雖然聽日個乜鬼颱風可能會打到嚟，但都阻止唔到我回港ge決心。今次終於唔洗自己訂車票了，輕鬆不少，但呢一兩日真係攰到我傻仔咁。因為過去兩天是畢業禮的日子。
二 十五日，八點半要集合，所以我前一晚好早就訓左...但第二日都係唔夠訓。當然照慣例我又係著到好型、好靚仔咁出發啦。果日好虛撼，好多家長嚟左，好熱 鬧。同明哥等啊等，等啊等，終於可以入去坐啦。一般都會覺得畢業禮會好長、好悶。而今次ge畢業禮的確都係好悶，但卻好短，好快就完結了，大概半個鐘左右 啦囧。跟住我以為遲d會通知派證書，點知我等到十二點幾時伯喜先打電話嚟提我要去攞證書，我即刻去學院啦，但已人去留空，咁岩璽哥又嚟左，就一齊去文明宿 舍攞證書。大熱天時要由經管去紫荊莞都唔好話唔攞命。到走時我仲要一人攞五份，每份又有成七樣野，都咪話唔拿手唔成世。但終於都攞到證書，都總算有d安 慰。下午去退返個水機押金。跟住就等夜晚ge最後一次聚餐，我班預左四圍，但只係嚟左三圍ge人，搞到要三圍ge人數食四圍ge菜，食左冇幾耐我就食唔落 啦。差唔多食野環節完，又到飲酒環節，今次真係我人生ge第一次~~十一個人玩大話骰。完全唔知嗌到幾開好，好彩咁多人，輸機會都少d。文明硬要打流水 莊，但又狂輸，飲得好辛苦咁，辛辛苦苦打完一台跟住又去下一台打，勁啊!但我果晚都不甘示弱~~喺飲方面。飲左好多好耐，飲到十點三左右先同明哥走，今晚 醉得嚟都幾開心。返到去宿舍，揚就以最後一次打麻雀嚟引我，有少少醉意ge我沖左個涼已經清醒曬，諗住今晚殺佢一頸血啦，點知今晚......只係打左兩 個圈囧。因為威龍要臨時要去搞印成績表ge野，搞到大學最後一次ge雀局就咁兩圈...輸左。但都提醒左我同揚聽日有咩做。

二十六日，九 點就同揚去學院打成績出嚟，跟住返到去逐項逐項科目咁打入表格度，中文還好，個英文呢...真係對到我眼都花埋，由十點幾打，打到差唔多一點。打左兩個幾 鐘印埋出嚟終於可以去學務科度審評啦，點知超多人，喺我地前面ge起碼有六、七份，一份四張，每張都要逐項核對。我地由三點等，等到四點多先到我地，揚好 順利過左，我就錯左兩個~頂，又要改。跟住去交錢攞單，話說揚張單唔見左，佢話我之前幫佢渣ge時候跌左，我當然唔會信佢，我死口唔認囉，點知最後都比佢 喺條街度搵返，咁大風都冇吹走，只係比人踩左一腳ja。跟住之後都算快咁搞掂左，但果時都五點半lu，為左搞呢個就用左成日去。

聽日走，依刻我仲未做ge野有執野啦，拆hhd同dvdrom賣書啦，賣電腦啦，退解調器啦，查房啦，退房退押金啦，最好可以剪個靚髮先。但有冇可能呢?
野 就一陣執；d書ok多，問左啊姨話可以賣比佢，查房時順便賣，希望係真賣到啦，打算一早起身，佢一喺度都叫佢查房架啦；個hhd一陣關電腦就會拆；賣電 腦，問左後面舖老闆話可以賣比佢，所以聽日我要拎兩個顯示屏，一部主機過去，今次真係力的表現時間，諗住九點半一開門就即刻攞過去架啦；退解調器呢d易野 十一點先搞啦諗住；搞完d電腦就即刻去搞退房退押金。除左剪髮外我都想一個上午搞掂佢，會唔會大想頭左d呢?跟住下午兩點半或三點就去剪個靚髮，最後一次 喺度剪髮啦。跟住食埋晚飯差唔多等走。呢個就係我ge計劃啦，簡直地獄行程，聽日實會又搞到好攰，但呢幾日呢...每日都只係訓得五、六個鐘左右，真係冇 乜精神，今晚執野可能到三點幾先訓到，望就望聽日喺車到會攰到即刻訓到啦。
真係再見啦，平時就百般不願留在這，現在就千個不願這麽快離開。(好似同第一句好矛盾囧。)