話說有一日前店長盈打嚟話已經係last day，之後會再計返d糧比我，我就知道又要再搵工了。今次搵工都係用返以往ge方法，以水銀瀉地式ge攻擊，每日都至少見三份，不出四五日，就有三四間回覆我甚至叫我返工。唔知係經濟好左，易左搵工定係真係我技巧好左呢?成功率真係比初初搵工時高左好多。但呢個時候問題又嚟啦，同時有兩間叫我去，一間日本料理叫我直頭上班，一間越式料理叫我去見見面，我心入面係以為越式料理的那間會好d，所以都比較偏向它，但日本料理果度又叫我十一點半去深水埗返工。所以我就計劃去見越式料理的時間為早上十點，睇下會唔會話即刻請我，如果即刻請我就越式，如果要我等的，不用想，立即飛返去深水埗返日本料理份工。計劃就係咁，點知當日我去錯左舖頭，到一心諗住搭車去深水埗返日本料理時電話來了，係越式那邊的，話我去錯左舖頭，當中有問聽日返工有冇問題，呢個時候我已人在美孚，如果返轉頭去同越式老闆見面的話，就一定趕唔切返日本料理果面，即係真係到左兩者只能選其一的局面了。最後我都決定左返轉頭去荃灣西，講真果時我真係覺得好冒險的，如果返轉頭條友又叫我返去等消息，而我又後悔莫及没去到日本料理度，咁咪兩頭唔到岸?!!誰料同越式老闆見左面後叫我聽日返工，問我想返七點定十二點，我揀左七點，我有時都唔明點解揀野總係咁撚on9……見完面後心裏總係搵d藉口後悔這後悔那，例如日本料理果度有勤工獎呢度冇，又要返咁早等等等等……
工作細節就無謂講，但每日都要返七點，由屯門去荃灣西又要預早d時間，搞到每日五點幾就起身，起初時未慣，十二點、一點先瞓到，到五點幾要起身真係果種痛苦呢。跟住之後ge日子唔知係講慣左好啊?定係真係太攰，差不多都十點、十一點就瞓著了。除左瞓覺時間嚴重減少和無精神之外呢，最撚慘係球季開纙我都係睇過一兩場七點幾踼ge比賽，要睇d深夜波真係唔洗諗，好耐都無喺周六日拼命睇波啦~好慘啊!!!!呢份工唯一ge好處就係開始每日都早睡早起，早睡係因為太攰，冇辦法先早睡；早起係因為要返工，冇辦法先早起。間仆x野走左幾條友，人手可以話好不足，唔知係咪咁，佢地好快就教左我好多野，即係意味著我要負責做ge野就會多左。最近呢一兩日轉左返九點，因為要幫輕下另一個同事，可以瞓多兩個鐘算係呢排最值得開心ge事……
其間呢，我見到以前做ge甜品公司喺荃灣ge分店話請人，我想諗住去睇下我有做過ge經驗，呢間舖可能會要我，到時就唔做e+果度，點知過左一個星期都無通知，我都知咩事了。唯有喺度繼續做住先。不過我都只係諗住做埋呢個月，出多次糧就唔做了，所以嚟緊一個星期裏真係要搵一日提前同佢地講。
最後要講講財政方面，e+返工每程車要十個九，一日一來一回即係要二十一個八，講多又唔係多，講少又唔係少……返工後ge支出全部都係由甜品屋出糧果度嚟ge，yannie，kathy分別都話保誠有張我ge票，話幫我入，最後都係冇縱冇影~~唉!我又唔慣追人呢樣，追人果樣咁。好彩越式呢度出左票，不過講真，我返工時銀行未開，放工時銀行早就閂左，真係平日無機會入票，舖頭附近又真係可以一間銀行都無架喎==!最搞笑之前喺波樓做ge果d糧，等左差唔多兩個月都未通知我，我都幾乎忘記之時，尋日打嚟話張票出左，可以去攞，所以我就趁今日放假，去波樓攞票。順便入曬兩張票佢。因為之前喺保誠開左個出糧戶口，到e+都未擺過錢入去，前兩日有人打嚟吹我啦，所以我諗住將其中一張入去渣打度，另一張入去平時個間。雖然我自問對旺角已經行到熟曬爛曬，但我印象中真係無渣打ge存在，好唔易咁先搵到對警察問路，果兩個警察仲要好似記得又好似唔記得咁"依依鵝鵝"咁，最後都係靠個喺隔離派傳單ge嬏嬏先搞掂。最後發覺原來間渣打我以前放工每日都會經過，但居然就係無留意過……希望兩張票聽日都可以順順利利咁入到啦，咁就可以解下我燃眉之急了~~
(PS:今日專登去左信和橫浜睇碟，因為我知道今日剛好就係由柏木由紀，高誠亞樹，倉持明日香組成的新組合FRENCH KISS出第一隻SINGLE的日子，作為柏木fans ge我決定買下它，誰料都幾貴的=[，都係等聽日禁左機再落旺角買啦~~~)
|
