話說，正所謂有朋自遠方來，不亦樂乎。

但這句話同我今次寫的事是没有關係的。話說今晚係咬弟安搞生日party的日子，小弟有幸參與其中，一陣就要出發。但這和我今次寫的也是没有關係的。主要是離出發仲有一點時間,寫下返嚟之後ge生活打發下時間。

今段返嚟之後，睇波睇得多左，上星期英超唔知做乜鬼星期六日賽完,星期三又有，睇波捱晚搞到生活有d顛倒。加上平時睇完波再過一陣就做遮匙ge西崎公園，我多數都會想聽埋先訓。所以周六日都差唔多下午兩三點先起身。跟住仲有歐冠十六強第二論，到時可能連星期二三都要捱晚。
但 當然，捱晚睇波其間都唔係冇野做ge，都要寫下論文咁。論文真係好趕咁，柯sir吹緊我啦，話下星期開始每逢星期三都要開一次會討論論文ge野。但呢，我 ge進度真係好慢，到e+都係寫左個大崗同埋算係寫完第一部分,第一部分唔算得d咩，都係d開場白，花點時間就寫到出嚟，但到左第二三部分的話，就開始要 寫到有分析啊、理論ge部分，真係會驚到時諗唔到，寫唔出。總之都要趕啦，硬着頭皮寫個樣出嚟先，再等柯sir指點下啦。希望佢真係比到個明確d ge方向我啦。
運動方面，原本係想問威哥借籃球嚟練返下的，但問果條友借個波就借左我十年時間去。所以之前都係去跑住步先，當然冇以前跑得咁好， 但都冇所謂了，反正之後我都會全心投入打返籃球，希望對身體有幫助啦。所以前幾日我終於買左籃球了，但買左之後直到今日每日都係落雨的，媽的，連個天都玩 我。
其他時間都係打下機睇下日劇，但機真係打完惡魔城就冇咩想花心機玩，ff4又難玩。所以其餘時間都係睇日劇多，又係話說，今季日劇冇咩邊套岩 睇，一路都係追開voice同神之水，voice還好，神之水就好似越睇越悶，好耐先追得完一集。但呢後來都比發現左一套都好睇ge，就係玉木宏主演ge 旋愛,發現左個香里奈，唔算好靚啦，但幾岩我睇，主題也不錯，我一口氣就睇曬出左ge七集。而另外又發現一套叫qed證明終了，偵探劇，吸引到我ge係女 主角高橋愛係現任morning娘的隊長，所以試著一睇，真係唔錯，男主角我都記得，而高橋愛今次ge角色真係好可愛，好搞笑，都叫做冇睇錯呢套。仲有其 他唔係主打日劇的，但都好似幾高收視同幾多人支持咁ge都想睇下，好似帥氣管家咁，但我又驚係睇靚仔而又劇情欠逢果隻。

之前呢，爸打左電話嚟，話媽呢做化療呢之後呢好辛苦，叫我打下電話返去。真係唔係我唔想打，係我真係打唔到，張卡冇曬錢，強哥未返我都唔知喺邊度買果d 卡，所以一直拖落左都未打。直到一日媽打左比我，但果時喺出邊食緊飯周圍真係太嘈了。我隱約都係聽到話佢做化療之後點點點，但知道佢都係想講冇乜野，要唔 洗擔心。媽咪真係好勁好叻，加油!!!

總之呢，呢排:
看足球+想論文+追日劇+做運動=我的生活