話說前晚啊臨瞓前隻右耳無端端有d問題，好似聽野唔係幾好咁，雖然右耳唔係真係完全聽唔到，但真係比隻左耳弱好多咁。諗住瞓一教第二日睇下點，點知第二日 起身都仲係咁。好唔慣，兩邊聽力不平衡令到我感覺好鬼唔自然，就算唔係要聽野ge時候都係咁，搞到我歌都唔敢聽，驚搞到真係整聾埋。落度條街度就好似冇咁 嘈，又諗緊會唔會就咁聾左，好似d電視劇角色知道得左個病跟住又喺條街度徬徨個種feel咁，雖然我知係冇咁嚴重。喺公司聽人講野又唔係聽得咁清楚，同人 講野又聽唔清楚自己講野有幾大聲，搞到同人傾計就成日都喺度"咩啊?咩啊"咁。加上個日又落雨天氣又悶焗，個心"危住危住"咁，搞到心情十分低落~個世界 唔同曬咁。到差唔多七點左右，同fung講緊野之餘搞下隻耳仔，突然間回復十足聽覺，條街都即刻嘈返，個刻感覺好似重生咁，心情都即刻轉返好。總之今日呢 就體驗左隻耳(縱然係一邊耳都好)有事個感覺會點，個種感覺呢……真係……唔識講，總之就會覺得個世界唔同左咁。e+終於無事啦~~~~