終於都考完試啦~~考左兩個星期~~

諗返起呢兩個星期好似經歷左好多野咁~~

最深刻既始終係上個再上個星期六31號GS最後一堂~~

同埋星期一同Joan過既半個下晝&加埋玉桂既夜晚~~

星期一果日喺天水圍7點鐘就起左身~~

陪阿爺阿麻食早餐~~

食完返去睇電視~~

睇到12點~~幫二叔執屋~~

執到1點幾~~

沖涼~~之後出門口~~

搭269D~~喺城門隧道轉40X~~

去到錦英岩岩好3點45~~

喺Joan樓下等左15分鐘~~

打左N咁多個電話~~

4點鐘同Joan搭89D~~

出到牛頭角大概4點45左右~~

同Joan睇佢有份砌既壁畫~~

可以幫到佢睇到佢想睇既野~~

我已經好開心~~

之後同佢行黎行去~~

公眾假期既觀塘工業區真係好少人~~

同佢喺個商場既角落頭hea左個幾鐘~~

喺度傾計~~傾左都幾多野~~

呢次應該係我同佢傾計傾得最耐最開心一次~~

但係我始終都唔係聽多過講~~

或者我都係比較適合做一個聆聽者掛~~

之後去apm行一行~~又走左KFC食左少少野~~

食完走左過沙爹王攞位~~

等左幾個字之後玉桂黎到~~

又等~~等到位之後食飯超開心~~

好多野講~~好鍾意呢種日子~~

好鍾意呢種feel~~

呢幾日都係咁~~

不過同Joan既關係硬係有少少反覆無常~~

傾電話同MSN果陣我地好似好容易就會有少少鬧交~~

因為一d好小好小、幾乎無乜人會在乎既野~~

真係唔知點解對住佢我幾時都無乜野講~~

但係淨係聽住佢講野~~我又覺得好舒服、好放鬆~~

總之只要有佢喺度我就覺得好開心~~

或者呢種就係我暫時對佢既唯一表示關懷既方式掛~~

想講既野~~始終都係未講到出口~~

希望等佢得閒既時候我可以有足夠既勇氣去講啦~~