今日唔多開心,
上個星期四同五、六, 我病左 發燒 + 喉嚨痛 無返到學,
但上個星期四 本來約好左要練步操既,
我病左 無去到,
而星期六已經要出去進行呢個步操檢閱之類既野,
我仲病緊 又無去到。
然後,
到左今日, 竟然有人同我講 : 你今日咁精神呀!
我沒回應到佢個句。
明顯地其實話緊我扮野扮病咁,
唉, 我心諗 你洗唔洗咁呀, 我之前發燒 成身無力咁 你叫我步操?
而家病完 唔會好返既?? 我病左, 唔係關心下我點解咁,
反而係到挖苦我 "好精神喎" 咁樣... 。
( 所以相反地 今日呀SIR 仲好關心我問下我好返未 突然覺得呀SIR好好-_____- )
放學之後, 我搭小巴返屋企...
未上小巴個陣我仲係睇緊書既,
上車個陣岩岩合返埋本書, 就搵個位坐返低再睇,
睇到落車,
見個個落左 到我落個陣無啦啦個司機關門... 我仲未知咩事,
小巴司機: 你未比錢。
我 : (好細聲咁講) 啊! SORRY
小巴司機: 無記性就上車個陣比錢啦。
一落左車之後, 我諗: 喂! 你唔係丫嘛 咁無禮貌架! 未見過D咁既司機, 你未試過唔記得野既,
話D乘客 "無記性" 就算我係又點先, 都唔係比你話我啦! ( 皆因司機同我講個番話個陣語氣態度好差 )
呢個司機真係我刻象最深刻, 又新黎既, 有一次人地叫 橋頭有落, 佢就聽極都聽唔到, 有乘客都幫手講,
佢仲係到問 係咪避車處-____-` 大佬, 我都知邊到係橋頭啦 你又唔係真係第一日揸車。
又皆因佢把聲衰過人 語氣都差D``
你叫我比返錢咪算囉 講到好似我一定係個隻搭霸王車既人咁`
