做差人未必係好仔，做車房未必一定沙沙滾。

做差人做到家破人亡既有好多，做車房可以養妻活兒都一定唔會少。

好人？壞人？

都係有個人字，但就無職同業呢二個字係入面。

每一行業都需要上層同下層既人士，職業都唔一定可以定前途，之所謂行行出狀元。

做個銀行窗口又點丫？好似好好聽，但係人工唔高，又忙又辛苦又受氣又睇面色。

做大車房技術主任或者經理呢？好似好難聽，但係人工唔錯，又可以發揮自己。

唔知詳情既，車房同銀行，就好似地獄同天堂。 

劉ｘ雄係一個生意人，每日都賺好多好多錢，但佢一樣玩女人。

李ｘ誠係一個富翁，每日都賺好多好多錢，但佢一樣洗黑錢。

街市賣魚既陳先生，每日都為胡口而煩惱，但佢一樣可以有一個家，每日開心咁過。

好人？壞人？

始終都係要睇返個人。

一切，都要睇呢個人証唔証明到自己，有無心去做好自己。

任何人都應該不停為自己努力，為自己加油。

願所有人都可以得到信心。 

咁大個仔，第一隻鋼錶．．．

失禮晒．．．