話說今屆係最後一屆的會考，依家 又住喺香港，唔考返次會考總係唔多妥咁。所以我決定今年考會考，考得好，有信心，下年就考埋高考。因為最後一屆，真係要一擊即中。就算有設補考都唔想咩。 原本諗住報中、英、數、經濟、會計和物理的，但報實驗科要提過往中學成績或公開考試成績，咁煩，所以我改左報附加數。
九月尾就死左去報名，死左去黃大仙咁遠報名，搵個死人考評局搵左我一大輪。個日好多人報名，六科=1288。
我諗住先溫冇咩信心的科，會計>經濟>附數，跟住數學唔溫，淨做習題，中、英就一路都要keep住溫，得閒就溫。睇過下試題，中我唔驚，我驚英。
實際溫習方面，未報名前一至兩個月都喺度溫緊架啦，先溫會計學原理。因學過國內的會計，香港會計雖然分別都幾大，但我都算係溫得幾順利。上、下 兩冊勉強叫做溫曬，勉強的意思是八成左右。唔知點解溫書總係溫到八成就没心情把餘下不明的也搞明的。諗住之後搵三四日狂做下練習做最後複習。
前一兩日就停左溫會計，但因為未搵到下一科的溫習資料，所以試下做07數學試題，唔可以話易到非常，但對我嚟講真係唔難，就係時間應該會好緊。 但對我嚟講應該不成問題。所以今次數學真係坐B望A；就算打個折扣都起碼有C；就算唔C啊，我都有信心保住個D；就算連信心都冇埋都肯定攞到個合格E；真 係咁唔好彩F都仲有個補考……
今日就去左圖書館搵經濟書，點知去到睇到的都是些日本經濟、經濟乜乜乜的那些專題書，我想搵本最簡單的經濟學原理之類的書都冇，有的就是簡體， 我諗內容多數都唔for香港會考的了。我又唔想未充實完經濟學的內容就狂做試題，冇意義，效果都未必好。返到嚟就決心試下喺我哥萬幾本書中嘗試搵下，睇下 有冇岩用的，終於比我搵到經濟的，呢本同我溫過的會計學原計一樣咁正，因為都有上下冊，睇落好pro。仲順便搵到埋附加數上下冊。真係萬事俱備，只差我的 汗水與努力。
到經濟了。
|
