上上星期四晚,我終於dl完個金山詞霸,開始翻譯張海運提單.
金山詞霸真係超好用,但係係試用版,仲未知點激活.~~~==!
雖然金山詞霸咁勁,但張野工作量太大了,用左我一個通宵先剛好做完.
咁又付出了我一個通宵~~~跟住仲要死去上課.

通完宵的我已經攰到眼都張唔開,仲要捱到去九點八先可以落課.
落課了,以為可以回去訓啦,點知熱心的miss搞左場籃球比賽,為的好像是要同學間增進友誼.
令我無奈下又接觸久違多時的籃球.
雖然好耐冇打,但超勁的我只是練返一陣間又開始熟習返了.
我打左兩節,都打得唔錯的=]
我班有個矮仔超勁(跑一千米用三分鐘左右搞掂~~汗)
佢搶波超勁,差唔多個個都被佢搶過波
唯獨我可以保住球冇比佢搶到,開心死~~~雖然個攻勢最後都係冇入.
好耐冇打,打完個人散左==!

星期日去跑步,轉入尾二個灣時,竟然比我見到隻老鼠走出嚟==!
我都係第一次係運動場度見到有老鼠出現.
出現喺我面前,我當然想避開佢啦.
咪跳開d囉,但點知佢避得超好,剛好避到我鞋底,我一野踩左落去.
佢吱吱咁叫,唔係好中,佢都走左.
但種感覺真係超噁=[
到e+我都未敢再著對跑鞋

仲有上個星期四真係嚇鬼死
上完堂成本管理
去同埋朋友食飯
返埋去上網時先發覺我部電話唔見左.
我即刻打返自己個號碼,等左好耐,終於有人聽了.
原來留左喺課室,我即係飛奔過去.
去到只見到一個女仔喺度,我攞返個電話就走左了.
講真個女仔真係幾靚女架,靚女心地果然都吾錯的,
之後話返比人知,個個都話我傻,做咩唔問個女仔擺電話.
但都係算了,擺得返部電話都算好彩了~~~~~~~