http://hk.myblog.yahoo.com/maxwendy306/
岩岩睇到一個好朋友個BLOG，
竟然連續兩編都係到談婚論嫁，真係當我無到咁喎．．．直呈好似係我面前示威咁呀．．．
但係我諗諗下又諗到佢結婚既場面，究竟到時我會坐係朋友席丫？定係會坐係主家席呢？
我又唔知會唔會被迫上台"講兩句"呢？
你又知唔知結左婚既人係唔可以做伴郎架？到時如果真係發生，
我會是但搵個人結婚囉，因為我個款真係好唔襯囉∼
假如你攪西式，叫我上台的話我會講咩呢？
除左講我地點識、成長路、我點睇你、我為你做過咩、
我對你有咩其望 同埋 祝福 之外，真係無咩好講．．．
就以家採排一次先．．．
「我同阿俊既相識就係因為當年由我成日比人罰企班房門口開始．．．
每次佢都會行過．．．有一次佢終於忍唔住問我"點解你成日企係到?"
我："關你鬼事!"．．．
直到去∼
早會佢明明好高但又要企我後面係到玩，重引埋欣倩佢地企晒埋黎一齊玩，
一齊踢波，
一齊上堂玩，同阿SIR頂咀，
一齊拎幾次物理測驗頭2名。
直到中四完結．．．佢要留班，令我地分開．．．
再2年後佢去外國讀書，我都以為我地既感情只係得咁多，
但係佢每次返黎香港都要係我屋企訓下先過癮，
o個時2個衰仔，一個訓床一個訓地下，重係到傾埋d咩咩咩．．．諗返起都嘔心．．．哈~
呢一次係佢第一次証明比我知，”感情係唔會因為遠而疏"既。
我重記得有一次，個衰仔上我到玩，食左我媽包薯片．．．
當我老媽子問佢：哎呀∼你食我包薯片一件都唔留比我？
佢竟然施行外母政策：阿程話食得既∼唔好嬲啦∼你係我契媽嘛∼
佢口顏無齒咁亂認人做契媽囉．．．真係唔知醜！
鏡頭一轉又去到佢同返佢一直係心入面佔最重席位既人拍拖，但係時間人物地點唔同晒，
今次男係香港女係外國，係呢一段日子，我諗係我同佢最開心既日子，但係佢就快要結婚喇．．．
成功既異地戀，佢再一次証明比我知，”感情係唔會因為遠而疏"。
最後，我會祝福呢個做人比我成功百倍既好知己．．．幸福快樂!」
oldching@hotmail.com
oldching3
