六月二十左右吧，終於都要面臨第一次轉行了~即係又要開始再搵工。
今次真係十分積極，每日都有interview，想話轉做咩真係無咩明確想法， 售貨啊，侍應啊，文員啊，包裝啊乜都有試，搞到搵工仲忙過之前返工果陣……其間仲撞到一個aia的人問我有冇興趣，傾左好耐下，但算啦，轉過一次公司，有 幾麻煩真係自己知。大大話話喺兩個星期見左廿份工都有，其間原本有份係返過兩日的，但無奈的辭了……
記得第一份，星期五見完都未上車返屋企，佢就 打嚟話星期一返去試工。雖然我口頭應承左佢，但細心一諗最後都係放左佢飛機……皆因該地點在柴灣，搭車都用左我個半鐘，都唔係問題，最恐怖係車費一程廿 五，一日兩程就……八逹通平一個幾豪都補唔返。跟住七月六日有第二間啦，但佢地要七月八日上個衞生講座，仲叫我帶埋銀行戶口，但好可惜我去唔到，點解咁肯 定係七月八日呢，因為果日我複診……跟住第三個回覆，我終於都去到啦，喺桌球會所做的，講真，我申請得，係因為我真係鍾意打桌球，工作環境都唔會陌生，工 作又唔算難，果度d人都幾nice，好耐心教我野，說真的覺得呢份工真係幾岩我，但可惜只係做左兩日就要因為某些無聊白痴的外在因素而被迫辭職，真係好難 得每次工作地方的同事都咁好人，都算係一種幸運。最覺得對唔住係教我野最多ge文，為左幫我習慣，本應早收工都照踩落去射住我，所以下次返去攞返張支票時 我真係好驚見到佢，會唔好意思，因為我淨係同左經理講左~唉!我唔知其他人心情點，但辭左之後我心情真係好down，但有邊個有諗過我心情係幾咁低落，個 個都話到我錯鳩曬咁。用左一兩日好不容易收拾好心情又再積極搵工，大概五六日後ge一個三號風球ge日子終於有回報，就係尋日返左間甜品屋ge工，第一日 感覺都唔錯。到左今日又係橫風橫雨ge日子，之前見ge又有份打嚟，好份甜品果份打嚟先咋，唔係要我擇都唔知點好，實又煩死我==!
最重要都係e+果度近，唔怕出少少汗ge，行去市中心真係兩個八車錢都可以慳返。努力做，觀望下。