太陽先生繼續以燦爛的陽光照耀大地，不過在晚上聽到新聞，
好像有個颱風吹緊過來，太陽先生會唔會就咁就去放返一個長假期呢？
有待觀察，今天在舖頭不幸的事係接二連三咁出現，
首先一開完舖，就發覺個凍飲櫃壞左，搞到要我未食早餐就要優先處理，
緊急將d必須用的飲品轉去其他雪櫃雪，搞左一陣，終於可以買早餐食啦，
點知去這裡無想食的早餐，去那裡又無想食的早餐，去左幾間，都係無，
終於就要去涯包，算啦，都係一餐姐，接着就遇到一個客買兩箱水，
我天真地諗住借部手推車給佢推去需要的位置，諗住一兩個小時就會還，
點知係劉備借荊州，一借無回頭，我心諗都係算啦，只能怪自己太天真，
接着在冇手推車的情況下，重要去送兩次送，
唔係咁巧合呀，一日可以發生咁多野，真無奈，唯有認命係黑仔王啦。
返到屋企，要覆返以前的中學同學電話－力爺的電話，
內容都係一些電腦的問題，用了幾分鐘答完就食晚飯，
那時已經差不多到晚上十點，唔係呀..時間過得咁快架，咁就過左一日啦
講住咁多先.... |
