由半年前開始 我每個星期六都幾乎會返教會~!
今日都唔例外 4點出門返小組
出左街之後入左商場街市
諗住買個冷麵一路行一路吃
因為2點先起身 早餐都未食-_-"
點知買完出泥 開始落細雨
咁我就當然一如以往
唔會比任何野阻到我既步伐啦
咁我就唔理
戴住耳筒聽歌 食住好耐冇食既冷麵
不過d雨搞到我聽歌冇聽歌既感覺
食冷麵冇食冷麵既感覺
剩係係咁feel到d雨水打落我度
可怒也愈行愈快
搞到返到去身水身汗仲淋到濕濕地咁
之後見到雅穎同鴨咀兄~
and than見到koma同提子泥左
心諗:岩岩散見到佢點好呢?!(暈倒
不過都冇野 都係咁
很好地沒有搞出不良局面~
講起依個 同提子拍左3個月拖之後散
泥得快去得亦快~~
有一段時間真係幾開心!
可惜最後都係因為一d問題散左-0-"
成為我一個不錯的戀愛(/學習?)經驗xd
小組完左之後冇返崇拜就走..
同靖兒 嵐嵐去完吃雪糕... 嵐嵐唔係食雪糕...
之後又一個人行返屋企
好彩d雨細細地 唔洗哂錢飛的返屋企
不過去到商場行左陣
因為今晚媽媽唔係屋企
我睇下有冇咩買返屋企dinner好
唉...最後心諗都係唔好咁賴返去自己煮飯
點知fa打係度 就叫左佢煮飯 哈哈
好好彩無買飯返屋企xd
一日就咁完左~
聽日去打麻雀!喔耶~! 
(話說我最近先踩完單車又好想踩單車xd)
真係好鍾意踩單車 哈

打返5月8日既blog先 其實而家係5月21日了xDD"
我每半年打下BLOG 之後次次都係堅持左幾次又N耐唔打~

話說5月8日母親節 我地4A全班被迫去睇中史畫劇:邪路黃花
萬分不願意去~ 不過還是要去~
記得是跟阿阮同Laic約埋一齊行去的
由葵涌村行去葵青劇院
都行左幾耐下...

睇完之後發覺都幾好睇~~xd
有激情 有D搞笑 革命真偉大
不過最鍾意個女人講D勁搞笑既英文

之後同左GARY 周子 肥軒 毛毛 楊景
去吃親愛的雲貴~~
點解次次都係我食最慢??!

之後去左打陣波
天氣真係熱到咩咁((SHIT

返屋企個陣7點
去左買個母親節蛋糕比MA打
話說今次係我第一次係母親節對母親有所表示!!(((勁
睇得出MAMA都好開心

+幾張相先

一如以往 嚴重失眠 最後完全無訓 一直到8點幾 心諗:十點要起身啦 而家訓黎仲辛苦 就起身上下網 點知....我約左軒11點荔景mtr等去動漫節 我10點訓著左 佢11點打黎問我去到邊 我:"um...去到打比你" 就咁遲左半個鍾左右 又係極速換3趕路  之後去到灣仔求奇搵左間茶餐廳食個早餐 因為唔想再食m記  入到會展 好迫 睇左好多野 買左對兔耳送比兒生女 影低左好多cosplayer 同軒去左魔獸攤位度每人用左$310買對戰卡 企係度齊同對戰左2個幾鍾 之後去見下川同佢兩個FD 第一次見佢地真人 我心諗:點解你要係我晚黑約左人個日先出黎出現=0= 仲試左會結冰既可樂 15蚊支 真係正過平常可樂超多!!!! 臨走前見到個cosplay天元突破唔知咩角色既超級令女 超性感...比幾十人圍住係咁影...真係超性感...我都唔執輸 去影左幾十張先肯走   中途搵左cosplay的黎西 影左張相 係電話講左勁耐先知佢係邊... 我同佢都火 哈 之後同佢影左張相又走   之後打過比桔 不過我搵左幾次都搵唔到佢 太多人了= = 就算啦 希望佢唔會嬲左我啦 哈哈   咁就係會展停留左6個鍾@@ 7點又急急腳咁出左荃灣打邊爐。

去到荃灣 榕榕酒家 第一次聽到呆左...心諗 見鬼... 之後佢地話城市中心comebuy對面直行就見到 又真係比我一搵就搵到.... 去到有李嘉 嘉琪 夢ling 雪欣 sez詩 小菲姐 明哥 肥佬 曾銘 賤彤 阿tai 恆哥 菜西 都是舊舊3D的人 因為我成日無訓 已經暈暈地 無咩出聲 一直係度睇港姐 佢地講笑講得好開心呢0.0  菜西 染啡左個頭形哂啦 依家串返人宅男=0=哈哈 余夢ling係超級爛gag高手-.- 打到11點幾先走

我依家超累...已經好暈好暈 哈哈 今晚肯定不會失眠了(HAPPY
遲D補上那超性感女角的相 超正XD
我又重新回到貧窮線 一日之內洗左五百幾蚊

7月31日 凌晨5時45分 又是失眠的一天 我走出廳 躺在沙發上 心情焦躁 看見日出 可是它對我來說毫無意義 我望見快要消失的月亮 隨著天愈來愈亮 它的顏色愈來愈暗淡 它...跟我真像呢 垂死!? 直至6時13分 它完全被遮蓋了 我也再次回到房間嘗試入睡...

晚上 6點45分左右既時候  我家姐特然打黎叫我去佢屋企食飯 我話"下,而家?" 之後急急腳咁換3 落去等小巴... 等左勁耐= = 點知一下子黎左4架89 我第一次見左咁誇張4架痴埋一齊 頭兩架係滿既=0= 勁想爆粗!!   不過落到荃灣 塞左20分鍾車 我就知發生咩事 心諗...荃灣既交通都係時候改善下 SO BAD! SO BAD!

落左車之後沿路行 經過荃新天地二期 原來夜晚既荃2都幾令WO

去到家姐屋企 我兒生女梓晴(Nicole)第一次見都我唔喊 我就明白 55 之前全部係因為D死人黑色3作怪 同我完全無關!!!!!  第一次同Nicole玩得咁HAPPY  佢之前見到我會驚架!!   而家會係咁對住我笑 so good! 我走仲識同我揮手byebye

我家姐今日送左對錶比我 佢話係公司既貨版 歐洲名牌spirit of st.louis 準備運去法國架!!!!! 隻錶真係超型囉...勁鍾意 見到勁開心  不過好耐無帶錶 戴得有d唔舒服  哈哈 不過我肯定會日日戴住佢出街XDXD YEAH!!!~


哈哈 本來話打返BLOG 點知堅持左3次 又半年唔打 唔知今次可以堅持打幾耐呢XDXD

終於考完試啦....
岩岩考完試個日頭一日正常返反7個半鍾...
因為之前聖誕節假同考試都勁夜訓
所以因為時差幾關係
抵抗力激減
差d病左
琴晚9點就事旦食d藥訓左
成人份料應該食兩粒
我一食就食左4粒...
過5個鍾起身去完wc又順手食多兩粒(....唔知我有冇蒙下蒙下當糖食哂成盒呢...)

中英math都合格
自從中一之後都未試過三科主科pass哂
簡直搵返失落多年既滿足感
雖然有d負碌
中史有75/100 不錯呢!
地理,音樂,pe,家政都合格
EPA,PHY FAIL左...(意料中事)
BIO未派,,,肯定合格,希望高分
CHEM都希望合格
西史都應該合格,,無意外既話
仲有D咩科呢....應該冇XD

回想起上年...有咁既成績我已經好開心好滿足XDD"
只能進步，不能退步。天從我願，步向明天。