假期最後一晚了，聽日就返工了，呢個假期都算充左下電ge。
第一日都係諗住喺屋企呆死佢算架啦，但係突然間有個女仔打嚟:"你知唔知我係邊個 啊?"原來容小姐嚟左香港，個日就出去陪佢。原本都冇乜野，但去到新之城時，佢同佢fd去買野，我就去左陪佢fd個男朋友落去打機，點知過左一陣就唔見左 佢，搵左好耐都搵唔到佢，幾驚整唔見人地個男朋友啊!跟住會合佢同佢fd，一齊繼續搵，打電話比佢fd男朋友又冇人聽。搞左差唔多大半個鐘，佢終於接聽電 話。頂，原來佢自己一個走左去行街，仲要唔識路返嚟，打電話又唔聽……接待過幾次d過嚟香港ge人，今次都算最心驚。
跟住個兩日就腳真係堅痛的，養傷，以備有好狀態去拜山，個兩日講真真係幾無聊，無聊到我都唔記得個兩日做過d咩，淨係記得我隊曼聯輸左波=[
到 左清明個日，頂~五點起，前一日晚因為睇左少少騎士vs綠軍，兩點先瞓，瞓得三個鐘就起身準備，五點半搭車出發，七點十五分搭船出發。三年後ge今日終於 返嚟澳門啦。d賭場真係多那到呢……過左新口岸轉而進入新馬路即刻d建築物風格變曬，好似兩個世界咁。喺南苑飲茶呢，居然有隻野喺頂上的橫樑掉了下搖搖的 椅子旁，好彩我睇唔到咋，唔係唔洗食野，不過嚇那到搖搖呢……一行差不多廿多人去拜山了，行到途中大家指著高處的目標個個情景，唔知點解覺得好正，好有拜 山feel。上到最高處，搞到超級耐，終於都拜完了~~~第一程……四年冇跟隊拜山的我原來係唔知道，e家我家要拜山原來係要拜三個地方，之後仲有第二 程，第三程。由十一點度拜到下午三點先拜完。跟住諗住自由時間，點知仲有樣我唔記得ge野，就係晚上要一齊食飯ge~六點。頂!返到祐漢都已經四點啦，買 好衫褲就去雞屋企沖涼，跟住食完野，聚左陣就出發去酒樓。又頂，去到望遍成個一樓都唔見佢地，問有冇姓吳ge訂左台條友又話冇，又連絡唔到佢地，搞到我要 返去快子基同雞同佢個fd一齊食m記……事後先知原來佢地上左二樓食飯……雞肯收留我，所以我果晚決定喺澳門過一夜，但約左個福佳咬弟安又失我約=[好彩 搵好耐都搵唔到ge容小姐呢個時候佢ge電話終於打得通啦，原來佢出左大陸，如果唔係個福佳安約左我又失約，一早同容小姐佢地行下仲好，好彩同佢都傾左好 耐電話，都叫補返下數，開心d，但用雞個電話傾得太耐，佢咋形了開始=[。同雞又傾又玩到差唔多一點就瞓了。不過呢其實個日德安真係陪左我出去我都冇精 神，因為瞓得太少真係好那眼瞓……
今日朝早起身啦，嘩~~頂，背部超酸痛，因為我瞓梳化，太細張，成晚瞓覺都冇轉過姿勢囧，出發返香港，食完個早 餐諗住去搭車了，點知比我見到條勁正ge女，著住連身裙，我望得入神之時，我發覺佢身邊個男仔用個幾出奇ge樣望住我，我心諗唔知係咪唔妥我望佢條女，想 兇我…點知佢話:"我係咪識你架?"我又望真d，發現原來佢係初三時的同學仔盧智飛，想當年ge佢呢:五呎差好多吋，個樣又鬼咁可愛個種，今時今日ge 佢，高左好多，個樣又變到超靚仔，仲有條咁正ge女，真係呢個世界瞬息萬變。搭巴士去碼頭，居然喺車上面撞到爸媽，好巧，一齊走，又唔洗自己出錢了。返到 嚟就即刻去左荃灣唱k，講真唱唱下先知原來係有人生日，真係原先都以為只係純粹唱k。但今日真係冇乜點唱，九成都女仔歌，加埋都冇五首。不過算啦，又唔洗 出錢，又係人地生日，下次唱k一定要唱陀飛輪啊!!!!!!!!!!!!!!!!!!!!跟住同k&f去左機舖，六點四十幾分終於返到屋企了。
聽日就返工，呢個假期，雖然過左澳門只係一日多d ge時間，但真係有種叉左電ge感覺，澳門同一班舊友ge威力真係幾大下。喺呢個假期我又有左我ge目標啦，好!努力努力努力努力努力努力努力。