又N咁耐無打~~
可能係因為返工都已經係咁對住部電腦~~
所以返到屋企無乜緊要野既話都唔想對住部電腦~~
尋晚J.I.又再一次齊人~~
都幾耐未試個六個人一齊上BAND房~~
好開心~~J.I.於我黎講已經唔再只係一隊BAND~~
J.I.已經成為我既第二個家庭~~
喺呢個家庭只係得兄弟姐妹~~
我係喺中間既~~XDDDD
喺呢一個家庭~~每一個人都係支柱~~
大家都各自扮演住唔同既角色~~
喺唔同方面努力~~
尋晚第一次喺細房夾三個鐘~~
感覺上多左好多時間~~
但係咁樣就比較HEA同埋夾完個人比較攰~~
但係真係好開心好好玩~~
玩左好多野~~
試左唔同VERSION既《稚想》~~
又俾阿立第一次唱《全職情人》~~
最後臨走之前又玩左一首喺D譜度揀D歌既VERSE或者CHORUS妙埋一碟既串燒歌~~
雖然係求其喺D譜裏面指出就玩既~~
但係唔知點解個意思都幾通下~~
可能係我自己對號入座既問題掛~~
夾完同徒弟仔&阿立一齊去左食野~~
食完同阿立一齊行斜路返去~~
返到屋企好攰~~不過呢一晚真係好好玩~~
真係好想快D有自己既BAND房~~
因為喺自己既BAND房裏面可以好FREE~~
又可以得閒就上去玩下坐下~~
但係似乎距離我地可以負擔到自己搞一個BAND房既日子~~
都仲有一大段路~~除非我地中左六合彩啦~~
所以我近排問左佢地每人一個NUMBER~~
再加埋自己一個岩岩六個~~
然後就差唔多期期買呢六個NUMBER~~
總之記得就買~~
真係有D妙想天開~~
但係咁樣先係我地呀麻~~點解???
因為我地係...Juvenile Illusion(簡稱J.I.)
| 
