部腦終於都整返好啦~~

呢一個星期幾有ok多既野好講~~

星期三打風~~7點先落波~~唔洗返學~~

2點幾落左淘大同肥健high tea~~

之後6點幾同奀妹行左陣淘大~~

7點鐘同Lo嘉&肥健去左德福睇戲~~

睇「4條大路通陰間」~~好勁~~真係俾佢嚇左幾次~~

愈黎愈明白呢個世界係因果循環既~~

尋日去左中大聽geog d野~~

見到順子~~哈哈~~

淨係聽左soil果個就走左~~

搭87k去左馬鞍山~~

同Joan同埋佢兩個同學一齊食飯~~

同佢地行埋一齊俾我個感覺就好似我隔硬行埋去咁~~

佢地有玩有笑~~我就好似淨係可以同佢一齊笑咁~~

食飯食到2點左右~~

又搭返車去中大~~

我去左影相~~佢地去上堂~~

係咁行~~行下行下就行左上去聯合果頭~~

之後又好快就搵到要搵既合一亭~~

真係好靚呀~~

仲要加埋落雨~~真係好有feel呀~~

影完幾張相之後又周圍行左陣~~

最後行到4點幾5點~~

行返落火車站~~

其實果一刻我都想試下等埋Joan~~

但係我又諗就算俾我等到又點呢???

我又可以做到d咩呢???

-------------------------------------------------------------

可以令到佢開心既人始終都唔係我~~

我可以帶俾佢既好似淨係有麻煩同埋悶死既感覺~~

講到尾我只係一個無聊既人~~

我做既野都係無聊既野~~

根本就無可以為佢帶黎歡笑既能力~~

但係我希望最起碼可以積少成多~~

到最後就算只係換到佢一秒既微笑~~

我就算係死都制~~