最近突然間會忙到無哂自己時間~~

但係有時又會得閒到唔知做乜好~~

最近忙完MVP Final Project~~

之後又忙幫Suki姐、珊姐同Ken少佢地消防果段片做剪接~~

黎緊仲有好多野要做~~

14號要跟Hans sir喺Mega box出show~~

16號要交Digital Music Final Project~~

18號要俾人check黎緊行50K既物資~~

20號又要交流又要聖誕party~~

25、26同27號就要行50K~~

27號行完50K就即日再入大Camp~~

直到2011年~~

唉......真係見到個行程表都想死~~

睇住個表真係擔心緊自己頂唔頂到~~

但係所有野頂唔到都要頂~~

因為都已經定左落黎~~

更何況呢d都係因為我自己有所追求先需要去做~~

為左實現自己既理想~~

點都要做d既野既~~

=================================================================================

今日突然間覺得自己有少少自虐狂~~

因為我覺得我喺感情上經常虐待自己~~

試過親自帶自己鍾意既女仔去見佢男友~~

又試過鼓勵自己鍾意既女仔去接受另一個追佢既男仔~~

唉...點解我既感情會係咁坎坷既呢???

真係好耐好耐無打過blog啦~~

尤幸仲記得自己個blog d setting~~

過左半年有多~~

我既生活都起左唔少既變化~~

對好多事物既睇法亦都可能改變左~~

但係無變到既就係......我仍然係我~~

====================================================================

今日係一年一次既Rally~~

同上年唔同~~

今年同好多好多人影相~~

奀妹、大家姐、二家姐、三家姐、珊姐、MoMo、SW、阿蔣、Ken少...............

總之我自己都數唔哂啦~~

但係轉頭諗返又無同好多人影相~~

完左Rally臨趕入元朗之前就終於可以同珊姐食到一餐約好左好耐既飯~~

兩條友喺銅鑼灣行左勁耐~~

又搵中銀禁機~~又諗食咩~~

到左最後就走左入上海坊食~~

其實而家諗返都有少少貴~~

不過同珊姐食都算係扺既~~

兩個人點左兩個餐加多一個籠小籠包~~

野食唔差~~環境都OK~~

食下食下都同珊姐傾左好多計~~

真係同珊姐好好傾~~

飲飽食醉之後~~

我就要趕住入元朗~~

點知搭緊西鐵既時候先收到通知話佢地岩岩拍完片~~

咁即係我雞咁腳趕黎都無用~~

最後返左深水埗幫手搞萬歲宴~~

同d公公婆婆食左一餐盆菜~~

但係其實我當時係連lunch果d野都未消化哂既~~

因為lunch都食得比較晏同多~~

而食盆菜又真係早左d~~

所以我真係無乜胃口~~

但係隔離d公公婆婆就盛意拳拳、係咁叫我挾野食~~

搞到我食又唔好、唔食又唔好~~

今日考埋listening之後~~

計埋尋日同再之前考既~~

咁就已經考完哂中化啦~~

但係黎緊就係最重要既UE~~

真係唔知自己有無可能過到~~

自己知自己事~~

講真~~我呢半年英文真係無乜點大進步~~

如果要擺脫舊年既成績都可以話幾難下~~

不過到左而家都唔係擔心既時候啦~~

唯有同佢盡地一鋪~~博一博希望單車都變摩托~~

希望到時真係有架烈火戰車俾我揸啦~~hahaha

岩岩今日睇左一套想睇好耐既戲~~

--------《聽說》--------

睇完真係覺得好好睇~~

雖然成套戲得唔夠四分一係有聲咁濟~~

但係唔知點解我硬係覺得無聲睇手語~~

更加令我感受到當中既感情~~

或者係因為講唔到出口既先係至真、至誠既~~

即係所謂既「一切盡在不言中」掛~~

但係點解會係咁既呢???

係咪因為呢個世界太多虛言假語呢???

定還是應該歸根究底~~

係呢個世界有太多虛偽既人呢???

不過講到呢度又同講唔講到、聽唔聽到無關係~~

總之真係好似d人成日咁講「無聲勝有聲」~~

真係唔知係「咁岩得咁橋」定咩啦~~

尋日reading卷既topic咁岩係《沉默》~~

睇左唔少有關唔出聲既野~~

如果世人有一日唔再有言語黎俾佢地溝通~~

咁會唔會大家都比較容易知道對方想講咩、想點呢???

正正因為聽唔到~~

所以就要去睇人眉頭眼額~~

去猜度人地想講乜野~~

去用心黎感受人地想表達既野~~

或者咁樣~~大家既溝通會更多、更有效~~

同埋有時有d說話正因佢唔可以講出黎~~

先顯得佢既真實、可貴、獨到、甚至乎可愛添呢~~

睇完呢套戲、諗完以上果d野之後~~

都真係激起我少少學返手語既諗法~~

之前學過下手語係因為要scout簽野~~

但係而家就係想試下用另外一種渠道、方法去同人溝通~~

同埋我覺得手語比起說話好似更富有感情~~

不過唔講一日野好似都幾辛苦咁~~

算啦~~算啦~~算啦~~

都係要等考完試睇下得唔得閒先啦~~

尋日考中化oral~~

雖然係第二次考&fail中化都無所謂~~

但係唔知點解心情都好沉重好緊張~~

然而喺等入得學校之前又有樣野令我個人放鬆左好多~~

因為果樣野令我好開心~~

而家諗返可能其實件好普通既事~~

但係直到而家我諗返起都會好開心~~

可能就係因為咁樣就令我d唔好既心情一掃而空~~

最後考完都應該ok~~算係中規中矩啦~~

已經夠啦~~當然最好升grade~~

今日去左做攝影師~~一個好唔夠pro既攝影師~~

雖然只係幫人地既last day影下相~~

但係我好似做左唔少錯事令到人唔開心咁~~

唉...唉...唉...

或者我出現喺果度已經係一個錯既時間、一個錯既地點~~

加埋我呢一個錯既人做一件錯既事件~~

似乎我好似係天生就好識得整到人地唔開心咁~~

掉轉又唔識得氹人~~

可能又係命帶貪狼既原因掛~~

似乎我係綜合哂好多唔同星既缺點咁~~

優點就真係無乜~~

如果可以時光倒流我情願唔去算啦~~

令到一個人開心(其實可能無乜特別開心)之後又令到佢唔開心~~

咁似乎係一種會傷人傷得深既事~~

就好似先俾人一個希望~~到後黎就喺佢面前打破呢個希望咁~~

哈...哈...哈...

睇怕我都係適合做壞人多d~~

最起碼我可以做一個稱職既壞人~~

而唔係一個自作聰明成日以自己係好人但係又愈幫愈忙~~

咁樣去搞wo哂d野~~同埋得到既樣~~到頭來唔係自己本身預期會得到既野~~

可能係我份人同埋做既野都太幼稚啦~~

我諗我都係一個唔會成熟既人黎嫁啦~~

嘿...嘿...嘿...

究竟係咪我前世係個大惡人呀???

定係我得罪左個天呢???

點解我成日做好多野都事與願違既???

尤其是d重要既事~~

個天就好似用我頭先講果種hurt人既方法黎玩我咁~~

無啦啦尋日整幾樣野黎搞到我鬼死咁開心~~

但係今日就要我同樣程咁唔開心返~~

究竟咩事???

算啦~~反正由今日開始~~

我都諗住做定好多唔好既事會發生喺我身上既心理準備嫁啦~~

起碼到時應該會無咁唔開心~~

就最似黃子華所講︰「係咁嫁啦﹗好出奇呀？」一樣~~

星期五就要開始我第二次考AL既中化oral~~

真係話唔緊張就係假既~~

但係奈何自己都唔係好有心咁去溫~~

所以本來就有少少「船到橋頭自然直」既諗法~~

不過似乎真係好懶散~~

唉...唉...唉...

講真~~自己又真係幾想過下大學生活~~

不過自己又真係唔係好鍾意讀書同埋又唔係好讀得黎~~

相比之下~~我真係鍾意結他多好多~~

異想天開咁諗~~如果我可以去日本MI讀結他就真係好啦~~

不過學費真係好重皮~~

要成百萬....................

係百萬YEN姐~~

但係折算返hk$都要成廿萬~~

仲要淨係學費未計其他洗費~~

仲要係無留級無延期~~

唉...唉...唉...

應該都無乜可能嫁啦~~

不過如果得時真係可以做個全職音樂人既話~~

又真係幾好~~雖然自己都知自己本身底子差~~

另外又好似無乜音感~~

又無認認真真咁鑽研點寫詞~~

唉...唉...唉...

總之就係唔掂啦~~

好似我d咁既人都想做全職音樂人~~

咁就全香港都係音樂人啦~~

所以都係發下夢算啦~~

除非屋企人俾啦~~

不過都要過好多關~~

算啦~~全力考返好個AL先啦~~

都已經無乜多餘時間俾我諗埋呢d無謂野嫁啦~~

全力開turbo~~let's go~~