今日黎左個新同事~~
係喺NISHIKI果度既一個part-time~~
但係就嫌果邊返得少所以就返埋易牙呢邊~~
真係佩服佢可以返兩份part-time既毅力~~
我自問就無啦~~
放左工自己一個出左MK~~
本來係同阿樹一齊出順便食飯聚下舊既~~
但係佢突然要留喺屋企食飯~~
咁就無法啦~~
今日最後買左一件褸、一件tee&一條褲~~
呢個冬天基本上都已經可以唔洗再買衫、褲or褸~~
黎緊就係留意下有咩配件可以match到我既style~~
呢d慢慢黎~~
呢幾日真係突然間凍得好緊要~~
我記得星期六都著件薄冷衫都仲要摺袖~~
都仲要出到成身汗咁濟~~
但係今日就要一件長袖再加返果件冷衫先頂到~~
聽日可能都要著褸嫁啦~~
-------------------------------------------------------------------------------
To Joan︰
記得對上一次喺呢個blog裏面點名同你講野都已經係好耐之前~~(以日子計)
我真係好多謝你記得我既生日~~
不論你記得既原因係因為我既生日早玉桂一個星期又好~~
遲你生日6個月零18日又好~~定還是係國慶後3日都好~~
總之~~你記得~~起碼我自己心目中會覺得自己至少喺你心裏面多多少少佔一席位~~
縱然你話請我食飯慶祝到11月29先有得食~~
但係我都仍然一直期待緊~~
今日無啦啦自己覺得我可以遇到你、接近你都已經令我學到好多、得到好多~~
我從來都唔覺得自己喺某一個人既心目中既位置對我黎話係重要既~~
但係唔知點解唯獨對你~~我會想知道我對你黎講有幾咁重要~~
當然我都知我無乜可能好重要~~
基本上基於經濟學角度黎講~~
我對你黎講係一種可以無機會成本咁使用既免費物品~~
而相反你對我黎講就係吉芬物品~~
算啦~~我都唔知自己講緊咩啦~~
反正你都無乜可能睇嫁啦~~
我打喺度都有d無謂~~
但係我又偏偏想打出黎等你有機會睇到~~
或者呢個就係打blog本來既意義~~
「基本上可能無人會睇~~但係又想人地睇~~」
| 
