琴日下午拎左部電腦去整...
我都估到火牛有問題...
不過點知連底板都壞埋-_-
無啦啦無左970$$整電腦...唉
窮窮窮窮窮

之後晚黑去左香格里拉★★★★★酒店食自助餐
好似話我家姐個老闆請...同姐夫同埋家姐d同事...
一去到坐低發覺...隻叉好令
好似係發夢既時候見過咁呢...
一開始食左d冷盤...即係海鮮同壽司...
d長腳蟹勁好食...
mis少少殼就可以成舊肉啜出黎...好甜又有蟹味
又食左聖子..仙貝...好多好多
之後d壽司都好好食...不過得9種0.o
之後拎左勁多印度式串燒食...
平時肯定唔可以一口氣食咁多...哈哈
然後試d中式野發現味道非常一般就冇再試
之後再望望d生豪
我平時見到都唔會食...
之後唸住咁難得既機會無理由唔試下架
點知d生豪既味道同口感同外表一樣咁嘔心..><..
之後又試左d火雞肉...火腿肉...唔知幾成熟既牛肉
叫人cut比我
火腿肉勁好食!!其他兩種相比之下就無咁好,,,但係其實都好食架啦
之後去另一面睇甜品...
d種類多到乜咁
但係我個時已經好飽
所以只係拎左一塊火龍果,,西瓜
同兩種甜品
基本上你講得出既甜品都有... 正!
環境又好有d休閒既音樂...

成$47x位...唔知幾時先再有咁既機會....
或者試下$7xx位個d呢 哈哈..

晚黑反到屋企又冇機打又冇電視睇...
咁岩電視又壞埋買左新未送到...
本來唸住溫書但係結果奇蹟地早睡了
今日下午去拎返電腦~~~~