開心=幸福=喜悅=無悔=愛...........在某d時候愛就等同於一切！這就是愛的公式！