今日返學幾順利~~
頭三堂UE要test sention E~~
比想像中容易~~
不過都無乜信心拎到合格再多d既分~~
最多都係合格~~
之後兩堂Geog~~
中史又中下中下~~
Orz...Orz...Orz...
Econ兩堂~~
愈黎愈唔鍾意呢個Miss~~
d野又唔係好仔細咁去講~~
又要講到鬼死咁晦氣~~
又成日講d唔講d~~
人地問親佢野都係答到好模稜兩可~~
然後test果陣又出d自己講都無講過既野~~
之後又話人唔溫書~~
大佬呀~~你唔教下我地又點知本書d野講緊咩呀???
如果我地淨係溫書就可以明到本書既野仲洗你教我地咩???
好彩個個都有補習姐~~
如果唔係都唔知你講緊咩呀~~
放左學又要留多半個鐘聽佢講埋份MC~~
無奈到爆~~
不過最大反應果個都唔係我~~
反而係坐我隔離既Jimmy~~
果半個鐘裏面~~
佢無一分鐘唔話個Miss一次~~犀利~~
睇黎我對於自己既脾氣真係好似有d改善~~
俾著以前既我~~
遇著咁既情況~~
我應該會同Jimmy一樣反應~~
甚至比佢更加激烈既可能性會係極大~~
不過而家我反而可以處之泰然~~
咪當學多d野囉~~聽佢講多十幾條MC姐~~
對我又無壞既~~又唔會少左d肉既~~
少左既係半個鐘姐~~
So what???
不過我諗就算我d火收到無哂都好~~
我喺呢一班既命運都只會係繼續咁俾人排斥~~
肯接納我、同我傾計既人已經係少之又少~~
真係好多謝佢地~~
Just like Jimmy、Henny、Yen、CK、Abby、毛、瀟洒、
Pat、燒賣、小熊、阿華&阿明~~
其他人我諗呢個學期開左學咁耐我都無佢地講過野~~
有時唔係我玩自閉~~唔想同佢地講野~~
而係佢地一見到我喺附近~~
就成副臉口都變哂一副勁鬼乞人憎既面色~~
又要用埋哂d冷漠既態度~~
真係有時都開唔到口同佢地講野囉~~
就算開到口啦~~
都無回應~~
有既都最多係一兩句用不屑既語氣所講既片言隻語~~
咁我又可以點樣搞返好d關係呢???
真係有時直頭覺得我已經唔係呢一班既人黎嫁啦~~
唉...唉...唉...
Orz...Orz...Orz...
放左所謂既Econ補課之後喺prefect room度又霏左一輪同埋練左陣結他~~
終於可以學到chours既部分啦~~
又邁進左一步啦~~yeah~~
上台既陣容基本上差唔多決定好~~
好期待呀~~
5點幾就自己一個走左~~
搭車落淘大~~
行到過去英皇門口岩岩好差唔多時間~~
一企定就電話響~~
不過一接就已經收左線~~
原來奀妹已經見到我啦~~
同佢去左M記食野~~
好耐無同佢食野&傾計啦~~
對上果次已經係暑假我去書展果日黎嫁啦~~
同佢傾計好好玩~~
同佢行街都好有滿足感(高度上)~~
XD...XD...XD...
喺M記食食下野又見到咁岩黎溫書既浩源&曾雲~~
哈哈~~咁都撞到~~
送左奀妹走之後就返去M記同佢一齊溫~~
但係其實溫書一超過兩個人以上~~就溫唔到書嫁啦~~
三條友講左都好多野~~
之後8點幾就走左~~
唉...唉...唉...
聽日又要test中化~~又要test中史~~
真係可唔可以停一下俾我休息下呢???
---------------------------------------------------------------------------------
愛~~又再一次成為我既動力~~
雖然係我自己單方面既愛~~
但係對我黎講~~
已經有令我可以無啦啦一諗起就可以笑一段時間既經歷~~
就算係好平淡既事、
好短既幾句說話、
好簡單既動作~~
我都可以笑到幾長時間~~
有時驚人覺得痴線~~
所以要掩著嘴黎笑~~
發覺原本笑係可以醒神嫁~~
所以我一眼訓~~
我就諗返起某個人d搞笑、可愛、得意同埋懶野~~
咁就會即刻醒哂~~
真係一個解睏良方呀~~
| 
